Currently Favorites " مفضلاتي الحالية

السلام عليكم " 

كيفكم جميلاتي ؟؟

معليش انشغلت شويا عن البلوق بالفترة اللي فاتت ^_^ عارفين حوسة العيد ولخبطة النوم اللي عاملة أزمة للسعودية كلها هههههههه

المهم اليوم رح اتكلم لكم عن مفضلاتي الحالية 

feel the summer ( recipes - DIY's - essentials ) .. collab with NMS Fashion + Cloud9

السلام عليكم " 

كيفكم بنات ؟؟

وأخيرا أخيرا نزلت هالبوست اللي المفروض ينزل قبل اسبوعين بالتعاون مع المدونتين الجميلتين 

Cloud9 + NMS Fashion 

رح انزلكم لينكات بوستاتهم بآخر البوست ^_*

زي منتو شايفين البوست مقسم لثلاث اجزاء 

وصفات 

DIY <<< أعمليها بنفسك

وأخر شي مستلزمات الصيف 

يالله نبدأ بالوصفات :

flavored iced tea 

شاي مثلج منكة

المقادير : 

my fall / winter essentials " ضرورياتي للشتاء والخريف

السلام عليكم " 

ازيكو ياقماعة ؟؟ عاملين إيه ؟؟

اليوم التدوينة عن الاشياء الضرورية بالنسبة ليا في الخريف والشتاء 

ماحتكلم عن شي معين بذاته لكن مجموعة منتجات وأشياء يكون لها معزة خاصة بالفترة ^_* 

نبدأ ؟؟؟

first thing first ^_^ 

نظاراتي الجميلة 

بالصيف أحب البس شي مودرن وفيه حركات 

بس بالشتاء احب الكلاسيك سواء بالالوان أو بالديزاين

الي فوق من كوتون 

السوداء من فورايفر21

************************

نجي للفاشن ^_^ عشق 

السويترز شي أساسي 

ولا يمكن اتخلى عنها وعندي موديلات وألوان مختلفة 

هالقطعة الجميلة عندي من زمان وناسية من فين 

بس احبها أحبها لونهها وطريقة اضافة الاحمر عليها خلتها انيقة أكثر 

هالسويتر الجميلة شفتوها ببوست المشتريات 

وتدرون اني تحمست واخدت نفسها باللون الابيض 

من نيولوك 

*******************************

بالنسبة للأكسسوارات فأنا صاير عندي عشق للفضيات والستايل البوهو 

هالعقدين شفتوهم في البوست تبع المشتريات 

كلهم الاثنين من كوتون 

وأحب ألبسهم مع بعض 

والخواتم بعد صايرة أحب البس مجموعة واسوي زحمة خخخخخخخخخخخخخ

هالسيت كله من نيولوك 

********************************

بالنسبة للميك آب فأنا أميل للغوامق بالشتاء زي بقية البشر ^_^ 

فتلاقوني اميل للموف والكحلي وساعات العودي 

هالباليت اسمه فورايفرغلام من بي اتش 

جمييييييييييييييل ومعاه بلاشر وهايلايتر وغلوسين ^_^ 

******************************

بالنسبة للأرواج 

طبعا ضروري احط الغوامق بكثرة 

بس كمان أحب الاحمر والنيود بالشتاء ^_^ اذا كنت عاملة سموكي او ابغى شي خفيف 

هاللون الجميل نيود فيلو شويا موف بارد 

روعة مع سموكي آيز

من ميك اب فور ايفر 

اسمه rouge artist ntense - 32

هاللون ماادري ليش طالع لونه فاتح بالصورة 

بس هو أصلا أحمر غامق مو عودي بس انو غامق >>> ان شاء الله فهمتوا علي ؟؟

من ريميل اسمه kiss of life - 111

هاللون الجميل فامبي ودارك ويجي بين العودي والموف الغامق 

بيرفكت للشتاء 

من ريميل اسمه cutting edge - 120

هاللون عشق عشق 

قريب من ماك - هيروين 

من محمود سعيد رقمه 112

*************************************

من الاشياء المهمة بالشتاء هو الترطيب 

اجسامنا تنشف وممكن تتقشر من البرودة 

عشان كدا احب استخدم بعد الشاور هالبودي بتر من فيكتوريا سيكرت ^_^ 

احيانا اخلط معاه جلسرين عشان ازيد الترطيب وبنفس الوقت تبقى ريحة حلوة 

زهالفترة ماسك معايا بريحة العنبر و الكوكونتس

ولوجهي استخدم بيوديرما اللي بالنص 

ترطيبة قووووووي وماشي معايا تمام خصوصا اني ماشية حاليا على كورس زيركتان 

وهالشي جفف بشرتي بشكل مفجع 

*******************************

بالنسبة للشعر زيه زي البشرة 

يجف وينشف ويتعدم بالشتاء 

عشان كدا لازم نهتم فيه بزيادة 

عاد أنا خلقة شعري تعبان من الصبغة 

فكل فترة أعمل حمام زيت 

وحاليا هذا المفضل عندي من فاشكول بالفواكة 

واحيانا استخدم زيت دابر ونارجيل مع بعض للفروة عشان ابي شععري يكثر 

ويطول :"( 

كمان ضروري بعد كل شاور استخدم شويا زيت الشعر من لوريال

أحطه على اطراف شعري 

وحلو انه خفيف ولا يدهن 

ومع الوقت يعالج التقصف والتلف 

*******************************

نجي للمناكير :/ العشق الممنوع بالنسبة ليا 

انا ولله الحمد ربي ماأعطاني اظافير حلوة وطويلة 

أضافيري صغار ومااحب احط مناكير والفت لها النظر 

لكن ساعات قليبي الصغير مايتحمل جمال المناكير 

أقول احط ولا عليا من شي خخخخخخخخخخخ

هاللون الجميل كحلي مطفي من فلورمار 

جدااااا جميل 

رقمه M12

هاللون رمادي بارد 

مرررررررة جميل للشتاء 

من بودي شوب اسمه قورجس غراي

هذا شفته بالمحل وعشقته 

نحاسي دافي وغليتري ميتاليك جمييييييل 

من اتش اند ام 

اسمه liquid copper

هاللون من بي اتش 

احسه اللون المعتمد للشتاء 

كل العالم تعرفة وتحبه 

بس هذا يميزة أنو فيه شويا غليتر يميل للذهبي 

مو شي بارز !! لا لا غليتر ناااااعم ومدموع مع نفس اللون 

اسمه truffle

****************************************

طبعا ما ننسى العطور 

أنا عادة بالشتاء أميل للعطور الثقيلة المركزة 

بس هالسنة جوي غيييييييييييير 

ماسكة معايا عالعودة والروايح الثقيييييييييييييلة <<<< ثقيلة من قلب

بس عاد ماأحطه صباح خخخخخخ لا يعني استخدمه لزيارات 

* الاحمر بصمة عطر << شميته عند بابا ورحت أخدت زيه 

ريحته قوية وثابته ..

* اللي بالنص المسك الاحمر من بودي شوب <<< للأمانة أول مرة شميته ماهضمت الريحة بس لما تبرد وتمسك بالجسم تصير حلوة 

* اخر واحد الذهبي هذا عود شرقية <<< احبه احبه بس عاد ثقيل بقوووووووة وريحته تمسك 3 أو 4 أيام 

ووووووووووووووووووبس 

بكذا أكون خلصت البوست ^_^ 

أنتوا قولولي أيش أشيائكم الضرورية بالشتاء ؟؟؟

شاركوني على تويتر وانستغرام 

@zekraalsolami 

Love 

XOXO 

Spring 2014 Must Haves " ضروريات ربيع 2014

السلام عليكم ؟؟

ازييييييييييييييكم ^_^

اليوم تدوينتي خفيفة ولطيفة زيكم ^_^

رح تشوفوا فيها مستلزماتي أو الاشياء الضرورية بالنسبة ليا في فصل الربيع

طبعا احنا بلدنا الجميلة وبالذات مدينتنا الرائعة ( جدة ) مافيها ربيع وخريف بس أنا لازم اعيش الفصول الاربعة نفسياً خخخخخخ

1- فستان ابيض : كلنا عارفين انو الابيض ضارب بقوة السنة دي ^_^ وغير عن انه تريند أعتقد انو كل بنت لازم يكون عندها فستان ابيض وفستان اسود في دولابها ،، لأنو نقدر ننسقها بمليون طريقة مختلفة ^_^ وفي كل مره رح يطلع لوك جديد ..

خيارات : new look - forever 21 - H&M

2- طوق الورد : شي جميييييييل ونعوم ^_^ مجرد مااشوفه احس بالربيع ,, ومن كثر مااحبه ألبسه بكل وقت ,, ويغير شكل الشعر 180 درجة ..

خيارات : new look - forever 21 - H&M

3- باليت أيشادو بألوان متنوعة : احس الربيع والصيف هي الوقت المناسب للوحدة عشان تلعب بالالوان في مكياجها ^_^ بالنسبة ليا أحب أضيف لون بارز في مكياجي ( على خط الرموش السفلي - ايلانير ) تعطي لوك فريش ..

خيارات : sleek - urban decay - bh 

4- نظارات برنتد : الطبعات عالنظارات ترند جميييييييييييل ^_^ مررره مرره حبيتها ,, ربيعية ورايقة وتعطي اللوك حيوية ..

خيارات : forever 21 - new look - H&M

5- هيلز ابيض : زي ماقلت قبل الابيض ترند الموسم دا ,, واساسا ضروري لكل بنت ,, سهل تنسيقه مع اي لبس وأي لوك ..

خيارات : new look  - forever 21 - river island

6- الارم كاندي : اللي هيا مجموعة اساور تتلبس مع بعض وتعطي لوك جميل لليدين ،، ممكن تتلبس ذهبيات أو فضيات بس ،، وممكن تتلبس مجموعة ألوان مع بعض ..

خيارات : forever 21 - new look - river island

7- شنطة صغيرة كروس بودي : دحين شنط الكروس بودي طالعة بأشكال جمييييييييلة وكيووووووت ،، حلوة مع لبس سمبل أو فستان ابيض وهيلز ابيض >>> شفتوا كيف سهل تنسيقهم ..

خيارات : forever 21 - new look - river island

8- كفرز الجوال : هذي لحالها كمية إغراااااااء ,, الكل عارف انو الجوال صار يعتبر اكسسوار كمان ^_^ ولازم نشيكه ونزبطه لاننا ماسكينه طول الوقت ..

خيارات : forever 21 - new look - river island

9- بودي سبراي : البودي سبرايز مهمة لكل وقت بس الربيع احس ريحة الفاوكة والورود أحلى شي ..

خيارات : forever 21 - bath & body works - victoria's secret

ووووووووووووووووووووووووبس

أن شاء الله أمتعكم البوست زي ماأستمتعت وأنا أعمله 

لو عجبكم لا تنسوا تشاركوه مع حبايبكم ^_^ 

وتابعوني على تويتر وانستغرام 

@zekraalsolami 

love

XOXO

February Favorites " مفضلات فبراير

السلام عليكم " 

كيييفهم الحلوات ؟؟ 

طبعا ليا فترة مانزلت مفضلاتي ^_^ أصلا الموضوع على حسب مزااااجي <<< أمزح أمزح 

بس بصراحة فيه شهور من جد مااكون جربت فيها اشياء جديدة أو مايكون فيه شي معين عاجبني 

المهم خلونا نبدأ 

ترتيب المنتجات من اليسار لليمين

الميك آب 

1- باليت إلف ( nude ) جميييل جمييييل جمييييل 

ألوانه كلها ترابية وهادية  متنوعة بين المطفي والشيمر >>> درجات البني اللي في آخر صف جدا جدا جمييييلة لكسرة العين

أستخدمته الفترة اللي فاتت بشكل يومي ^_^ 

2- باليت ديو صغنون من إلف درجته ( antigua ) البرونزر فيه مررررره بيجمنتد ولونها واااااضح بمسحة بسيطة <<< ^_^ يعني لا تتحمسون وتحطون كثير 

والبلاشر رااااايق بمعنى الكلمة ^_^ بيبي بينك وفيه شوية لمعة 

3- لب غلوس من بورجوا اسمه bb gloss 5 in 1

اللي عندي درجته ( peles morenas ) جاية كورال على اورنجي 

وبالرغم من ان ذكرى طال عمرها ما تحب الغلوسات لكن هذا مرررررره خفيف وجميل للوكات الصبح ^_^ 

4- قلم كحل أسود من مكياجي ^_^ أخذته من زمااااااااان في سيت مع 4 ألوان تانية

وأول مره أجربه في الاسبوعين اللي فاتوا :"") شي جمييييييل 

اسود فاحم ويندمج بسهولة وبنفس الوقت مايسيح <<< احب اعمل بيه كحل سموكي ومن جوا العين كحل ابيض ^_* 

5- مثبت المكياج من نيكس - بنهاية ديوي أو رطبة وندية
جميييل ^^ تعرفون ان بشرتي دهنية والمفروض اعتمد المات أو المطفي لكن هذا يعطي لوك ديوي بدون مايبين مدهن

منتجات الشعر والجسم 

1- كريم الشعر من مجموعة المكاديميا : هذي كانت اول تجربة وأغرررمت بالشي دا وناوية اروح أشتري كل المجموعة 

رييييييييحته جميييييلة ويرطب الشعر ويهدي النفشة حبتين 

2- لوشن للجسم من بودي شوب : مارح اتكلم عنه كترطيب لأنو ترطيبه اقل من عادي 

لكن ريحته خيااااااااااال وثابته >>> اللي عندي فانيلا :"") 

3- عطر فيفا لا جوسي : معشوووووقي الجديد ^_^ جميل وهادي وريحته ثابته 

صرت استخدمه بالليل والنهار وطوووول الوقت 

4- أقنعة وجه من توني مولي >> أخدتها من كوريا <<< يب يب عليها صورة سوبر جونيور ام

باااردة عالوجه وتحسي بإنتعاش بعد ما تشيليها 

الاكسسوارات 

زي منتو شايفين كلللللها روز غولد ^_^ مدري ايش فيني طايحة فيها الفترة دي 

كل القطع من موقع اسوس ^^ وعندهم اشياء احلى كمان :""( الود ودي اقشها كلها 

وووووووووووووبس 

هذي كانت مفضلاتي لشهر فبراير 

ان شاء الله تكونوا استفدتوا منها ^_^ واللي جربت منها شي ضروري تكتبلي بالكومنتس تحت 

أو على تويتر وانستغرام  

@zekraalsolami

Love 

XOXO

November Favorites " مفضلات نوفمبر

السلام عليكم "

كييييييفكم جميييلاتي ^_^

اليوم التدوينة سريعة وخفيفة >>> سلكولي بليييييز

بس بجد حاولت قد ماأقدر أخليها قصيرة وبسيطة

حتشوفوا فيها اشيائي المفضلة في شهر نوفمبر

من بيوتي الى بشرة إلى اكسسوار

حتشوفوا التفاصيل تحت كل صورة بالاسم والرقم وكل شي

1- Sleek palette - the original 594

ألوانه ثابته ودافئة 

وجميييلة للسموكي آيز ^_* 

2- Flormar highlighter - terracotta 

من اجمل الهايلايترز اللي استخدمتهم في حياتي 

لمعته ذهبية برونزية واضحة وثابته

جميييييل للسهرات

وسعره رخيص اعتقد شي وثلاثين 

3- Bourjois lip liner - levres contour 

لونه عودي غااامق تقريبا 

جميييل واتوقع الكل شايف ^_* 

4- Rimmel lipstick - dark night waterl-oops! 

خريفي شتوي جميييييييل 

لونه عودي على موف غامق 

خووووررراااافي 

1- orange daily - Face moisturizer

بما ان بشرتي في الصيف تميل انها تتقشر بالرغم من انها دهنية

فهذا المرطب افضل شي جربته للفترة دي ^^ استخدمه بالليل 

2- Fash kool - oil hair mask ( mixed fruits )

اول شي ريحته جميييييلة ^_* 

ثاني شي يربط الشعر بشكل جمييييل 

استخدمه مره بالأسبوع ^_* 

3- Black XS 

آآآآآآه مهما قلت عن العطر دا مارح اوفيه حقه

ثقيل وريحته ثابته بشكل مايتصدق

احبه بالشتاء والخريف 

4- Solaf ( black amethyst ) - sensual shimmer body splash 

محبوبي في السهرات

معطر جسم فيه غليتر ^_^ الريحة مو ثابته ابدا 

لكن الغليتر يعطي الجسم لمعة جميلة 

1- Black flower necklace - forever 21

العقد دا صايرة البسه بشكل مو طبيعي 

ناعم وبنفس الوقت يعطي لوك جميل للبس

2- Green heart stone necklace - splash 

يميل للفخامة شويا

احب البسه مع فستان بيسك اسود ^_*

3- Labored Headband - forever 21

هذي الهيدباند عندي من ٣ شهور تقريبا 

وكنت ناسيتها ^^ وقبل فترة لمحتها ولززززقت فيها ههههههه

وووووووبس ^_^

ان شاء الله تكون عجبتكم مفضلاتي بالرغم من بساطتها ^_* 

وروني مفضلاتكم انتوا كمان 

على تويتر وانستغرام 

@zekraalsolami

ولا تنسوا تشتركوا في القيف اواي 

( هدية ديسمبر ) 

حتلاقوا التفاصيل في التدوينة السابقة 

Love

XOXO

TAG : Summer Most Haves " تاق : ضروريات الصيف

السلام عليكم "

اليوم البوووووست صيفي بحت ^_^

ضروريات الصيف

summer most haves

نبدأ بالفاشن ^_^

حبيب الصيف

الفستان الماكسي

نازل دحين بألوان نيون وفرايحية

من أهم أهم التريندز في الصيف 

الأرم كاندي

اللي هيا مجموعة أساور ملونة ترتبيها بالطريقة اللي تعجبك 

طبعاً حلو تدخلي فيها ألوان نيون وصارخة وتلعبي بالخامات حقتها 

الصنادل الفلات أو الودجز ^^

والنظارات الشمسية أكيد ماننساها

أحب النظارة تكون مطعمة بلون صارخ ^^

نجي للبيوتي

بالنسبة للمكياج حلاوته بالصيف يكون خفيف عالبشرة وثابت بنفس الوقت

البي بي كريم حلو وخفيف

وأكيد الأرواج لو نعتمد الألوان الفاتحة والمنعنشة ^^

والبروونزر بالنسبة ليا من أهم خطوات المكياج وبالذات في الصيف

كمان الفترة دي نازلين بالاي لاينرز الملونة

وردي - ازرق اخضر _ أو حتى أصفر

مرررررره تعطي لوك فريش

واذا كنتي من محبين الشادوهات تقدري تختاري الكريم شادوز

بالنسبة ليا أفضل تبع مايبلين الكولور تاتوز أو تبع سيغما

ثابته وألوانها حلوة ومنوعة

المناكيرااااات ^_^

مين ماتحب المناكير !!! مافي صح

نوعي بالالوان

خليكي جريئة  مع مراعاة اللي يناسب يدك وبشرتك

دحين دور العناية بالبشرة

أول شي وأهم شي بالصيف السن سكرين

وآآآآقي الشمس ضروري جداً بالصيف وحتى غير الصيف

لكن صيفنا حارق ومحتاجين حماية أكثر

أختاري واقي يكون +50 أقل شي لوجهك ولجسمك ولا تنسي يدينك أهم شي

كمان ماننسى الترطيب

بالنسبة ليا أحب فازلين الكاكاو ^^ حلو وخفيف عالبشرة وريحته حلوة

للشفايف لابيلو حبيب الكل

والديودرنت أكيييد مو بس للصيف

لكن دحين حيكون ضروري أكثر

أنا بختار دايما ريكسونا

ماأدري ليش بس أرتاح وأضمنه ^^

وأخيييييييراً وليس آخرااا

ايش هوا الصيف من غير السومينق سوتز أو البكيني

أحبها تكووون ملونة ونيون وكل شي

صدقوني مع التان لها شكل غير ^^

وووووووبس

بكذا أكون خلصت البوست الخفيييييف والحلو دا

مررررررررررررره استمتعت فيه سواء بالكتابة ولا التصوير ^^

وأكيييييييييد رح أختار بلوجرز تانين يعملوه كمان

لأني متحمسة أشوف أختيارات البنات

وأنتوا كمان وروني اختياراتكم وضرورياتكم للصيف

صوروها وحطوها على تويتر أو الانستغرام

@zekraalsolami

وأعملولي منشن ^_* ورح أحطها على حسابي في الانستغرام

love

XOXO

TAG : colors of rainbow " تاق : ألوان الطيف

السلام عليكم "

اليوم البوست عبارة عن تاق 

ألوان الطيف  
فكرة التاق أنك تختاري منتجات تحبيها سواءً تجميل أو فاشن وتكون بألوان الطيف
^_^ يمديكم عالشرح

 هوا منتشر عند اليوتيوبرز الأجانب وعملته جوجو من قناة جايز تشيري

حتلاقوا الفيديو تبعها
 هنـــــا
وأختارتني مع مجموعة بلوقرز تانين عشان نعملوا ^_^

يالله نبدأ ^_^

الأصفر

أتوقع حفظتو الباق دي ^_^

أصفر نيون

روووعة للصيف ووحدة من حبايبي

 الأورنج

عطر الياسمين من بودي شوب

أكيد ملاحظين أني احب كثير عطور بودي شوب

غالباً أحبها للصباح والدوام

خفيفة وباردة ورايقة

الأخضر

أدري أنو أخضر أي كلام بس عاد دا أقرب شي

مناديل جونسون منظفة للوجه

أستخدمها للمكياج قبل ماأستخدم مزيل المكياج

تشيل الأساس وأغلب مكياج العين

الأزرق النيلي

دا فستان أو قميص أو مدري أيش أسمو

بس هوا ستريتش قطني يجي ماسك عالجسم لحد نص الساق  وله أكمام قصييييرة

من نيولوك

الأحمر

شمعتي العزيزة من أيكيا

بالتوت الأحمر

ريحتهااا خرااافة

مو قوية بس حلوووة

السماوي

مزيل المكياج من نيفيا

مرررره خفيف عالبشرة وينظف عدل

استخدمه بعد مناديل جونسون عشان أشيل مكياج العيون ^_^

البنفسجي

جل شاور من سيفورا

بالتوت الأسود

رووووووووووعة وريحته زي ريحة الحلويات اللي كنا نشتريها واحنا صغار

جوجو أضافت شيئين زيادة اللي هما الوردي والملون

الوردي

روج مات من مايبلين

فوشيا صارخ

ثااابت وحلو

الملون

السنيكرز دا عشقي فترة الربيع

عليه برينت ملونه ومرره كيوت مع جينز وقميص أبيض وسكارف فوشي

وووووووووبس

بكذا أكون خلصت التاق اللي أتأخرت وماعملته بدري ^_^

ان شاء الله يكون البوست خفيف وعجبكم

لو حبيتوه أشتركوا بالمدونة عن طريق ايقونة الانضمام للموقع ،، حتلاقوها في آخر الصفحة

وتابعوني على تويتر وانستغرام

@zekraalsolami

Love

XOXO