Tuesday, February 25, 2014

my trip to korea PART 2 " رحلتي الى كوريا الجزء الثاني

السلام عليكم "

كيفكم حبيباااتي ^_^ 

ماشاء الله كثير متحمسين للجزء الثاني من تفاصيل الرحلة :) 

بصراااحة اتمنيت اني صورت لكم أكثر :( بس يالله مو مشكلة 

نكمل ياحلوين ^_^ 



صحينا صباح اليوم الثالث وكانت درجة الحرارة تقريبا -5 
كان برررررررررد مو طبيعي 
وحاولت اشرب شي دافي يمكن يدفيني بس ماااااااااش


المهم شدينا الهمة عشان نروح 
ايتوان 
 منطقة العرب والاجانب في سيئول 
وكلها مطاعم وبقالات عربية وحلال ^_^ حماااااااااااااس

طبعا تعاملنا مع التكاسي والليموزينات كان بالعناوين << نبحث عنها بجوجل ونترجمها بمترجم جوجل للغة الكورية 
بس نوريهم العنوان في الجوال وهما يستخدموا الـ GPS 
شي راااقي :""( مررره زي التكاسي اللي عندنا خخخخخخ


رحنا جهة مطعم دبي وأفطرنا في دانكن دونتس تحته بالزبط 
^_^  كمان فيه جنب دانكن مطعم كباب تركي يبيع أحلى فطيرة جبنة بالدنيا :""")


ماصورته للأسف لكن هذي صورة من النت للمطعم ^_^ 

بعدين رحنا نلفلف في المنطقة ^_^ شي حماس أنك تمشين في شوارعهم والجو بارد
شفنا مدرسة الامير سلطان ^_^ يااااااااابعد ريحة أهلي 


ومقابل المدرسة على طول تلاقي المسجد ^_^ من جد يوم شفناه حسينا بوناسة وراحة نفسية
تنوية : الصورة اللي صورتها في الجوال ومافيني ارسلها
واخذت لكم الصورة من النت 

^_^ احنا يوم رحنا كان زحمممممممممممممممة وهذا اللي خلانا مبسوطين زود ^_^


ولقينا محلات تبيع حجابات ونقابات 
لقيت بررررررررررقع بعد هههههههههه يا حليلهم يعرفون البراقع 


هذا المخلوق الشنيع مريت قدامه يمكن 7 او 8 مرات خلال فترة رحلتنا خخخخخخخخخخ
لأننا كل يوم ويومين نروح ايتوان ندووور آكل ونعدي من جنبه قلت لااااااازم صووووورة 


وطبعا 24 ساعة مسنترين عند البقلات الحلال ونقش من ذا النعمة عشان نقرقش عليها في الفندق



لما جاء وقت الغداء رحنا مطعم تركي مارح اقول اسمه عشان مااخرب عليهم خخخخخخخخخ
 :""( الله يديم النعمة الباستا حقتهم تجيب الغثيان 
مغمممممسة وتسبح في زيت الزيتون :"( من الجوع قعدت اتغصب عليها 

المهم : تصدقون أنو اللي يشتغلوا في هذا المطاعم كوريين !!!! بنات وشباب كوريين يشتغلوا نادلين في المطاعم الحلال
المخلوق يوزع المنيو ويقول اسماء الاطباق بالعربي وانا وأخواتي متنحين في خشته 


ورق العنب كمان مش ولابد :(


بعدها نزلنا فحطنا في ذا الاسواق وقشينا بعض الاشياء اللتي تسعد قلبي الصغير 

ملحوظة : اسواق ايتوان اغلى شوية من بقية الاسواق 
يبغالهم مكاااااسر >>>> رح أعلمكم شلون تكاسرونهم في آخر بارت خخخخخخخخ


وهذا برج نامسااااااااان اللي ناويين نروح له في الايام الجاية 


 هذا مطعم هندي كمان جربناه في آخر يوم لنا في سيئول 
اممممممممم مو جيد جدا ولا سيء 
شي يسكت الجوع بس


ودرعمنا درعمنا للمترو عشان نرجع للفندق بعد ما انهدت حيولنا <<< فكوا الطلاسم انتوا عاد :/ مو كل شي انا 
شفتوا هذي الاجهزة اللي بالصورة :( من هنا تشتري بطاقات الميترو وتشحنيها  
طبعا عانينا في البداية بس الحبيب اللي بالصورة ساعدنا ^_^ 
لو حابين تعرفوا عنها وتتعلموا ابحثوا في اليوتيوب عن 
how to use subway in seoul 
وحتلاقوا فيديوهات كثيرة تشرح بالتفصيل

اليوم اللي بعده


شدينا الهمة <<<< طول الوقت شادين الهمة هههههههه
ورحنا على عرض نانتا ^_^ قلنا بنجرب الميترو
 شف شف مداخل محطات الميترو كيف :"") 


 اتعب وانا اقول نظييييييييييييييييييفة 
يابشر مافيها حتى منديل عالارض رغم انها مليانة 34 ساعة 


المهم اننا وصلنا المحطة المطلوبة ^_^ وفي البداية خفنا أننا ضايعين زي آخر مررره خخخخخخخ


بس أشوى لمحنا المبنى وعليه علامة عرض نانتا 


العرض يتعمل في أكثر من 4 أماكن في سيئول ومكان واحد في جزيرة جيجو 
كالعادة التفاصيل في آخر بارت ^_^ 



قصينا التذاكر وانطلقنا عالدور الثاني 
الدور الاول مقاعد الـ VIP


وبدأ العرض ^_^ 
حماااااااااااسي ومضحك بشكل مو طبيعي 
والحلو فيه انك ماتحتاجي لغة عشان تفهمي 
أغلبه بالاشارة والعرض اساسا حركي ومخصص للأجانب 

اللي قاهرني ان التصوير ممنوع اثناء العرض <<< وماحبيت اصور بالدس ويقفطوني 

المهم لقيت لكم عاليوتيوب مقاطع 

http://youtu.be/lCj7bq4iUrk

http://youtu.be/Wqp98zQXddU


بكذا أكون خلصت البارت الثاني ^_^ 

انتظروا البارتات الجاية ^_^ولا تنسوا تشاركوا التدوينة مع حبايبكم ^_^ 
يعني يعني انشروها عتويتر او عالبي بي أو حتى عالواتس آب 

أحبكككككمممم

ولو حابين تشوفوا صور وفيديوهات أكثر للرحلة 
طلوا عالانستغرام تبعي 

@zekraalsolami

Love
XOXO 
 


Sunday, February 23, 2014

OSN لا تخلي شي يفوتك مع شبكة قنوات


السلام عليكم " 

كييييييييييييفكم ؟؟؟ 

اليوم التدوينة غيييير شكل ^_^ رح أتكلم فيها عن شي يهم كثيييير من البنات اللي يحبوا يتابعوا كل جديد في عالم الموضة 
او جديد الموفيز والمسلسلات الأجنبية 
يمكن كثير منكم سمع بشبكة قنوات 
OSN 


يب يب ^_^ اكتشفت انو الشبكة دي فيها 38 قناة HD تعرض كثير من البرامج الحصرية في نفس وقت عرضها في الولايات المتحدة زي برنامج American Idol و مسلسل Game of Thornes ومسلسل Homeland.
والاحلى من كدا انك مو ملزمة تتابعيه عالتي في بس  ^_^ يعني لو كنتي برا البيت او بالدوام تقدري تتابعي قنواتك المفضلة في الشبكة عالايباد او اللاب توب .. 

شبكة OSN فيها كثير قنوات حصرية ومتنوعة زي Disney Channel للأطفال و E! Entertainment للسيدات المتابعات للموضة والأخبار والترفيه و Discovery Channel للي يحبو يتابعوا عالم الحيوان ^^ 

يعني اخبار الموضة وأسابيع الفاشن وكل التريندز حتلاقيها قدام عينك في نفس الوقت اللي تعرض وتشتهر فيه برى ^_^ مارح يوصل شي متأخر 

بالنسبة لعشاااااق الأفلام ^_^ مارح تضطروا تبحثوا عن الفيلم اون لاين او مترجم عشان تشوفوه بدري ^_^ لأنو شبكة OSN تعتبر الأولى في تقديم الأفلام العالمية الضخمة بعد 3 شهور بس من عرضها على شاشات السينما وقبل سنتين من أي قناة ثانية . 
لييييييش يا ترى ؟؟

لأنو شبكة OSN تحرص أنها ما تفوت على مشتركيها من جميع أفراد العائلة أي برامج ممتعة ^_^ 

حابين تشوفوا عروضهم اللي ماتتفوت ^_^ طلوا على موقعهم اللي متوفر باللغتين العربية والإنجليزية 
For English -   http://www.osn.com/Announcements/2014/february/dont-miss-out_en_gb.aspx

For Arabic -   http://www.osn.com/Announcements/2014/february/dont-miss-out_ar_ae.aspx

YouTube -   http://www.youtube.com/osn


وووووووووووبس 

Love 
XOXO

Monday, February 17, 2014

my trip to korea PART 1 " رحلتي إلى كوريا الجزء الأول

السلام عليكم " 

صبآآآآآآآآآآآآح ومسآآآآآآآء الورد 

ازيكم ؟؟ عاملين ايه ؟؟ 
وحشتووووووووووووووني أوي أوي 
أنا عارفة يا قممير أني تأخرت عليكو أوي أوي بس حئكم عليا ^_* 

لا تشرهون عاللهجة <<< ماسكة معايا

من جد وحشتوني ووحشني الكلام والبربرة معاكم ^_^ 

طبعا كلكم عارفين أني كنت في كوريا - سيئول قبل اسبوعين 
رحنا يوم 15 يناير
ورجعنا يوم 1 فبراير 
يعني قضينا 16 يوم هناك 
وتبغون الصدق الى الآن ما تأقلمت مع رجعتي للسعودية :( حالتي صعبة جداً 

المووووووووهيم 

بما أن السالفة طويلة ف راح اقسمها على كذا بارت 
التفاصيل والأسعار وكل الأشياء اللي تهم اللي ناوين يشدون الهمة ويروحون لكوريا رح تكون في البارت الاخير ^_^ 

وكمان حابة اقولكم أني ماصورت كثير وزي ماأتمنيت لأني مااعرف استانس وأصور مع بعض 
عشان كدا الكاميرا كانت مع أختي طووووول الوقت وأختي فاقدة ولا لها في التصوير 
وفيه صور كثير من الايفون ووضوحها مو ذاك الزود 
بس سلكولي 

رح أبدأ 
ها !! يالله !! 


بسم الله علينا من الحماس الزايد اللي فينا 
رحنا المطار من الساعة 12 الظهر  ورحلتنا المفروض 3 و40 دقيقة 
وقصينا البوردينغ ولفلفنا في المطار اللي صار بعيني خاااااااااايس بعد مطار كوريا  


رحلتنا ترانزيت دبي - كوريا 



حااااااااااااااان وقت الرحيل ^_______^ 
وانطلقنا وأنا واخواتي ضحك وكركرة مدري ايشبنا !! الظاهر من الحماس سطلنا خخخخخخخخخ


هنا ياحبايبي في رحلة كوريا اللي مدتها 10 ساعات 

صار موقف لا أحسد عليه الله يحفظني 
أنا حاجزة لبابا مقعد جنب الشباك لوحده 
وأحنا الثلاثة في المقاعد اللي وراه 
أنا جنب الشباك طبعا وبعدي رهف وغدي 
^_^ اللي صار ياعيوني انتي وهيا أنو اللي قعدت في المقعد اللي جنب بابا بنت كورية 
وعندي أخت اسمها غدي غيااااااااااااارة ماشاء الله عليها 
و حلفت مايقعد بابا جنب البنت 
قمت انا اللطيفة الجميلة الرقيقة <<<<<<< خخخخخخخ
تبرعت وقعدت مكان بابا وهوا رجع مع البنات ورى 

الزبدة ان الأخت اللي جنبي أول ماأقلعت الطيارة الا وهيا في ساااااابع نومة 
وكل شوية راسها يطيح عليا وأنا قلبي موجعني على رقبتها اللي بتنكسر 
بس ماشاء الله عليها خلال ثواني تنام ماعندها تفاهم :( مو زي حالتي بس اتقلب في الكرسي على قل فايدة لا نمت ولا شي


طبعا أحنا طلبعنا عالخطوط الامراتية ^_^ خدمتهم حلوة ومضيفاتهم يفتحون النفس




ووصلنا مطاااااار انشتون في كوريا 
آآآآآآآآآآآآآآآآآآآآآآآه وش أقول وش اخلي 
مرتب وجميل ونظيييييييييييف 
والأحلى من كذا أنو لما جينا كانوا لسا على زينة الكريسمس ورآس السنة 
لطاااافة لطاااااافة 

 استلمنا الشنط ومشينا عشان نركب باص 
لكن نصحني واحد كوري بسلامته لا أعرفه ولا يعرفني أننا نآخذ الميترو خخخخخخخخ قلك يبغى يفزع ويساعد ياحليله 


زي منتو شايفين درجة الحرارة كانت 1 
يمممممممممممممممممه برررررررررررررررررررررررررررررررد 
مووووووت مووووت مو برد بس 
وبعدين جاتني صدمة عصبية ههههههه جسمي مو مستوعب البرودة دي بعد حرارة جدة خخخخخخخخخخ

 طبعا كلنا ننشكح اذا شفنا شي يخص السعودية 
هذي في المطار


ركبنا الميترو زي الحلوين وبابا يتنافض من البرد ههههههه 
شوفوا النظرة كيف ههههههه متوعدني لأننا اصرينا نروح في الشتاء 

طبعا صار لنا موقف توووووووووووووحفة اول يوم واحنا ندور على الفندق 
المفروض الفندق يرسلوا سيارة تستقبلنا في المطار 
لكن ارسلولي اليوم اللي قبله أنو حصل ظرف طارئ ومارح يجي السواق 
وارسلولي اسم محطة الميترو اللي المفروض اوصل لها والفندق قريب منها مررررررره 

طبعا كلكم تعرفون كيف صعوبة اللغة الكورية وكيف كلماتها متشابهة 
أنا طال عمري المفروض اروح على محطة شينتشون لكن بالغلط قعدت ادور على محطة سينتشون 

وندرعم الله يحفظنا على محطة سينتشون هههههههههه 
ويوم وصلنا وأنا فخووووورة بالانجاز اللي سويته 
دخلت على بقالة أسأل عن الفندق وكان فيها ( أجاشي ) يعني رجال كبير بالسن 
اعطيته ورقة العنوان وكانت مكتوبة بالكوري 
وقعد عشر دقايق يبحلق فيها 
وأنا واختي نستنى يوصف لنا الطريق 
الا دخلوا 3 رجال كبار بالسن كمان البقالة وبدأوا يسولفون مع صاحب البقالة 
وقعدوا يتناقشون عالعنوان وفجأة لفوا علينا وأنا وأختي مفجوعين وصاروا يتكلموا كوري واحنا لسا متنحين خخخخخخخخخ
مافهمت من كلامهم الا تاكسي قلت طيب طيب تاكسي مو مشكلة أهم شي أوصل 

وقفوا لنا تاكسي وهما بنفسهم حطوا الشنط بالسيارة وشرحوا للسواق العنوان
ياااااحلييييييلهم وقعدوا يسلمون على بابا ويودعوننا خخخخخخخخخ خقيت معهم وبغيت اقشهم معانا 

واحنا في التاكسي لاحظنا اننا طولنا !!! اخذنا نص ساعة تقريبا وأنا عندي شك ان الدلخ السواق موب عارف المكان 
المهم سألته والحبيب مايتكلم انجليزي وهاتك شرح ومترجم جوجل هههههههههه 
وبالأخير طلعت رايحة على محطة بعيييييييدة جدا عن المحطة اللي المفروض اكون فيها 

بابا بغى يذبحني هههههههههه وانا اقول عادي عادي الواحد يتعلم من أخطائه 



وصلنا الفندق اللي كان شي جميل ومرتب ^_^ محسوبتكم حبت تتدلع وترفه نفسها
اللي فوق صورة الجلسات اللي في اللوبي ^_^
اسم الفندق 
Pharos hotel 


أخذنا سويت لثلاث أشخاص وأضافوا لنا سرير كمان ببلاش ^_^ 
هذا سويتنا ^_^ 
لقطت الصورة من غرفة النوم اللي بالدور الثاني 




هذا الشي اللي كان أهم شي في السويت ^_^ 
المسبح نيهاهاهاهاهاهاهاهاهااااااي
تعدلين درجة حرارته بكيفك ^_^ تبغينه دااافي ولاباااارد ^_^ 

 اليوم الثاني 
 طلعنا من الفندق الساعة 9 ورحنا فطرنا في ماك وأنطلقنا على لوتي ورلد اللي كانت مرررررره قريبة مننا 
مسافة ربع ساعة او عشر دقايق مشي 
والمشي في كوريا يفتح النفس 
الشوارع نظييييفة ومنظمة والهواء عليل  


طبعا ماعندهم قطاوة في الشوارع 
عندهم بدل القطاوة حمام :( أدري أدري حال جدة يوجع القلب 

السياكل أو الدراجات هناك في كل مكان
تقدرين تأجرينها حسب المدة اللي تبغينها :( كان نفسي اجربها بس ماش كل ماقلت بكرة أنسى 


وصلنااااااااااااااااااااااااا


لوووووووووتي وورلد 
lotte world 
أكبر مدينة ملاهي مغلقة في العالم 
مقسومة لجزئين داخلي وخارجي 
الخارجي على شكل جزيرة محوطة بموية وفيه جسر طويل يوصل بين الجزء الداخلي والخارجي ..
 

أول مادخلنا شفنا عرض غنائي استعراضي ^_^ 
متحمسين الشياب 



بعد كدا دخلنا على مكان رسومات الثري دي 
3d 
حلو وغريب ومافي سائح ماقد راح هناك خخخخخخ

بس اللي متصور مع بابا له قصة طريقة <<<< كيف بس اللغة 
الموووهيم 
هذااا الأخ من يوم مادخلنا متحف الثري دي وهو يدور حول الناس ويتصور معاهم 
وجاء عندنا يبغى يتصور معانا 
خليناه يتصور مع بابا 
وراح مسك أختي الصغيرة وأتصور معاها بالقوة هههههههههه 

لا ويوزع ابتسامات ووقت التصوير  يسوي كاريزما ويعطيك ذيك النظرة 


طبعا ماصورت كثير لأني مشغولة باللعب 


هذا المحل المعذب المستمفز اللي بكل زاوية في الملاهي القاه 
ايتود هاوس 
يابنات اغرااااااء مو طبيعي 
وأشياائهم كيوووووووت 


خرجنا على المغرب تقريبا 
شوفوا شوفوا الشجر 

تبغون الصدق كان ودي اقش وحدة معايا واحطها قدام باب بيتنا 
خخخخخخخخخخخخخ
 

بابا منطلق بالسرعة القصوى من البرد 

رحنا على كوفي وتدفينا شويا ورجعنا ندور في الشارع 

يابشر حتى مخابزهم كيووووووووووووووووووووت 

واللي يشتغلون فيها كيووووووووووووت بعد خخخخخخخخخخ

ورجعنا البيت وطلبنا بيتزا ومنبهين عليهم تكون نباتية مية في المية 
قاموا حطوا اناناس وبطاطا حلوة 
حسبي الله عليهم 
قعدت اتغصب عليها من الجوع 


ووووووووووووووووووووبكذا اكون خلصت البارت الأول ^_^ 

أنتظروا البارت الثاني 

ولا تنسوا تتابعوني على تويتر وانستغرام ^_^
@zekraalsolami 


Love 
XOXO