Wednesday, September 25, 2013

brandzat haul " تجربتي مع موقع براندزات

السلام عليكم "



كيفكم حبيباتي ؟؟



اليوم رح تشوفوا اشياء جمييييييييلة من موقع 
براندزات
www.brandzat.com
اللي ماقصروا وقدموا لي تجربة شرائية ممتعة 
^_^
طبعا رح احط لكم المشتريات اما الاسعار حتلاقوها في موقعهم لاني مو فاكرة نهائيا 
^_^ العتب عالزهايمر المبكر اللي عندي 



الموقع يوفر ماركات اجنبية جميلة زي اسوس وغيرها كثير
بالنسبة ليا اغلب اختياراتي كانت من اسوس 
والشوزات من نيولوك 






اول شي لفت انتباهي بالموقع الشنطة الكيوووووووووووت دي 
صغنووووونة ترى مو كبيرة
طولها تقريبا قد الايفون٥  






العقد الجميل دا عبارة عن سلسلتين منفصلة تلبسيهم فوق بعض ^_^ او كل وحدة لوحدها 






شفتها وعجبتني
وفرصة لأنو ماعندي شنط بيضاء
جميلة ورايقة ممكن تتلبس كروس بدي
او تشيليها بيدك ^^






نظارة شمسية أوفر سايز
وانا عشقي الأوفر سايز بما انو وجهي دائري فتعتبر دي انسب شي ليا 






فلات كيوت منقط 
ينفع للسوق او الدوام لما اكون طفشانة






سنيكرز ابيض نعوم
فرصة بما انو ماعندي ابيض ^_^ كله فرصة فرصة ههههههههه






انا مغررررررمة بالحلق دا 
فخامة على جمال على رقة على كل ابو شي






ثلاث خواتم نعومة لونها روز قولد
جات بسيت واحد مع بعض 






ثلاث اساور روز قولد كمان جات بسيت واحد
جمييييييلة 






السلاسل دي تعذييييييييييب 
كيوووووووت مو ؟؟؟
اول ماشفتها فكرت البسها مع الكروب توب السبورتي وبوي فريند جينز 
واااااااو حتطلع شي جمييييل 






ساعة نعووومة لأختي رووفاا 
جميلة للمدرسة 
والديتيلز اللي عليها باللون المينت والموف






أسورة فضية نعومة 






سلسلتين روز قولد 
لونها آآآآسرني






سلسلة فيها جمجمة ترى بس مو باينة بالصورة 
حلوة لو تتلبس مع مجموعة سلاسل شنكي تانية 






من زمان نفسي فيها الأسورة دي 
بس للأسف مررررررررررره كبيرة على يدي 
رح اشوف لها حل 






طبعا عارفين انو الأبيض والأسود تريند حاليا
فاخترت الشنطة دي لأختي ^_^ تناسب عمرها ونعومة 






واخيييييرا محفظة كيووووت ولونها كيووووت 
لأختي غدي ^_^ 



هذي كل الاشياء اللي اخترتها ^_^ ولو الود ودي كان قشيت اكثر هههههههههه
كل شي بالموقع جميل 
من ملابس واكسسوارات وشنط وشوزات
واااحلوه من كذا انهم كل كم يوم يجيبوا منتجات جديدة 
غير التخفيضات اللي يعملوها 



وعندهم حركة جميلة كمان 
شوفوها 
٧
٧



ووووووووبس 
اتمنى عجبكم البوست ^^ واكيد ابغى رايكم بالقطع اللي اخترتها 



ولا تنسوا تتابعوا براندزات ع تويتر وانستغرام 
Twitter : http://twitter.com/BrandzatCom
Instagram : @brandzat




Love
XOXO


Wednesday, September 18, 2013

My Outfit Last Night " لبسي أمس

السلام عليكم " 

كيفكم ياحلوات ؟؟

اليوم التدوينة سريعة لأني مشغولة حبتين الفترة دي 
بس مني حابة اقطع التدوين ^_^ 

امس كنت عند صاحباتي وحبيت اوريكم لبسي ومكياجي ^_^ واكيد ابغى رأيكم 


السويتر خفيفة وناعمة : من فورايفر٢١
التنورة فيها ديتيلز ستريبس بالعرض : من نيولوك 
الهيلز كلكم عارفينه ^_^ من موقع ( نمشي ) جميل مو ؟؟ 


بما انو اللوك ناعم ماحبيت اكثر اكسسوارات
وهذي الأساور اللي لبستها ^_^ 


بالنسبة للمكياج 
استخدمت للوجه
فيتامين سي من بودي شوب 
برايمر ماك 
أساس ريفلون كلر ستاي
كونسيلر ماك ستوديو فينش
بودرة ريميل ستاي مات
بلاشر كريمي من ماكس فاكتور لونه سوفت بينك

للعيون 
برايمر أربن ديكاي 
قلم مكياجي بني للحواجب 
إضاءة مس وورلد باللون فانيلا لمدمع العين وعظمة الحاجب
اللون النحاسي الفاتح من باليت سليك اورجينال لكسرة العين ولخط الرموش السفلية 
اللون النيلي من نفس الباليت رسمت به طرف كات ايز 
جوا عيني استخدمت قلم بيج من كيس بيوتي 
ماسكرا ريميل سكاندل ايز 

للشفايف
روج ريفلون مطفي  رقم ٠١١ اسمه ستورمي بينك 

ووووبس
ان شاء الله يكون البوست خفيف ولطيف ^_^ واهم شي يكون أعجبكم 

Love
XOXO

Sunday, September 8, 2013

سلسلة العودة للمدارس : تهيئة المكان المناسب للدراسة و العمل ..

السلام عليكم "

اليوم التدوينة الثانية من سلسلة العودة للمدارس 
لو حابين تطلوا عالتدوينة الأولى بالسلسلة أضغطوا هنــــــــــا

اليوم حنتكلم عن تهيئة المكان المناسب للدراسة ..

طبعا أعرف أنو بنات كثير يتمددوا عالسرير ويذاكروا هههههههه أيه طبعاً كنت زيكم بالزبط 
وكمان أنام عالورق ماعندي مشكلة 

لكن حابة أنبهكم أنو الأفضل لكم أنكم تحددوا غرفة معينة بالبيت للدراسة أو العمل 
ومو لازم غرفة تقدري ترتبي زاوية بغرفتك للدراسة 

طبعاً ما بقولكم كدا من راسي ^_^ أكيد فيه أسباب وخليني أذكر لكم شوية منها ..

أول شي حتتأقلمي مع الوقت على هالمكان ولا شعوريا دماغك يتهيأ للدراسة 
زي ماأحنا أول مانتمدد عالسرير دماغنا يتهيأ للنوم ونبدأ نتثاوب وأكبر غلط أننا نذاكر عالسرير لأننا ما حنركز أساسا وحنفكر بالراحة والنوم 

ثاني شي رح يكون عندك زاوية مرتبة ومنظمة لكل أغراضك وكتبك وأوراقك 
بدل ماتكون مشتتة بين الكومدينة والتسريحة ومدري أيش 

ثالث شي والأهم أننا بنات ونحب ندلع ونرتب نفسنا وأغراضنا ههههههه

عشان كدا أنا جيبتلم اليوم أفكار لتنظيم وترتيب مكان الدراسة أو العمل 

^
^
^
شايفين كيف المكان يفتح النفس ^_^
باللهي لما تقعدوا في مكان زي كدا مارح تتحمسوا أنكم تذاكروا وتشتغلوا <<<< أنا عن نفسي رح أخترع شغل عشان أقعد هنا 


أختاري طاولة دارسة أو طاولة عادية وأختاري لها مكان مناسب بالغرفة وزينيها 


أضيفي لمساتك الخاصة سواءً ورود أو أبجورات 



ملاحظين الصور اللي فوق كيف 
كلها جنب شباك 
أختاري مكان أضاءته كويسة وقوية 
الاضاءة لها دور كبير في تركيزك 



كمان ممكن تضيفي إضاءات على طاولتك زي اللي بالصور فوق ^_^

 ^
^
و عشان تعطي المكان حياة ويكون لكي بصمة فيه ويعبر عن ذوقك وستايلك
أعملي الكولاج بورد 
جيبي السبورة المغناطيسية أو البورد الخشبي 
ووزعي عليها صور لكي أو نوتات لأشياء ضروري تعمليها 
أورق أو رسومات خاصة بدارستك أو شغلك 
مررررررررررررره شكلها كيوت وحلو ^_^ 
وحتلاقوا تحت أشكال وألوان للكولاج بورد 





كمان ماننسى تنظيم الأقلام والاوراق وبقية الأغراض اللي ممكن تستخدميها للمذاكرة أو للشغل 
 وهذي طرق ووسائل بسيطة ممكن تنفعك للتنظيم 

نبدأ بترتيب وتنظيم الادراج 
ممكن تستخدمي المنظمات المقسمة 
تلاقيها في محلات ابو ريالين وعشرة 
وتلاقي منها كمان في ايكيا 



 شوفي في الصورة اللي تحت الحركة اللي عالجدار كيف جميلة وبسيطة بنفس الوقت 
السلال المعلقة دي تلاقيها في ايكيا قسم ادوات المطبخ 
وتلاقيها في البشوات ومهجة 



وحلو انك تحطي نباتات على مكتب وزينيه فيها 
ترى تعطي راحة نفسية كبيييييييييييرة <<<< بس ابعدوا عن الصبار لأنه يجيب طاقة سلبية فظيعة 


واذا ما كنتي من محبين الاهتمام بالزرع والنباتات 
عادي أستخدمي نبتات صناعية ^_^ تعطي إيحاء تقريبي للطبيعية ^_^ 



 كمان أستخدمي المنظمات الصغيرة عالمكتب 
تحطي فيها الأشياء البسيطة اللي مالها مكان ^_^ 
رح ترتب شكل المكتب بشكل كبير


اذا كنتي من محبين المجلات زيي 
أعملي الحركة دي 
رهيبة وتريحك من زحمة الكتب والمجلات 
ممكن تلاقيها في ايكيا 
وممكن تعمليها بنفسك ^_^ مررررة بسيطة 


كمان شوفي الصورة اللي تحت كيف أستغلوا علب الحليب المجفف الكبيرة ^_^ 
ممكن تصبغيها باللون اللي يعجبك وتثبتيها على رف وتررررررااااا ^_^ 

هنا عندكم أستخدام للمرطبانات اللي عندنا بالهبل 
مرررره جميلة وممكن تزينيها بشرايط أو فيونكات ^_^ 

 طبعا هذي أشياء مررره بسيطة وتقدر كل بنت تتفنن فيها وتنظم زاويتها بالطريقة اللي تعجبها ^_^ 
رتبوا مكاتبكم وحطوا لمساتكم فيها ^_^ وصوروها وروني هيا عالانستغرام ^_^ 
@zekraalsolami 

أنتظروا التدوينة الجاية من السلسلة 

Love
XOXO

Sunday, September 1, 2013

سلسلة العودة للمدارس : كيف تنظمي وقتك بين حياتك الأجتماعية والدراسية .. ..

السلام عليكم " 

كيفكم ياحلوين ؟؟


بدأنا الدراسة وكثير يقولوا بدأ الهم والغم والكررف 
ههههههههههه

اليوم حيكون البوست عن طرق ووسائل بسيطه ممكن نتفادى فيها الهم والغم والكرف دا 

أهم شي في فترة الدراسة والدوامات أننا ننظم وقتنا ونهيء الجو المناسب لنا عشان نتقبل فكرة أننا ندرس أو نحضر لدوامنا أو أو أو 

لو مشيتوا معايا خطوة بخطوة 
لو نفذتوا أغلب الوسائل اللي رح أذكرها في البوست دا صدقوني رح تنسوا كلمة ماعندي وقت وكلمة أووبس نسيت ^_^

رح أبدأ بأهم شي بالنسبة ليا 

Daily Planner
أو 
نوتة المواعيد 



الشي دا يعتبر ( منقذ ) بمعني الكلمة 
 الدفتر أو النوتة دي حتستخدميها عشان تنظمي مهامك اليومية 
زي فترة مذاكرتك - فترة ممارستك لهوايتك - فترة أستخدامك للأنترنت مثلا 
والأهم من كدا أنك حتسجلي فيها مواعيدك والأشياء اللي لازم تسويها 
زي بروجكت كيمياء أو فيزياء - زيارة لصديقتك - تسوق - أو أي موعد عندك 

حتكون دايما في شنطتك وضروري تعودي نفسك أنك تسجلي فيها كل شي جديد 
حتى لو كانت فكرة بسيطة مرت على بالك ضروري تسجليها لأنك حتنسيها في الوقت اللي تحتاجيها فيه ^_^ وأسألوني مع المعاناه 
 دي هههه

كمان لازم تعودي نفسك أنك تشوفيها بين فترة وفترة عشان تنتبهي لمواعيدك ومهامك

حتلاقوها في المكتبات الكبيرة بأشكال وألوان مختلفة 


أختاري الشكل اللي يعجبك ويحمسك أنك تمسكيها وتكتبي فيها

أوووووووووو ^_^

أعمليها بنفسك ^_^ عندكم هنــــــــا طريقة سهلة وجمييييييلة

أضيفي لها ستيكرز وأكتبي فيها بأقلام ملونة 
تعطيكي حماس للكتابة وانك تفتحيها كل شوية ^_^



حطي لنفسك جدول يومي 
  
أعملي الجدول في نوته المواعيد مقسم ومرتب وأستغلي الهايلايترز أو الماركرز عشان ترتبي ساعات يومك حسب الأهمية


رتبي ساعاتك بين ساعات الاعمال الضرورية زي النوم والدوام وساعات حل الواجبات او تحضيرك لدوام اليوم اللي بعده او ساعات راحتك وممارستك لهوايتك واستخدامك للانترنت 


 إعرفي واجباتك ورتبيها حسب الأولوية والاهمية


مثلا عندك واجبات مطلوبة اليوم، هذه الواجبات التي نحتاج نخلص منها اليوم بدووون تأجيل 

و عندك واجبات مطلوبة قريباً، هذه الواجبات مطلوبة خلال الأيام أو الأسابيع الجاية ماعندك مشكلة لو أجلتيها يوم أو يومين ، لكن حاولي ما تأجليها كثير وتتورطي
 
أخيراً واجبات مطلوبة بدون تحديد وقت، هذه الأعمال رح يندرج تحتها كل الأشياء اللي نعملها وماتخص الدراسة أو الدوام ^_^ يعني زي التدوين مثلاً 

ووووووبس ^_^

هذي نقاط بسيطة وان شاء الله تفيدكم
أنتظروا التدوينات الجاية من السلسلة اللي حتتكلم عن تهيئة المكان المناسب للدراسة و عن وسائل المذاكرة 

لا تنسوا تتابعوني على تويتر وانستغرام 
@zekraalsolami

Love 
XOXO