Wednesday, August 20, 2014

ملف شامل لمكياج طالبات الجامعة والموظفات بشكل عام ( الجزء الاول )

السلا عليكم "

كيفكم حبيباتي ؟؟

زي ماوعدتكم في آخر بوست أني حعمل تدوينة منفصلة وشاملة لمكياج الجامعة والدوام ^^ أهو البوست جاء

رح احاول اتكلم بالتفصيل قد ما أقدر ^_^

رح أبدأ بأهم شي لبنات الجامعة والموظفات كمان

( واقي الشمس )

طبعا شمس السعودية حااااارقة الله يكفينا
وتلعب بالبشرة لعب خصوصا لبنات الجامعة اللي يفرون من مبنى لمبنى في عز القايلة :( مأجورين مأجورين حبيباتي

أخترت لكم كم واقي شمس معروفة ومصنفة أنها الأفضل
حاولوا تأخدو +50 وفوق عشان يأدي وظيفته في شمسنا الحارقة

AVEENO PROTECT + HYDRATE LOTION SPF 70



 Clarins UV Plus Day Screen SPF 40

Josie Maran Protect Daily Sun Protection Argan Oil Daily Moisturizer with SPF 40+



**********************

بعد كدا نجي لتهيئة البشرة للمكياج 
( البرايمر أو البيس ) 

هالمنتج وظيفته تهيئة البشرة وأنه يكون طبقة عازلة بين بشرتك والمكياج عشان ما تتعدم البشرة والأهم من كذا انه يضمن ثبات الفاونديشن لأطول فترة ممكنة ..

كل برايمر يختلف عن الثاني حسب البشرة 
يعني فيه برايمرز وظيفتها الاساسية تصغر المسام 
وفيه برايمرز تتحكم بالدهون في البشرة 
وغيرها كثير ......

أخترت لكم كذا برايمر وحاولت قد مااقدر اجيب المناسب لجميع انواع البشرة 



Bare Escentuals "Prime Time" Foundation Primer
للأمانة ماجربته لكن كثيييير يوتيوبرز يمدحوه 
وناوية عليه قريب ^_*



benefit the Porefessional Primer
محبوب العالم كلها ^_^ 
هالبرايمر يساعد في تصغير المسام 



smashbox photo finish foundation primer
جداااا جميل 
قوامه سيلكوني ويخلي سطح البرشة ناعم ويعبي الخطوط التعبيرية والمسام 


**********************


دحين نجي للأساس 
( الفاونديشن ) 

طبعا هنا أنتي مخيرة بين البي بي والسي سي كريم أو الفاونديشن 

أنا شخصيا افضل البي بي كريم لأنه أقل ضررا من الاساس 
خصوصا انك حتستخدميه بشكل يوووومي 

عشان كدا رح احط لكم كذا بي بي وسي سي كريم 
وبعدها رح أحط لكم الفاونديشنز



garnier bb cream

هالشي من مفضلاتي أنا 
وبستخدمه بشكل يومي 
وغارنيير منزلين كذا نوع 
الطويل للبشرة الدهنية 
والثاني للبشرة العادية والجافة 



Clinique – Age Defense BB Cream SPF 30 & Moisture Surge CC Cream SPF 30

هالمنتجين ماجربتهم ولكن عليهم مدح كثييييير 



MAC Prep + Prime BB Cream 


**********************

نجي دحين للفاونديشن لو كنتي تبي تغطيه أفضل 



mac face and body foundation
هالفاونديشن من مفضلاتي بالدنيا 
تغطيته خفيفة ويعطي لوك ديوي ورطب وصحي للبشرة 
ينفع للاستخدام اليومي 



bourjois happy light foundation
هذا أخو بورجوا هيلثي مكس 
بس هالفاونديشن تغطيته أخف وشكله حلو بكل الاضاءات
سواء شمس أو اضاءة صفراء او بيضاء 



l'oreal true match foundation
هالفاونديشن حبيب الكل 
بجد ماقد مر عليا أحد يذمه 
حلاوته أنه عندهم درجات ألوان كثيييييير 
يعني طبي وأختاري اللي يناسبك 


**********************


جاء دور الكونسيلرات 
أو خافي العيوب 

طبعا أذا كنتي ماتختاجي كونسيلر فأنتي في نعمة ما تعرفين قد ايش :) 
لكن البنوتات اللي عندهم هالات أو أثار حبوب وبقع يحتاجوا الكونسيلر بقوة ^_* 

رح أبدا بالتغطية الخفيفة للأثقل 


maybelline fit me concealer
هالكونسيلر استخدمه بشكل يومي 
حلو وخفيف ويضوي منطقة تحت العين 



Benefit Fake Up Hydrating Concealer
هالكونسيلر حلو للاستخدام اليومي لأنو يرطب منطقة تحت العين 
وبنفس الوقت يعطي تغطية متوسطة 



mac pro longwear concealer
هالكونسيلر تغطيته ثقيلة ويخفي العالات بشكل جميل 
ويعتبر أقل كونسيلر يخطط تحت العيون 



**********************


دحين حتكلم عن البودرات 
سواء البودرة اللي بلون أو الشفافة اللي تثبت الفاونديشن ^_^ 



mac studio fix powder
هالبودرة ممكن تستخدميها كفاونديشن يعني ماتستخدمي فاونديشن قبلها 
لأنها بتعطي تغطية للبشرة 
أو ممكن في حال استخدمتي فاونديشن خفيف وتبغي تغطية زيادة 



banana setting powder
هالبودرة كلكم تعرفوها 
والكل بيستخدمها 
طبعا لا تستخدموها على كل الوجه 
بكره يصير لونكم مدري شلون وتقولون ذكرى السبب 
لا بس لتثبيت الكونسيلر تحت العين 
انا استخمها لما ابغى وجهي يكون ديوي 
بس اثبت بيها تحت العين 
والباقي مااثبته عشان مايصير مطفي 


E.L.F. Studio High Definition Undereye Setting Powder
هالبودرة شفافة وتعطي ملمس سيلوكني 
واللي احبه فيها انها تحسيها تضوي منطقة تحت العيون 
مدرس هي تعكس الضوء فتعطي لوك مشرق كدا للبشرة 


**********************


ديحن جاء دور البلاشرات 

طبعا بالنسبة ليا افضل البلاشرات الكريمية في الصباح وللدوام 
مدري ليش بس احسها تعطي لوك ديوي نعوم 

واكيد رح نعتمد ألوان خفيفة وفاتحة للدوام 
يعني بلاش الاحمر والغوامق والكونتور المبالغ فيه 



NYX cream blushes
عشقي $_$
خفيفة وناعمة وتعطي توريد طبيعي للخدود 


BH floral blush duos
حلاوة هالبلاشرات انها لونين 
فيه كم واحد منهم فيه بلاشر واضاءة 
او برونزر واضاءة 
طبعا زي ماقلت اختارو الوان ناعمة وطبيعية 



E.l.f. Studio Blush Palette
باليتات البلاشر دي نازل منها درجتين 
لايت ودارك 
للجامعة والدوام طبعا اختارو اللايت - الفواتح 
الوانها حلوة وناعمة ^_^ 



**********************


دحين نجي للايشادوهات 

بالنسبة ليا أحس ماله داعي ايشادوهات وزحمة 
يعني شي بسيط وناعم بألوان فاتحة بس 



naked 3
هالباليت لاااازم يكون عندك للجامعة والدوام 
اخف من نيكد 1 و 2 والوانه افتح ومايلة عالبينك والروزغولد 


lorac pro palette
هالباليت اصلا اساسي بحياتك 
الوانه بين المطفي واللمعة 
وممكن تستخدمي للوكات رايقة للجامعة والدوام 



physicians formula shimmer strips eyeshadow - natural nude
هالباليت كيوت وجميل وناعم 
درجات الالوان اللي فيه طبيعية وفيها شوية لمعة 
مو لمعة يعني سهرة 
لا اللمعة الناعمة اللي تنفع في الصباح وتعطيكي لوك غلام وكدا 



Maybelline Eye Studio Color Eyeshadow
هذي الكوادز من مايبلين مررره افضل من سعرها 
جودتها طييييبة 
وألوانها متنوعة 
اختاري لك كم واحد بألوان طبيعية وناعمة للجامعة 


**********************



الاكحال والماسكرات 
بالنسبة للاكحال انتي وذوقك 
تحبي اسود أو بني أو ملون 
بكل الحالات اعتمديه بشكل ناعم وخفيف 
يعني بلاش ترسمي عيونك كلها بأسود من فوق ومن تحت وهاتك زحمة 


Urban Decay 24/7 Glide-On Eye pencils

اقلام اربن ديكاي هي الافضل بالسوق 
كريمية وثابته وانوانها واضحة 

**********************


بالنسبة للماسكرات 
فالسوق مليااااااااااااان 

وهذي مجموعة منها مرررررره جيدة وعن تجربة 


Essence I Love Extreme Crazy Volume Mascara



L'Oréal. Voluminous Million Lashes Mascara



Maybelline Colossal Volum' Express Mascara



Benefit They're Real! Mascara



**********************


نجي للأرواج 
اللي مسببة أزمة للكل 

أنا رح احط لكم الدرجات اللي أنا ممكن استخدمها للجامعة 
بالنسبة ليا ماعندي مشكلة أحد أحمر بالجامعة 
لكنم درجة عن درجة تفرق 
ورح اوريكم تحت 



rimmel lipstick
أرواج ريميل وبشكل خاص كوليكشن كايت سبيد 
من أفضل الارواج وتعتبر بديل ممتاز لأرواج ماك 



revlon lipstick
اروج ريفلون 
كمان ممتازة خصوصا المطفية 
وبديل روعة لأرواج ماك 



nyx butter lipstick
ارواج البتر دي خورافية 
ترطب الشفايف واوانها خفيفة وناعمة 



NYX Soft Matte Lip Cream
هذي الليب كريمز رووووعة 
لأنها تصير مطفية وثابته بدون ما تتشقق شفايفك 



revlon colorburst crayon matte balm
اقلام الروج تبع ريفلون 
مررررررره حلوة 
مطفية وثابته وألوانها واضحة 



Bourjois Colour Boost Lip Crayons
هذي الكاريونز عكس حقت ريفلون 
غلوسية والوانها ناعمة وخفيفة 
وترطب الشفايف 


**********************



( نجي دحين لأهم شي ) 
( الألوان المناسبة للدوام والجامعة ) 



















وووووووووووووبس 
هذا الجزء زي ماشفتوا اتكلمت عن افضل المنتجات وانواعها وهكذا 
الجزء الجاية حتكلم عن اللوكات المناسبة للجامعة 
ورح احط لكم فيدوهات لمكياج خفيف وناعم يناسب الجامعة والدوام ^_^ 
انتظروووووووووووووني 


Love 
XOXO

Wednesday, August 13, 2014

ملف شامل للإحتياجات الفاشونية لطالبات الجامعة والموظفات

السلام عليكم ..

كيفكم حبيباتي ؟؟

أدري ليا فترة طووووووويلة ما حطيت لكم بوست محترم ومرتب بس بجد انشغلت هالفترة غير لخبطت النوم :"( 

تدوينة اليوم طويلة عريضة تخص بنات الجامعة والموظفات بشكل عام ^_^ 

وطبعا تخص الازياء بشكل خاص >>> رح اعمل تدوينة منفصلة خاصة بالمكياج ^_* انتظروها 


حتكلم اليوم بشكل مفصل عن القطع الضرورية في دولابك خلال فترة دراستك 

وحتكلم عن طريقة تنسيقها بالاضافة لأمثلة تنسيقات من نفس القطع الموضحة لكم ^_^ 


حنبدأ بالأساسيات ^_^ 

طبعا أنظمة الجامعات تختلف 
اللي يسمحوا بالالوان واللي ما يسمحوا واللي يسمحوا بنص كم واللي مايسمحوا وهكذا ،، 

أنا حتكلم بشكل عام وتقدر كل وحدة فيكم تغير فيها حسب حاجتها ^_^ 



أولا وأهم شي 
( التنانير )

أهم شي يكون بدولابك تنورتين أو ثلاثة سوداء بموديلات وخامات مختلفة 
يعني قطن وشيفون وهكذا 

* أحلى شي بهالتنانير أنك تقدري تنسقيها بمليون طريقة ومع كل الالوان 
وأعتبرها من ضروريات الحياة 






زيادة على التنانير السوداء ضروري تاخدي كم تنورة بكذا لون مختلف 
يعني اختاري ألوانك المفضلة ^_^ ويفضل تكون ألوان زاهية وفرايحية 




احنا بجامعة عزوز يسمحوا بالتنانير الميدي يعني لنص الساق 
وأنا شخصيا أحب البس هالنوع يكون قطن ناعم وخفيف وماتكون محزقة وضيقة مررره 

******************************


نجي للشي الثاني 

( البلايز والتيشرتات


نصيحة اول شي خدو تيشرتات بيسكس وأساسية بألوان محايدة 
عشان تتلبس مع كل التنانير اللي عندك وتطلع بشكل مختلف كل مره 








******************************

وطبعا ما ننسى أهم شي بالحياة والدولاب وكل ابو شي 
القميص الأبيض 



*************************

كمان خدو كم تيشيرت بطبعات ^_^ مرررره كيوت وتريندي هالسنة 
ممكن تتلبس مع تنورة سوداء وعقد وانتهينا ^_* 







 ******************************


والقمصان سواء السادة أو المشجرة والمطبعة مهمة 
أول شي شكلها مرتب عاللبس 
وغير كدا ممكن تتلبس مع تنانير بموديلات مختلفة 



******************************

 وماننسى الأهم 
الدينم شيرت أو قميص الجينز 

مررررررره مهم 






 اختاري درجة أو درجتين من القمصان الجينز وصدقوني حتلبسوها بمية طريقة وطريقة 
ممكن قميص وممكن جاكيت وممكن تربطيها من قدام وهكذا 


******************************


ومن الاشياء الاساسية كمان البديهات 
ماننساها لأنو حيجي اليوم اللي نحتاج نلبسها تحت قميص ولا جاكيت ولا بلايزر 



******************************


و من الاشياء المهمة فترة الجامعة وخصوصا وقت مايبرد الجو 
الكارديغان 
وماادراك مالكادريغان 
اذا ثلجت أطرافك في القاعة ألبسيه خخخخخخ




 نازلة بالسوق أشكال وألوان وممكن تنسقيها بطرق سهلة ^_^ 

******************************


كمان من الاشياء اللي انا دايما بستفيد منها هي الفساتين الماكسي 



انا شخصيا مااميل للفستاين المنقشة والمشجرة كثير 
أحب الالوان السادة في الفساتين وأنا العب عليها بالاكسسوارات أو الجاكيت 
بس حطيت لكم مجموعة لكل الاذوق ^_* 

حتقولوا أغلبها علاقيات وعريانة 
بقولكم أدري وعشان كدا حتكلم عن  
V
V
V
الجاكيت الدينم أو الجينز 
هالشي جميل ومفيد في الازمات ^_^ التستير 


اختاري واحد ولا اثنين ورح ينفعونك عالمدى البعيد ^_* 

******************************

دحين خلصنا من الملابس ^_^ 
حنبدأ بالاكسسوارات والاضافات الجميلة 


الشنطة 
هذي اللي معذبه البنات ^_^ طبعا الشنطة حتختاريها حسب احتياجك وذوقك 
اذا كنتي من الناس اللي تحب التغيير بكثرة فبلاش تدفعي مبلغ وقدره في شنطة غالية 
لأنك حتطفشي منها وتغيريها 
لكن لو كنتي من الناس المخلصة واللي تمسك بالشنطة سنة سنتين فأكيد أنصحك تكعي مبلغ محترم وتاخدي شنطة من فندي ولا جيفنشي تعيش معاكي ويكون شكلها مرتب 


هالشنط الجميلة كبيرة وتشيل العفش وخامتها طيبة 
ممكن تلاقوا زيها في زارا ونيولوك 

******************************



ستايل الباكيت باق نازل بقوة هالموسم 
وعن نفسي أحسها مناسبة بقوة للجامعة ^_^ 

******************************


ولو كنتي من محبين الشنط الصغنونة فهذي جميلة وأشكالها كيوت 

******************************


أما اذا كنتي من البنوتات الدوافير اللي يحبوا شنط الظهر فهذي كم شنطة كيوت وجميلة ممكن تناسبكم 
وأغلبها من فورايفر 21 <<<< أحب شنط الظهر حقتهم 




******************************


دحين جاء دور الشوزات الله يكرمكم 

أول حاجة وأهم حاجة 
السنيكرز البلان الابيض ^_^



هالشي مفيد حتى في الحياة العادية مو بس في الجامعة والدوام 
أنا شخصيا يعجبني شكله مع التنانير الميدي ^_^ كيوت ولطيف 

******************************



الفلات ^_^




الفترة هذي نازل بأشكال وألوان 
طقي منه أثنين أو ثلاثة بأشكال وخامات مختلفة ^^ 

******************************

الصنادل 



حلوة للصيف والربيع ^_^ 
نعومة وتحلي الرجل 

******************************



طيب دحين نجي للعشق ^_^ النظارات الشمسية 


طبعا وضعها زي وضع الشنط 
* لو تحبي تغيري دايما خدي كذا نظارة بمبالغ بسيطة 
من فورايفر 21 <<< نظاراتهم عشششق ، وألدو وأكسسواريز 

* أما اذا تحبي تعتمدي نظارة وحدة لفترة طويلة فلا تقصري على نفسك 
وخدي من روبيرتو كفالي وجيفنشي وشانيل 

******************************


نجي لشي تاني مهم للبنات بشكل عام ^_^ 
الساعات 




بالنسبة للساعات أنا افضل تاخدوا شي مرتب وأصلي يعيش معاكم 
عندكم مايكل كورس أسعارها متاحة للجميع يعني أبو 700 وفوق 
وأشكال وألوان <<< طبي واتنقي ^_^ 

حلوة تزبطي معاها كم أسورة ناعمة وتعملي أرم كادي ^_^ 




******************************


أخر شي حتكلم عن أهم شي بالنسبة ليا 
واللي ممكن يساعدكم تغيروا لوكاتكم يوميا بلمسة وحدة 

الستيتمنت نيكلسز 
أو العقود الكبيرة 




ممكن تقولوا أوفر بس أنا مااعتبرها أوفر وبلبسها للدوام دايما 
حلوة مع تيشيرت سادة أو قميص جينز 
يعطي لبسك حياة وتلفت الانباة 

أنا مابقول لكم ألبسي رشرش وشي طوله مترين ونص 
لكن فيه نيكلسز ناعمة ونفس الوقت بألوان ملفتة 

حتطلع عاللبس جميلة وملفته ولكن أبدا مو أوفر 
وهذي كم تنسيق لهم ^_^ 





شفتوا كيف اعطت حياة للملابس 
ومناسبة لكل القطه سواء قمصان بيضاء أو دينم أو تيشرتات حتى 
وخلت كل تنسيق يختلف عن الثاني رغم أنها نفس القطع 



ووووووووووووووووووبس 

* لا تنسوا تتطلوا عالانستغرام عشان تشوفوا التنسيقات اللي حنزلها لكم ابتدأ من اليوم تحت هاشتاق #تنسيقات_ذكرى 

* طبعا جميع هالاشياء تكون غالبا متوفر بكل المحلات زي زارا وفور ايفر 21 ونيولوك وبيرشكا وهكذا 

* بالنسبة للتنانير القطن غالبا مخلصة من المحلات 
عشان كذا اقولكم انزلوا العماري وخدولكم كم قطعة بكم لون وروحوا فصلوها 
مايبغالها شغل كثير اقرب خياط يخلصها بيومين 

* لأي استفسار أو تعليق أنا حاظرة ^_^ 
حتلاقوني عالانستغرام وتويتر 
@zekraalsolami


موووووووفقين ^_^ 


Love
XOXO