get ready with me " اتجهزي معايا

السلام عليكم "

كيفكم جميلاتي ؟؟

اليوم التدوينة سريعة وبسيطة وحتى التصوير مو ذاك الزود بس قلت أسويلكم شي شخصي عالبلوق تغيير عن العادة 

رح اوريكم تجهيزي لسهرة مع صاحباتي ^_^ في الهواء الطلق 

يومتها الجو كان بارد شويتين 

مو بارد بارد صدق 

بس يعني فيه هوا خخخخخخخخخخ

عشان كذا تحمست ولبست السكارف الصوف دا 

وطالع طوله زي طول الفستان وجاي شكله كيوت ^_^ 

والفستان بودي كون سمبل وبسيط 

أحلى مافيه لونه 

الفستان من ايكونيك 

السكارف من كوريا 

الخواتم من نيولوك واكسسورايز 

الشنطة من اف اند اف 

الشوز من ايباي 

الاساور من الدو وايباي ونيولوك 

الحلق من سبلاش 

-------------------------------------

وبالنسبة للمكياج كان سمبل جدا ..

استخدمت هالباليت من بودي شوب من باب أني اعطيه فرصة وأجربه

للأمانة ألوانه باهته ومو ثابته بس يمشي الحال 

استخدمت اللون الكريمي لتحت الحاجب 

والبني الفاتح عالكريس أو كسرة الجفن 

واللون المينت أو التيفاني لمدمع العين وترى لونه مرررررررره خفيف ومايبان :"( 

والاسود على خط الرموش فوق وتحت 

وبقية الميك اب كان بلاش وردي خفيف وغلوس وردي 

والمناكير من بودي شوب اسمها mint cream

وووووووووووووبس ^_^ 

Get Ready With Me ( Sponsored by Splash & Iconic )

Hi All

hope u doing well ^_^ 

this post Sponsored by Splash & Iconic 

i really really love these brands cuz there is sooo many styles in one store 

also the prices is available for everyone 

so lets start the actual post ^_^ 

before 2 weeks i had a private event

and this is what I was wearing ^_^ 

Top << Iconic 

Skirt << Splash

necklace << jwan closet 

heels << ebay 

bag << forever21 

------------------

for the makeup ^_^ 

this is the details 

face 

eyes 

lips 

and this is the look that I was looking for 

but with a little pink sparkle in the enter corner 

and this is similar to what i did with my hair ^_^ 

but sure my hair is a little bit shorter and darker ^_^ 

^_^ 

thats it dolls 

hope u like this post 

have a great day 

LOVE

XOXO

My Indain Outfit " لبسي الهندي

السلام عليكم " 

كيفكم حبوبات ؟؟ 

اليوم التدوينة طلبوا مني بنات اني اعملها من أسبوعين تقريبا 

بس تعرفوووني عجااازة بسم الله عليا ^^ 

المهم 

قبل فترة مسكا معايا بقووووة اني البس ساري هندي 

وطمرت وفصلت لي ساري على كيييف كيفي

حضرت فيه غمرة 

وبعد يومين رح احضر فيه فرح 

^_^ 

المناسبتين منفصلة عن بعض تماااما 

يعني مو مشكلة البس نفس اللبس

اخترت اللون الاحمر لانه غالبا هو الأفخم عند الهنود ^^

صورة أوضح للتطريز والتفاصيل

الأساور ^^

الهيلز عندي من سنة جدي 

بس بكل الحالات مو واضح لأنو الساري طويييل

التصوير غبي 

بس حبيت اوريكم التطريز من تحت

الشال تبع الساري من ورى

تفاصيل اللبس ***********

القماش والخياطة في محل بالعزيزية مني فاكرة ايش اسمو 

لكن الشارع هذاك كله محلات متخصصة بالهندي والباكستاني ويبدعوا بالشغل ^^ مضمونين

القماش ٧٠٠ ريال 

التفصيل ٢٠٠ ريال

هذا الشي الجميل المفروض يكون عقد ^_^ لكن بما انو تطريز القماش ثقيل ماحبيت أثقل الدنيا والبسه

لكن اكيد لقيت له استخدام تاني 

لبسته زي الهامة ^_^ كنت فارقة شعري من النص 

حطيتها على جبهتي ودخلت الجوانب من تحت الشعر <<<< ادري مافهمتوا بس مااعرف اشرح والله

وهذي الأساور ^_^ مرررره مغرمة فيها

بالنسبة للميك آب 

حاولت قد مااقدر اني اسويه هندي بحت

ومعروف الميك آب الهندي ثقيل 

بدأت ببرايمر ماك زي العادة

استخدمت الكوركتر من كاريولاين

وكونسيلر ستوديو فنش من ماك 

واستخدمت فاونديشن ميك آب فورايفر اتش دي << حبيبي في السهرات

وثبتت هذا كله ببودرة ستاي مات 

رسمت حواجبي زي العادة وثبتتها بجل ماسكرا

استخدمت برايمر أربن ديكاي عشان اثبت الايشادوز وابرز لونها

استخدمت لون 

Sin 

من باليت نيكد ١ 

ووزعته عالجفن المتحرك كامل 

بعد كدا اخترت اللون الاحمر من باليت كارازا <<< ادري شكله تووحفة بس مو مشكلة 

ووزعته على كسرة العين بالبليندنق برش

وبعدها اخدت بني فاتح ووزعته فوق الاحمر بنفس الفرشة

وبعدها اخترت 

Smog

من باليت نيكد ١

وأضفت شي خفييييف مره فوق اللونين اللي فاتو

بس عشان يعطي شيمر او لمعة خفيفة

طبعا دي الالوان لما حطيتها فوق بعض طلعتلي لون نحاسي دافئ جميييييل

بعدها وزعت لون 

Half baked 

كمان من باليت نيكد ١ 

على عظمة الحاجب ومدمع العين 

واستخدمت الجل لاينر من ريفلون عشان ارسم كات ايز 

نجي للعين من تحت 

اول شي عبيتها من جوا بكحل اسود من ماكس فاكتور

وتحت خط الرموش السفلي رسمت خط عريض بكحل مكياجي الأخضر 

ووزعت فوقه الغليتر لاينر الأخضر 

ابرز لي العين بشكل جميل 

وطبعا ركبت رموش واستخدمت ماسكرا بورجوا وريميل للرموش العليا والسفلية 

استخدمت باليت البلاشرز من كوستال للكونتور والهايلايتر 

وأضفت شوية من لون 

Half baked

من باليت نيكد ١ 

على مناطق الهايلايت ( عظمة الخد وعظمة الانف وقوس الشفايف ) مرره طلع اللون جميل

بالنسبة للروج استخدمت الحلوين دولا

الفاتح على كامل الشفايف

والغامق في النص بس ^_^ حركة اومبريه خفيفة

الغامق 

Rossetto - DEBORAH

الفاتح

Pure red - NYX

ووووووووبس ^_^

ان شاء الله التفاصيل واضحة وكلامي واضح 

لا تنسوا تتابعوني على تويتر وانستغرام 

@zekraalsolami

واكيييد ابغى رايكم باللوك بشكل عام 

Love

XOXO

My Outfit Last Night " لبسي أمس

السلام عليكم " 

كيفكم ياحلوات ؟؟

اليوم التدوينة سريعة لأني مشغولة حبتين الفترة دي 

بس مني حابة اقطع التدوين ^_^ 

امس كنت عند صاحباتي وحبيت اوريكم لبسي ومكياجي ^_^ واكيد ابغى رأيكم 

السويتر خفيفة وناعمة : من فورايفر٢١

التنورة فيها ديتيلز ستريبس بالعرض : من نيولوك 

الهيلز كلكم عارفينه ^_^ من موقع ( نمشي ) جميل مو ؟؟ 

بما انو اللوك ناعم ماحبيت اكثر اكسسوارات

وهذي الأساور اللي لبستها ^_^ 

بالنسبة للمكياج 

استخدمت للوجه

فيتامين سي من بودي شوب 

برايمر ماك 

أساس ريفلون كلر ستاي

كونسيلر ماك ستوديو فينش

بودرة ريميل ستاي مات

بلاشر كريمي من ماكس فاكتور لونه سوفت بينك

للعيون 

برايمر أربن ديكاي 

قلم مكياجي بني للحواجب 

إضاءة مس وورلد باللون فانيلا لمدمع العين وعظمة الحاجب

اللون النحاسي الفاتح من باليت سليك اورجينال لكسرة العين ولخط الرموش السفلية 

اللون النيلي من نفس الباليت رسمت به طرف كات ايز 

جوا عيني استخدمت قلم بيج من كيس بيوتي 

ماسكرا ريميل سكاندل ايز 

للشفايف

روج ريفلون مطفي  رقم ٠١١ اسمه ستورمي بينك 

ووووبس

ان شاء الله يكون البوست خفيف ولطيف ^_^ واهم شي يكون أعجبكم 

Love

XOXO

Eid Outfits " لبسي في العيد

السلام عليكم "

كيفكم ياحلوين ؟؟ 

^_^ ان شاء الله كان عيدكم حلو ؟؟ 

واستانستوا وانبسطتوا ^^

اليوم التدوينة سرييعة 

رح تشوفوا فيها لبسي خلال ايام العيد ^_^

اول لبس ^^ لصباح العيد

كيوت وناعم وشوية منعنش

تنورة قصيرة لحد الركبة تل - لونها فوشي على كورال من سوق المرجان << كانت طويلة وانا قصرتها ^_^ 

تي شيرت من فورايفر ٢١ 

عقد اومبريه من سنتر بوينت

الشنطة نيود من نيولوك

الهيلز من محل في مجمع الشرق

اللبس الثاني ^_^ اول ايام العيد في الليل 

تنورة طويلة تل لونها مينت على سماوي من سوق المرجان كمان 

قميص فلورال من فور ايفر ٢١ 

نفس الهيلز في اللبس الاول

الكلتش من ستيبس الاندلس مول

اللبس الثالث - ثالث العيد 

حفلة العيد ^__^ 

طبعا ما اعرف ايش يتسمى اللبس دا 

من تحت زي الشروال ^^

ولبست معاه الهيلز النحاسي من موقع نمشي 

والكلتش من مصر 

ولبست معاه اكسسوارات ذهبية 

حلق + خاتم التايقر من اتش اند أم + هيد باند ذهبية 

ووووووبس ^__^ 

بانتظار آرائكم ^___^

Love

XOXO

Ramdan First Day Outfit " لبسي أول يوم في رمضان

السلام عليكم "

كيفكم ياحلوات ^_^

اليوم البوست سريييع مرررررررره

لأنو الواحد في رمضان المفروض يتفرغ للعبادة

عشان كدا تدويناتي إن شاء الله حتون سريعة وخفيفة وماتآخد وقت

طبعا أمس أول يوم برمضان الفطور كان في بيت جدي

لازم العيلة تتجمع أول يوم عند جدي وجدتي وكل عيلة تجيب معاها أطباق وأصناف وزي كدا

المهم انو التدوينة حتكون عن لبسي أمس ^^

اول مره بحياتي البس جلابيه او دراعه زي ما يسموها البعض

بس طبعا مو دراعه كاملة وثقيلة حقت حريم كبار ^^ لا شي قصير لحد نص الساق ونعوم وكدا

حبيت لونها وحبيت انو طولها مناسب لا طويلة ولا قصيرة 

هذي التفاصيل اللي عالصدر

ناعمة مافيها شك كثير 

وتتدرج بين البني والنحاسية والديني 

لبست معاها الهيلز النحاسي

صغيرون ونعوم ومررره مناسب الموديل 

والكلتش دي مناسبة مرره لثيم رمضان وكدا

نجي للمكياج ^__^ 

طبعا زي العادة بدأت ببرايمر ماك

بعد كدا حطيت شوية كوريكتر على الهالات تحت عيوني 

وحطيت فوقه كونسيلر ستوديو فنش من ماك بفرشة الكريس من ريل تكنيك

وبعدين وزعت فاونديشن ريفلون كلر ستاي بفرشة الفاونديشن من كوستال سنتس $_$ 

وزي العادة ثبتت الفاونديشن والكونسيلر ببودرة ستاي مات من ريميل

وبنفس فرشة الفاونديشن 

زبطت حواجبي ببودرة الحواجب من مكياجي ^_^

وبعد كدا حطيت عليها من الماسكرا الشفافة الخاصة بالحواجب من مكياجي بس نسيت اصورها 

عشان تثبت شكل الحواجب وترتبها

بالنسبة للعيون 

بدأت ببرايمر أربن ديكاي 

وبعد كدا وزعت لون 

Half baked

على كامل الجفن 

واستخدمت لون 

Sin 

لتحت الحاجب 

وحطيت لون

Buck

في كسرة العين عشان تبرزها

ورسمت عيني من جوا بقلم ماكس فاكتور الأسود 

وتحت خط الرموش اللي تحت عملت خط بالقلم الأخضر من مكياجي

ودمجته بخفه

ووزعت ماسكرا من آفون على رموشي اللي فوق واللي تحت 

للخدود استخدمت باليت نيكد فلشد

اللي صرت مغررررررمة فيه من اول استخدام 

وزعت البرونزر على أماكن الكونتور

والبلش في مكانه ^_^ 

والهايلايتر على عظمة الخد وعلى عظمة الانف

واستخدمت فرشة الكونتور من كوستال سنتس لكل دي الاشياء

وأخيرا استخدمت محدد الشفايف النيود دا لكل الشفايف

وحطيت فوقه روج ريميل اسمه

Firecracker

لونه اورنج هادي 

بالنسبة للشعر 

تعرفوني دايما احوس بالشعر

بس بالنهاية استشورته وتركته مفتوح بدون ويفي او كيرلز 

وطلعت من البيت وانا فارقته من النص 

بس وصلت هناك والفرقة مره تروح يمين مره يسار

وووووبس

^______^

ان شاء الله عجبكم البوست

ولا تنسوا تشتركوا بالقيف اواي تبع رمضان

حتلاقوها في البوست اللي قبل دا

موفقييييييين ^_^

Love

XOXO

Get Ready With Me ' outfit + make up + hair " أتجهزي معايا " ملابس + مكياج + شعر

السلام عليكم "

كيف القمورات ؟؟

أمس عملت تصويت في المدونة عشان أعرف ايش حابين تكون تدوينة اليوم !!

والأغلب أختاروا " اتجهزي معايا " حتى أنا حبيت الاختيار

يالله نبدأ

قبل كم يوم كان عندنا جمعة صغنونة وهذا كان أختياري في اللبس والميك آب والشعر

رح أبدأ باللبس

قميص برغندي

وليقينق فلورال

العقد فلورال مرررررره كيوت

ولونه بينك وكورال

قريبة من ألوان الورود اللي في الليقينق

الكلتش نيود بينك

امممم تقريبا من نفس الالوان اللي في اللبس كمان

آخر شي الانكل بوت الأسود

عشان يضيف شوية حدة للوك ^_^ بما انه كلو ورود وناعم

بالنسبة للمكياج ما كثرت

أعتمدت عالفاونديشن والبرونزر

وكحلت عيوني من جوا بلون نيود عشان أوسع عيني أكثر بالرغم من أنها واسعة الحمدلله

وأعتمدت عالماسكرا الكثيفة وروج عودي

الشعر حوسته حوسة

أكرررره أحوس بشعري

أخترت الضفيرة عالجنب لأنو أسهل شي

وووبس ^_^

أن شاء الله يكون عجبكم اللوك

لو عجبكم البوست أشتركوا بالمدونة عن طريق الايقونة دي

حتلاقوها أسفل الصفحة

وكمان تابعوني على تويتر ، انستغرام

love

XOXO