My Choices From Lime Crime + Review" إختياراتي من لايم كرايم + ريفيو

السلام عليكم "

كيفكم بنات ؟؟

اليوم رح اوريكم إختياراتي من براند لايم كرايم .. ورح اعمل لكم ريفيو سريع عنها .. 

اتوقع أني الاخيرة بالدنيا اللي جربت ارواج لايم كرايم هههههههههههه ماادري ليش ماتحمست في البداية اجربها رغم انو العالم كلها طاحت فيها ..

المهم أني اخيييرا طلبت منهم 6 ألوان وبصراحة فيه 3 كمان كانوا في بالي بس ماادري ليش ماطلبتهم *_* دلاخة

المهم خلونا نبدأ :

fashion haul " مشترياتي الفاشونية

السلام عليكم ""

كيفكم بنات ؟؟

ادري ليا زماااااااان ماسويت تدوينة مرتبة وسولفت معاكم فيها 

اعذروني والله عندي مليون شغلة وشغلة بتدور في راسي حاليا :"( بس متواجدة عالانستغرام وتويتر 24 / 7 

المهم اليوم التدوينة عن مشترياتي الفاشونية في الفترة الأخيرة 

حاليا انا قل عندي هوس الميك اب لأني ممنوعة من استخدامه لفترة معينة 

عشان كذا اتجهت للملابس والشوزات وغيرها .. ماارتاح اذا ماضيعت قروشي ..

( ملاحظة : من سناعتي رميت الفواتير ومااتذكر الاسعار بس بحط لكم الاسعار التقريبية اذا افتكرت ) 

المهم نبدأ بأول محل ^_^ 

أيكونيك ،،

رحت فرع السلام مول لأني دايما مستنرة في فرع الأمير سلطان .. قلت أغير هالمرة ..

اول مادخلت المحل لفتتني هالتنورة .. أحسها ستايل شانيل خخخخخخخ 

حبيت قصتها وخامتها ولونها >>>> روعة للشتاء مع كيلون أسود وبوت قصير بكعب عالي و نحيييييييييف .. 

سعرها في حدود 149 ريال أو حولها 

هالشوز عشق شفته أكثر من مرة بس كل مره ماألاقي مقاسي في فرع الامير سلطان ..

أشوى هالمرة لقيته ^_* 

أعتقد سعرها 139 ريال 

سكارف بسيط وناعم 

للأمانة أنا مو راعية سكارفات رغم أني أحبها عالناس بس مدري ليش ماأفكر اطلعها من الدولاب وألبسها خخخخخخ

المهم عجبني هذا حسيته مناسب للشتاء خصوصا مع توب بلون صارغ زي الازرق الملكي والفوشيا 

سعره 55 ريال 

أكيد شفتوا بالانستغرام لما نزلت لكم أنو هالنوع من السنيكرز ضاربة هالموسم 

طبعا ماخليتها في نفسي ^_* وطقيت لي واحد من أيكونيك 

حبيت فيه أنو ميتاليك ذهبي وهالشي بارز هالموسم كمان 

وحبيت الدانتيل اللي عليه حسيته أعطاه لمسة راقية وأنثوية 

سعرة أعتقد 149 ريال 

شتاء بدون سويتر ؟؟ أكيد ماينفع 

حبيت هالقطعة بسبب لونها ^_^ 

أعتقد سعرها 129 ريال 

هالشي الجميل مو شوز للبس خخخخخخخخ

توحفة توحفة لغرفتي ^_^ 

خقييييييييييييييييت لما شفته وبغيت أخذ كذا وحده بس أشوى أنو ماما كانت معاي ومسكتني 

أعتقد سعره بعد التخفيض 25 أو حولها ..

هالباق الجميلة أخدتها لأانو ماعندي شنط بنفس اللون ^_^ 

ترى عالطبيعة أغمق تكة بس 

وصغنونة مو كبيرة 

سعرها حول 159 ريال ..

فستان صغنن كيوت 

اول ماشفته تخيلته مع بلايزر بوي فريند بيضاء 

وعقد كبير وهيلز نيود ^_^ كيوت مو ؟؟ 

سعره بعد التخفيض 65 ريال 

****************

نجي دحين لمحبوبي نيولوك ،،،

هالقطعتين شتوية بحته 

بصراحة حبيت اللونين وما قدرت اقرر ^_^ قمت اخذتها كلها .. 

سعر الوحدة ب 129 ريال تقريبا 

هذا ياطويلين العمر كارديغان لحد الركبة 

حاولت أصوره بطريقة أجمل ومو راضي يتصور عدل 

بس جمييييييييييييل عاللبس 

قماشه خفيف ومو زحمه 

مررره مو فاكره سعره ..

فستان ربيعي صيفي ^_^ 

أدري مو موسمه بس لما شفته ضعت ضعت وماقدرت اسيبه 

سعره 149 ريال 

بديهات عادية للبيت 

الواحد ب 25 ريال

الحلق دا اشوفه على كثير بلوقزر اجانب 

صحيح صعب يتنسق مع لبس بدون مايبين أوفر بس مو مشكلة بشوفله حل 

بعد التخفيض 15 ريال

صايبني عشق نظارات 

خصوصا التايقر برنت ^_* 

اعتقد هذي سعرها 39 ريال 

محفظة بما أن محفظتي الأخيرة أنهارت خخخخ 

لونها صارخ وغريب 

اعتقد سعرها 60 او 59 ريال 

*************

نجي دحين لكوتون ^_^ 

هذا ياحلوين فستان على شكل توب سبور 

نالة هالفترة الحركة دي 

حلو مع كيلون أو ليقيق وبوت أو سنيكرز نعوم 

سعره 159 تقريبا

زي ماقلت لكم قبل ماخليت هالسنيكرز بخاطري 

وهذا ثاني واحد أخذته خخخخخخخخخ

سعره 149 ريال

هالفترة قليبي هاف عالاكسسوارات الفضية 

خصوصا اللي ستايلها زي دي 

وحبيت اخذ كم قطعة والبسهم مع بعض ^_^ 

مني فاكرة سعره للأسف 

هذي بعد نفس الستايل 

وحلوة مع واحد تاني 

كمان مني فاكرة سعره 

مو قلتلكم صايبني عشق نظارات 

هذي نظارة تانية بس أكبر من الاولى شويا 

ولونها أبهت 

اعتقد سعرها 39 ريال 

ووووووووووووووووووووووووبس 

بكذا أكون خلصت مشترياتي البسيطة الفترة اللي فاتت ^_^ 

شرايكم فيها ؟؟ 

ولا تنسوا تتابعوني على تويتر وانستغرام 

@zekraalsolami 

Love 

XOXO

Victoria's Secret Event + Mini Haul

السلام عليكم " 

ازيكم ياحلوين ؟؟

قبل اسبوع نزلت لكم عالانستغرام صور من ايفنت فيكتوريا سيكرت ^_^ 

واليوم رح انزل لكم التغطية كاملة ^_* 

كان الايفنت من الساعة 11 الصبح في محلهم في الردسي مول ^^

طبعا استأذنت من دوامي ورحت <<< فرصة من زمان ودي بكم حاجة من عندهم خخخخخ

اول شي استقبلتنا الجميلة فرح القادري ^_^ ألطف وأجمل مخلوقة ,, البنت ماشاء الله طعمة واسلوبها لطيف جدا 

عرفتنا عالكوليكشنز الجديدة اللي منزلينها ،، وأخدتنا بجولة عالمحل ^_^

من ضمن الأشياء الجديدة اللي نازلة كان عطر 

( forbidden ) 

هذا وصفه من الموقع 

Forbidden is a women's fragrance providing exotic and hot composition with an accent on sexiness. This mysterious fragrance cuddles the skin with aromas of exotic pear, jasmine, amber wood and juicy blackberry. 

معنى الكلام دا انو العطر مكون من مجموعة روايح ( عنبر - ياسمين - بلاك بيري ) 

المفروض تكون ريحته دافية وسكسي ^_* 

طبعا ضروري نشم العطر بما أنه جديد ^_^ فاللي حصل انو فرح بخت العطر على مجموعة أساور ولبسناها 

اول ماشميته حسيته اممممم عادي مافي شي مميز 

لكن لما رجعت البيت وشميت الاسورة تاني اتجننت عالريحة 

ريحته روووعة لما تبرد وتهدأ 

صور متنوعة للمحل والمنتجات ^_^ 

وطبعا طلعنا انا وبقية البلوقرز بكمية مشتريات لا يستهان فيها خخخخخخخخخ

نجي دحين للأشياء اللي أشتريتها ^_* 

رح ابدا بالاشياء اللي اعطتنا هيا فرح كهدية ^_^

* عطر غلامور ..

* فرش ميك اب ..

* شنطة ميك آب من كوليكشن 2013 ..

نجي لمشترياتي ^_^

البودي كريم نازل عليها عرض 5 بـ 200 إذا مني غلطانة 

فقشيت منها مجموعة ^_^ 

الاسماء من اليمين لليسار 

* COCONUT PASSION : فانيلا + جوز هند

* STRAWBERRIES & CHAMPAGNE : فراولة + شامبانيا ؟؟ مدري شلون بس ريحته فراولة ^_* 

* AMBER ROMANCE : عنبر 

* MIDNIGHT EXOTICS : مركز التوت <<< خوووررررافة 

* MANGO TEMPTATION : مانجو 

عطر forbidden  رجعت اخذته بعد ماخقيت عليه في البيت ^_^ 

BACKSTAGE GLOW 

هذا الشي ماينوصف :") أشكررر من قلب اللي ابتكره 

لمعة برونزية للجسم 

هذا سواتش من النت ^_^

جميل مو ؟؟؟

كمان أخذت كفر للباسبورت ^_^ من زمان نفسي فيه بس كنت دايما الاقيه مخلص :( 

ووووووووووووووووبس ^_^ خلصنا 

لا تنسوا حبايبي تتابعوني على تويتر وانستغرام ^_^ 

يالله شدوا حيلكم وتااااابعوني 

@ZEKRAALSOLAMI 

Love

XOXO

تجربتي مع VogaCloset

السلام عليكم "

كيفكم جميلاااتي ؟؟ 

تدوينة اليوم رح اتكلم فيها عن تجربتي للطلب من موقع 

VogaCloset 

الموقع متوفر باللغتين العربية والانجليزية 

بيقدم خيارات الدفع عن طريق الباي بال - الفيزا - الدفع عند الاستلام 

حتلاقوا فيه قطع متنوعة من ماركات متنوعة بأسعار معقولة 
توصلك من بريطانيا مباشرة عن طريق ارامكس للدول التالية :
Bahrain, Egypt, Jordan, KSA, Kuwait, Oman, Qatar, the UAE, USA and Australia.

نبدأ بإختياراتي ^_^ 

"1"

أول وأجمل شي أخترته ^_^ 

الفستان الابيض دا ^^ ستايله مكسيكي كدا >>> اهم شي التشبيه 

يجي نازل عالاكتاف 

صورة الموديل في الموقع 

"2"

فستان فوشيا ماكسي ^_^ فيه فتحة من الجنب 

رايق وجميل للصيف ^_^ 

صورة الموديل من الموقع 

"3"

تنورة بيضاء ماكسي ^_^ كمان فيها فتحة من الجنب 

خامتها مره جيدة وحلوة 

صورة الموديل من الموقع 

"4" 

كارديغان أو كومونو أسود 

قماشه قطن خفيف 

حلو وناعم مع كروب توب أو تانك توب 

صورة الموديل من الموقع 

"5" 

تانك توب أو تي شيرت بدون اكمام 

رايق وحلو للدوام أو للبيت 

مكتوب عليه 

" take me to Paris " 

" خذني إلى باريس " 

صورة الموديل من الموقع 

"6" 

تيشرت مطبوع ^_^ 

مررره حلو وخامته حلوة 

ينفع مع بلايزر وجينز وخلااااص 

صورة الموديل من الموقع 

وووووووووووووووووبس 

بكذا أكون خلصت مشترياتي من موقع VogaCloset 

أسعار القطع موجودة بالموقع 

وطريقة التسجيل في الموقع سهلة وسريعة ^_^ 

بالنسبة ليا أخترت ( الدفع عند الاستلام ) وكانت الرسوم 18 ريال بس 
وصلني الطلب خلال 10 أيام عمل تقريبا عن طريق ارامكس
التغليف جدا جيد ومرتب 

لا تنسوا تخلوني أشوف اختياراتكم من الموقع على تويتر وانستغرام 

@zekraalsolami 

Love 

XOXO