Thursday, October 31, 2013

أعطي الأمل وأختاري الوردي مع طاؤوس " تغطية ايفينت

السلام عليكم "



وحشتووني ياجميلات ^_^



اليوم التدوينة خفيفة وسريعة <<< هههه دايما خفيفة وسريعة بس سلكولي 



اكيد مجموعة منكم سمعوا عن ايفنت طاؤوس اللي كان تحت عنوان 
أعطي الأمل واختاري الوردي 
اول شي حبيييييت الاسم <<<< طبعا لازم احبه مدام فيه وردي 






الايفنت باختصار كان يخص ( التوعية لسرطان الثدي ) وهذا الشي حمسني زيادة ^_^
كثير حضروا الايفنت وكان لهم دور فعال فيه 
وأهمهم الدكتورة سامية العمودي " اللي كانت حاضرة بروحها وتعاونها وجهودها وللأسف ماقدرت تحضر شخصياً " هيا اللي أشرفت على ترتيب وعرض المعلومات الخاصة بالتوعية ضد هذا المرض ، كمان وفرت كتيبات وبروشورات للحاضرات

كمان حضرت الأستاذة سميرة خوجة واللي اتكلمت عن تجربتها مع المرض ، وقصة تغلبها عليه

والأستاذة ميسون اللي صارعت المرض وقربت من مرحلة الشفاء ^_^ 



طبعا الصور اللي تحت رح تنقل لكم جو الايفنت
والفضل كله بعد الله يرجع لطاؤوس وركن سارة كافيه والمصورة المبدعة آيات سالم






















Friday, October 25, 2013

وأكملت مدونتي عامها الأول بين أيديكم ^_^ هدية تقدير لمتابعاتي

السلام عليكم "
 
 
 
 
 
كييييفكم حبيباتي
^_^ أكيد عارفين سبب المفاجأة اللي قلتلكم عليها
 
اليوم مدونتي كملت سنة بالزبط ^_^
 
 
ماتتخيلوا قد أيش مبسوطة بالشي دا
 
المدونة دي يمكن بعضكم يشوفها شي عادي بس بالنسبة ليا كانت شغف وعشق
 
بسببها اتعلمت أشياء كثير وعرفت ناس كثير
ولمست طيبة قلوبكم وحماسكم معايا ولو بالشي البسيط ^_^
 
عشان كدا حابة أقدم لكم هدية تقدير بسيييييييييطة وأكيد ماتوفيكم حقكم
وأوعدكم بهدايا أكثر وأحلى من كدا ^_^
 
يالله نبدأ ^___________^
 
رح يكون فيه فائزتين ^_^ وحد ع تويترووحدة عالانستغرام
 
الشروط جداً بسيطة وحتقولوا ذكرى قالت ^_^ ههههههه
 
الجائزة الأولى ( تويتر ) فقط
 
 
 
 
جهاز تكسير ^_^ جميل طبعا للشعر القصير والطويل ^^
بالنسبة ليا أعتبره من أهم أدوات الشعر من بعد الفير
اتوقع كثييييير منكم عندهم فير ^^ عشان كذا قلت أختارلكم الشي اللي غالبا ماحيكون عندكم
 
كل اللي عليكي تعمليه عشان تدخلي السحب أنك تتابعيني على تويتر
@zekraalsolami
وتنشري الصورة دي في هاشتاق ( #أربحي_مع_مدونة_فاشن_هيفن ) ووبس ^_^
 

 
الجائزة الثانية ( أنستغرام ) فقط
 
 
 

 
 
 جهاز المكرات الحرارية ^_^
جمييييييييل وسهل الاستخدام
 
وخطوات الاشتراك نفس الجائزة الاولى ^_^
تابعوني في الانستغرام
@zekraalsolami
ونزلي الصورة دي في الانستغرام في هاشتاق ( #أربحي_مع_مدونة_فاشن_هيفن ) ووبس
 
 
 
ووووووووووووووووووووووووووبس
^_^
ان شاء الله الهدايا البسيطة تكون عجبتكم
والله تستاهلوا أكثر من كدا
وأوعدكم بأكثر من كدا إن شاء الله

تنويه
الهدايا مقدمة مني أنا شخصياً

الاشتراك مفتوح لمدة ١٠ ايام 
يعني السحب رح يكون يوم ٥ نوفمبر  
 
لا تنسوا تعملوا الشروط بالزبط ^_^ مايبغالها تعب ترى
وأي استفسار أنا حاظرة
 
GOOD LUCK
 
Love
XOXO
 

Friday, October 18, 2013

GAP Back To Blue "

السلام عليكم ^_^

كييييفكم حبوبات ؟؟؟

اعذرووووووووووووني لأني أتأخرت في التدوينات شويتين
بس كثير منكم عارفين أنو ماما كانت تعبانة شوية وأنشغلت معاها
أدعولها بالصحة والعافية ^_^

اليوم البوست تغطية سريعة لأيفنت غاب اللي كان قبل اسبوعين تقريباً



وطبعا أكيد شفتوا تغطيات بلوقرز جدة الباقين
 ^_^ ماشاء الله عليكم ماقصروا وتغطيتهم كانت شاملة كل التفاصيل


أول شي استقبلونا كارولينا واروى ^_^ وبدأوا التعريف بمجموعة الحكير وجاب


بعد كدا بدأ الفنان طلال الزيد يتكلم عن فكرة لوحته لحملة العودة للأزرق ^_^
حبيت أفكاره وطريقه تعبيره في الرسم


بعدها جاء دور الجميلة اللي كنا منتظرينها
هلا الحارثي


حضرت مجموعة تنسيقات كاجوال باستخدام قطع مميزة من جاب



حبيت الفستان الستريبس مع القولد والدينم ^_^



صيف صيف صيف ^_^ 


وطبعا ما ننسى الضيافة اللي كانت مميزة باللون الأزرق ^_^ 


كمان حابة أقولكم انو جاب ماقصروا واعطونا شنط او كلتشات مميزة 
ومصنوعة للحاضرين بس ^_^ 
فكرتها انو نفس اللوحة اللي رسمها الفنان طلال طبعوها على قماش دينم او جينز وقصوها وعملوا منها كلتشات جميلة 
بالنسبة ليا استخدمتها للآب توب 

وووووووووووبس
^_^ طبعا ارجع اعتذر منكم عاااتي عالتأخير اللي خارج عن إرادتي

لا تنسوا تتابعوني عالانستغرام وتويتر
@zekraalsolami 

Love
XOXO 

Thursday, October 3, 2013

My Indain Outfit " لبسي الهندي

السلام عليكم " 

كيفكم حبوبات ؟؟ 

اليوم التدوينة طلبوا مني بنات اني اعملها من أسبوعين تقريبا 
بس تعرفوووني عجااازة بسم الله عليا ^^ 

المهم 
قبل فترة مسكا معايا بقووووة اني البس ساري هندي 
وطمرت وفصلت لي ساري على كيييف كيفي

حضرت فيه غمرة 
وبعد يومين رح احضر فيه فرح 
^_^ 
المناسبتين منفصلة عن بعض تماااما 
يعني مو مشكلة البس نفس اللبس


اخترت اللون الاحمر لانه غالبا هو الأفخم عند الهنود ^^


صورة أوضح للتطريز والتفاصيل


الأساور ^^


الهيلز عندي من سنة جدي 
بس بكل الحالات مو واضح لأنو الساري طويييل


التصوير غبي 
بس حبيت اوريكم التطريز من تحت


الشال تبع الساري من ورى

تفاصيل اللبس ***********
القماش والخياطة في محل بالعزيزية مني فاكرة ايش اسمو 
لكن الشارع هذاك كله محلات متخصصة بالهندي والباكستاني ويبدعوا بالشغل ^^ مضمونين

القماش ٧٠٠ ريال 
التفصيل ٢٠٠ ريال


هذا الشي الجميل المفروض يكون عقد ^_^ لكن بما انو تطريز القماش ثقيل ماحبيت أثقل الدنيا والبسه

لكن اكيد لقيت له استخدام تاني 
لبسته زي الهامة ^_^ كنت فارقة شعري من النص 
حطيتها على جبهتي ودخلت الجوانب من تحت الشعر <<<< ادري مافهمتوا بس مااعرف اشرح والله

وهذي الأساور ^_^ مرررره مغرمة فيها

بالنسبة للميك آب 
حاولت قد مااقدر اني اسويه هندي بحت
ومعروف الميك آب الهندي ثقيل 


بدأت ببرايمر ماك زي العادة
استخدمت الكوركتر من كاريولاين
وكونسيلر ستوديو فنش من ماك 
واستخدمت فاونديشن ميك آب فورايفر اتش دي << حبيبي في السهرات
وثبتت هذا كله ببودرة ستاي مات 


رسمت حواجبي زي العادة وثبتتها بجل ماسكرا
استخدمت برايمر أربن ديكاي عشان اثبت الايشادوز وابرز لونها
استخدمت لون 
Sin 
من باليت نيكد ١ 
ووزعته عالجفن المتحرك كامل 
بعد كدا اخترت اللون الاحمر من باليت كارازا <<< ادري شكله تووحفة بس مو مشكلة 
ووزعته على كسرة العين بالبليندنق برش
وبعدها اخدت بني فاتح ووزعته فوق الاحمر بنفس الفرشة
وبعدها اخترت 
Smog
من باليت نيكد ١
وأضفت شي خفييييف مره فوق اللونين اللي فاتو
بس عشان يعطي شيمر او لمعة خفيفة
طبعا دي الالوان لما حطيتها فوق بعض طلعتلي لون نحاسي دافئ جميييييل
بعدها وزعت لون 
Half baked 
كمان من باليت نيكد ١ 
على عظمة الحاجب ومدمع العين 
واستخدمت الجل لاينر من ريفلون عشان ارسم كات ايز 

نجي للعين من تحت 
اول شي عبيتها من جوا بكحل اسود من ماكس فاكتور
وتحت خط الرموش السفلي رسمت خط عريض بكحل مكياجي الأخضر 
ووزعت فوقه الغليتر لاينر الأخضر 
ابرز لي العين بشكل جميل 
وطبعا ركبت رموش واستخدمت ماسكرا بورجوا وريميل للرموش العليا والسفلية 



استخدمت باليت البلاشرز من كوستال للكونتور والهايلايتر 
وأضفت شوية من لون 
Half baked
من باليت نيكد ١ 
على مناطق الهايلايت ( عظمة الخد وعظمة الانف وقوس الشفايف ) مرره طلع اللون جميل


بالنسبة للروج استخدمت الحلوين دولا
الفاتح على كامل الشفايف
والغامق في النص بس ^_^ حركة اومبريه خفيفة
الغامق 
Rossetto - DEBORAH
الفاتح
Pure red - NYX


ووووووووبس ^_^

ان شاء الله التفاصيل واضحة وكلامي واضح 
لا تنسوا تتابعوني على تويتر وانستغرام 
@zekraalsolami

واكيييد ابغى رايكم باللوك بشكل عام 

Love
XOXO

Tuesday, October 1, 2013

50 Random Facts About me " خمسين حقيقة عني


السلام عليكم " 


اليوم البوست خفيف ولطيف 
وشي يخص حياتي الشخصية اكثر من الفاشن والبيوتي << يعني تغيير جو 

رح أتكلم عن ٥٠ حقيقة عني ^^ 
البعض منها محرج >< عشان كدا من البداية أقول كم 

خفوووووا علياااااا

وما عندي مشكلة بالتعليقات بس تكون في حدود الأدب ^^ وما يحتاج أقول كم الشي دا 
أعرفكم محترمين بسم الله عليكم ^_^ حبايب انتوا 

يالله نبدأ 

١- عمري ٢٤ وانا اكثر مخلوقة على وجه الارض تلخبط في عمرها

٢- اشتغل صحفية وسكرتيرة القسم النسائي في جريدة عكاظ 

٣- تخصصي لغة انجليزية بجامعة عزوز ،، وادرس حبة حبة ^^ على مهلي ومآآخذة راحتي بقوة

٤- اكررره السي فود ( الروبيان - المحار - الأخطبوط ) ماعدا السمك ممكن أكله 

٥- أكل الكورن فليكس باللبن البارد ^^ لحد يضحك

٦- حاليا عندي هوووووس اكسسوارات ومجوهرات ^^ غير الهيلز طبعاً

٧- احب البساس بشكل مو طبيعي
 ^_^

٨-  اكررررره المناحل وأني اطلب شي اكثر من مرة او اثنين

٩- ما احب الشوكولاتة :/ وإذا أكلتها لازم أكلها مع لبن ههههههههه الناس تستكن عالشوكولا والقهوة وانا عالشوكولا واللبن

١٠- مااعرف أزعل فترة طويلة او بالأصح مااعرف أسوي نفسي زعلانة :"( بالذات من أهلي

١١- علاقاتي محدودة نسبياً

١٢- علاقتي بالتلفزيون سيئة :/ اغلب وقتي أتابع عالنت

١٣- احب الدراما والأغاني الكورية ^^ عشق عشق عشق

١٤- احب كل الفرق الكورية ماعندي مشكلة ههههههه بس حاليا مغرمة ب
 EXO 

١٥- اعشق أفلام الرعب ( الأشباح مو القتل والدم ) ^^ ولحد دحين مالقيت الفيلم اللي يفجعني من جد

١٦- فيلمي المفضل
 ( walk to remember )
 رومانسي درامي 

١٧- التسوق عشششق لا ينتهي بالنسبة ليا :/ تبغيني احبك وديني السوق ههههه

١٨- مااقدر ومستحيل أنام والغرفة فيها ضوء او بابها مفتوح :( حتى ضوء المكيف وأفياش الكهرباء تنرفزني واغطيها دائماً

١٩- احب اقرأ واكتب الروايات باللهجة العامية ^^ روايتي المفضلة ( فارس أحلامي ) خورآآآفية بالنسبة ليا

٢٠- صوت جوليا بطرس يبكيني

٢١- اكرررره احد يصحيني بصوت عالي >< ممكن أقلبها مضاربة ^^ الا اذا ماما ولا بابا طبعا هههههههه <<< بتتصفق

٢٢- احب اقعد ساكته بالسيارة :/ ممكن ساعتين او ثلاثة ماعندي مشكلة

٢٣- مره وحدة بحياتي دخلت عند دكتور الأسنان وانا ثالثة ابتدائي :/ ومن بعدها ما رحت

٢٤- تسببت بحرق بيتنا وانا أولى متوسط :") تركت الزيت عن النار وقفلت المطبخ ونسيته <<< مافي شي اتدمر غير المطبخ خخخخخ

٢٥- احب أغير الديكور حولي بين فترة وفترة

٢٦- المدينة اللي اتمنى ازورها ( نيويورك ) عشق لا يوصف
 :"(

٢٧- أظافري صغيرة وأكره أحط مناكير بسببها

٢٩- اذا قفلت أخلاقي اكرررره احد يكلمني لأني ممكن أعصب زيادة

٣٠- أكرره احد يتدخل في خصوصياتي او يتلقف في شي مايخصه <<< ههههههه انتوا غير طبعا :/ بس اكيد يبقى فيه حدود

٣١- اذا قعدت مع احد ما اهضمه على طول يبان عليا :"( فضييحة

٣٢- شاطرة في الطبخ بس مااطبخ الا لما أكون رايقة

٣٣- زمان كان هاجسي الوحيد اني يوم ممكن أنسى وأروح المدرسة حفيانة ههههههه حتى وانا بالثانوي دايما أخاف أنسى جزمتي

٣٤- مااعرف أراضي احد اذا زعلته :"( مدري ليش بس مااعرف احس انحرج واحوووس

٣٥- أخاف من الناس اللي يتكلمون وهما نايمين >< من جد من جد أخاف منهم هههههههه

٣٦- ماما لما كانت حامل فيني اتوحمت على حلاوة المصاص الحمراء ^_^ وجات في رقبتي وكانت حمرررراء مرره وانا صغيرة بس لما كبرت صارت كأنها اثر حرق خفيييف

٣٧- مستحيل اخلي احد يسوي لي مكياجي :"( كانت ليا تجربة سيئة قبل كم سنة ومن يومها وانا أسوي لنفسي >< من يعرف المناسب ليا غير نفسي

٣٨- مستحيل أنام في مكان غير سريري :"( ولو اضطريت اقعد الليل كله أتقلب ونومي مقطع واصحى رقبتي معوجة

٣٩- انا وحدة من بنات ( ام دميعة ) هههههه اي موقف او مشهد يبكيني >< حتى لو مايستاهل

٤٠- احب النونو اللي لسا في اللفة >< واااااه اعشقه عشق مو طبيعي

٤١- علاقتي بالقهوة الساخنة سيييييئة :/ ما احبها

٤٢- أمنيتي الوحيدة انو يكون عندي كلوزت او غرفة ملابس كبيييييييييرة :"( مااعاد فيه وسع في غرفتي لأغراضي

٤٣- عندي عادة تجميع فواتير المحلات :/ لحد يسألني ليش !! ممكن تقعد شهر في محفظتي

٤٤- أكرره شقاوة الأطفال :/ معليش بس فيه أطفال مزعجيييييييين بقوة

٤٥- احب الفاست فود ^^ خاصووصا كنتاكي <<<< لحد يقول زين ومو زين :/ ادري بس مااقاوم

٤٦- مسرررفة وأضيع فلوسي بشكل لا يصدق
 :""( 
٤٧- دايما احب اخطط لمشاريع في راسي بس مآآآآش محد يدعمني معنويا وماديا هههههههه

٤٨- احب اللون الأبيض بشكل مو طبيعي 3> سواء في الديكور او في الملابس

٤٩- أنسى بشكل مو طبيعي :"( شكلو زهايمر مبكر

٥٠- احب المغامرة وتجربة اشياء جديدة
 ^_^ 


ووووووبس ^_____^

طبعا رح اختار كل البلوقرز عشان يعملوا التاق دا ^^ 

وانتوا كمان لو عندكم حقائق اتحفوني فيها على تويتر 
@zekraalsolami

Love
XOXO