السلام عليكم "
كيفكم ياحلوات ^_^
اليوم البوست سريييع مرررررررره
لأنو الواحد في رمضان المفروض يتفرغ للعبادة
عشان كدا تدويناتي إن شاء الله حتون سريعة وخفيفة وماتآخد وقت
طبعا أمس أول يوم برمضان الفطور كان في بيت جدي
لازم العيلة تتجمع أول يوم عند جدي وجدتي وكل عيلة تجيب معاها أطباق وأصناف وزي كدا
المهم انو التدوينة حتكون عن لبسي أمس ^^
اول مره بحياتي البس جلابيه او دراعه زي ما يسموها البعض
بس طبعا مو دراعه كاملة وثقيلة حقت حريم كبار ^^ لا شي قصير لحد نص الساق ونعوم وكدا
حبيت لونها وحبيت انو طولها مناسب لا طويلة ولا قصيرة
هذي التفاصيل اللي عالصدر
ناعمة مافيها شك كثير
وتتدرج بين البني والنحاسية والديني
لبست معاها الهيلز النحاسي
صغيرون ونعوم ومررره مناسب الموديل
والكلتش دي مناسبة مرره لثيم رمضان وكدا
نجي للمكياج ^__^
طبعا زي العادة بدأت ببرايمر ماك
بعد كدا حطيت شوية كوريكتر على الهالات تحت عيوني
وحطيت فوقه كونسيلر ستوديو فنش من ماك بفرشة الكريس من ريل تكنيك
وبعدين وزعت فاونديشن ريفلون كلر ستاي بفرشة الفاونديشن من كوستال سنتس $_$
وزي العادة ثبتت الفاونديشن والكونسيلر ببودرة ستاي مات من ريميل
وبنفس فرشة الفاونديشن
زبطت حواجبي ببودرة الحواجب من مكياجي ^_^
وبعد كدا حطيت عليها من الماسكرا الشفافة الخاصة بالحواجب من مكياجي بس نسيت اصورها
عشان تثبت شكل الحواجب وترتبها
بالنسبة للعيون
بدأت ببرايمر أربن ديكاي
وبعد كدا وزعت لون
Half baked
على كامل الجفن
واستخدمت لون
Sin
لتحت الحاجب
وحطيت لون
Buck
في كسرة العين عشان تبرزها
ورسمت عيني من جوا بقلم ماكس فاكتور الأسود
وتحت خط الرموش اللي تحت عملت خط بالقلم الأخضر من مكياجي
ودمجته بخفه
ووزعت ماسكرا من آفون على رموشي اللي فوق واللي تحت
للخدود استخدمت باليت نيكد فلشد
اللي صرت مغررررررمة فيه من اول استخدام
وزعت البرونزر على أماكن الكونتور
والبلش في مكانه ^_^
والهايلايتر على عظمة الخد وعلى عظمة الانف
واستخدمت فرشة الكونتور من كوستال سنتس لكل دي الاشياء
وأخيرا استخدمت محدد الشفايف النيود دا لكل الشفايف
وحطيت فوقه روج ريميل اسمه
Firecracker
لونه اورنج هادي
بالنسبة للشعر
تعرفوني دايما احوس بالشعر
بس بالنهاية استشورته وتركته مفتوح بدون ويفي او كيرلز
وطلعت من البيت وانا فارقته من النص
بس وصلت هناك والفرقة مره تروح يمين مره يسار
وووووبس
^______^
ان شاء الله عجبكم البوست
ولا تنسوا تشتركوا بالقيف اواي تبع رمضان
حتلاقوها في البوست اللي قبل دا
موفقييييييين ^_^
Love
XOXO
مشاءالله الجلابية مرة انتكة ونعومة وحبيت باليت نيكد فلشد تبع الخدود الواننننننةةة خطيرة ، اكثر شي خلاني ارد ع الموضوع هذا تسريحة شعرك ابدد ترا انا مثلك اقوول واهايط عند اهلي انو بسوي تسريحة ناعممة وخفيفة للعزيمة الفلانية وبالاخير استشوار وي الله بعد ههههههههه =)
ReplyDeleteههههههههه من جد بالنسبة ليا معاناه الشعر
Deleteاللبس عادي والمكياج عادي
والشعر ستوووب هههههههه
الله يعين بس