Monday, August 19, 2013

Eid Outfits " لبسي في العيد

السلام عليكم "



كيفكم ياحلوين ؟؟ 
^_^ ان شاء الله كان عيدكم حلو ؟؟ 
واستانستوا وانبسطتوا ^^



اليوم التدوينة سرييعة 
رح تشوفوا فيها لبسي خلال ايام العيد ^_^







اول لبس ^^ لصباح العيد
كيوت وناعم وشوية منعنش
تنورة قصيرة لحد الركبة تل - لونها فوشي على كورال من سوق المرجان << كانت طويلة وانا قصرتها ^_^ 
تي شيرت من فورايفر ٢١ 
عقد اومبريه من سنتر بوينت
الشنطة نيود من نيولوك
الهيلز من محل في مجمع الشرق






اللبس الثاني ^_^ اول ايام العيد في الليل 
تنورة طويلة تل لونها مينت على سماوي من سوق المرجان كمان 
قميص فلورال من فور ايفر ٢١ 
نفس الهيلز في اللبس الاول
الكلتش من ستيبس الاندلس مول






اللبس الثالث - ثالث العيد 
حفلة العيد ^__^ 
طبعا ما اعرف ايش يتسمى اللبس دا 
من تحت زي الشروال ^^
ولبست معاه الهيلز النحاسي من موقع نمشي 
والكلتش من مصر 
ولبست معاه اكسسوارات ذهبية 
حلق + خاتم التايقر من اتش اند أم + هيد باند ذهبية 





ووووووبس ^__^ 
بانتظار آرائكم ^___^



Love
XOXO


Wednesday, August 7, 2013

سلسلة مكياج العيد : مكياج السهرات

السلام عليكم "
كيييييييفكم حبوبات ^_^
أول شي
كل عآآآآآآم وأنتم بخيييييييير
وكل عآآآآم وأنتوا معآآآآآآآيا ^_^
أشوى اليوم طلع 29 رمضان
لسا ماخلصت أغراضي ولا رتبت شنطي ولا سويت شي
دايما أورط نفسي بالوقت الضايع ههههههه
اليوم آخر تدوينة بسلسلة مكياج العيد
حنتكلم شوية عن مكياج السهرة ^_^
طبعا بالنسبة للأساس والكونسيلر والكنتور والهايلايت
كانت أول تدوينة في السلسلة تتكلم عنه بالتفصيل الممل
يالله نبدأ ^_^
بالنسبة للحواجب
حبيباتي رح نستخدم نفس التكنيك اللي في البوست اللي قبل دا
بس رح نغمقها شوية كمان ونحددها أكثر
يعني حنستخدم قلم في البداية ونعبيها من جو بالآيشادو البني



وموضح بالصورة الأشياء اللي بستخدمها ^_^
اللوك الأول
حنبدأ نوزع الايشادوالكريمي على الجفن
بالنسبة ليا رح اعتمد اللون الذهبي في اللوك عشان كدا أخترت اللون البرونزي من مايبلين كلر تاتو
أنتي أختاري على حسب اللون اللي رح تعتمديه
وبعدها أخترت اللون الذهبي الشيمري دا من باليت سليك اورجينال
لون ذهبي غني وواضح ورح يثبت بقووه عالجفن بسبب الايشادو الكريمي اللي حطيناه قبل ^_^
رح أوزع اللون دا عالجفن المتحرك بس
بعد كدا رح أستخدم اللون
buck
من نيكد 1
ةأوزعه على كسرة العين
وأدمج فيه أطراف اللون الذهبي على كسرة العين
بعد ماأدمج اللون البني
أستخدم اللون الأسود من باليت نيكد 1 اللي هوا أسود فيه شيمر شوية
وبفرشة صغيرة أحطه على طرف العين الخارجي وكسرة العين وابدأ أدمجه على خفيف زي اللون اللي قبله
بالزبط في المكان الموضح بالصورة تحت

بعد كدا نآخد الجل آيلاينر ولو ماعندك تقدري تستخدمي أي كحل اسود بس يكون كريمي
وسهل تدمجيه
رح نعمل رسمه آيلانير عادية على خط الرموش من فوق ونعمل وينق أو جناح ونتوصى فيه شويتين ^_^
ونستخدم شوية من اللون الأسود نفسو اللي أستخدمناه في البداية
ونمرره على خط الرموش السفلي بنفس الفرشة اللي مبينة بالصورة ^_^
ونكحل عيننا من جوا بالقلم الأسود
وأكيد ماننسى الماسكرا ^_^
بالنسبة ليا في المناسبات والسهرات أحب أستخدم ووتر بروف اللي هيا ضد المويا
لأنها تمسك الرموش وتثبتها على كسرتها ’’ فاهمين عليا ؟؟
يعني تخلي الرموش معكوفة لأطول فترة ممكنة
مو زي الماسكرا العادية ممكن فترة وتطبح رموشك ماتبقى معكوفة
نجي للبلاشر والهايلايتر
أنا عشقآآآنة الباليت دا من نيكد
وستخدم معاه فرشة الكونتور من كوستال سنتس
البرونزر تحت عظمة الخدين  و تحت الدقن وعلى الصدغين <<< أطراف الجبهة الخارجية
والهايلايتر على عظمة الخدين وعظمة الأنف وقوس السفة
والبلاشر على تفاحدة الخدين ^_^
بالنسبة للشفايف
اللوك دا ينفه معاه ألوان كثير
على حسب مزاجك وجرأتك أختاري اللون اللي تحبيه
وهذي أرقام الأرواج اللي في الصورة ^_^
اللوك الثاني
طبعا بعد مانكون وزعنا البرايمر عالجفن زي العادة
نختار اللون الأبيض السيلفر
لا تسألوني ليش اللون طالع غير بالصورة هههههههه الأضاءة مش ولابد
ونوزعه على الجفن المتحرك ^_^
بعد كدا بفرشة الدمج نختار اللون البنفسجي الغامق ونوزعه على كسرة العين
وندمجه مع الابيض السلفر من الأطراف بس
ونفس اللوك اللي فوق ندمج شوية من الأسود اللي بباليت نيكد 1 على الزاوية الخارجية للعين
ونرسم عيننا بالجل آيلانير أو السائل
اللي تحبيه وتتقنيه
نرسمها كاملة من فوق ومن تحت ^_^
ونمدها بجناح من الطرف الخارجي للعين
زي الصورة
وطبعا ماننسى الماسكرا ^_^ عالرموش للي فوق واللي تحت
الببلاشر أستخدمت نفس الباليت من اللوك الأول
بس خففت البلاشر قد ماأقدر
وماأستخدمت الهايلايتر دا

أستخدمت دا الهايلايتر من بورجوا ^_^
وبالنسبة للروج
حبيت اللون الكورال دا من
YSL
أحسه جاي مع البنفسجي حلو ومو مبالغ فيه
طبعا أنتي براحتك تحبي نيود أو بيبي بينك
يركب معاه ألوان كثير ^_^
وووووووووووووبس ^_^
أن شاء الله يكون عجبكم البوست
وزي ماقلت في البوست اللي قبل
أعذروني عالتصوير والعجلة والتأخير في البوستات
لو عجبتكم بليز شير أو مشاركة ^_^
love
XOXO

Tuesday, August 6, 2013

سلسلة مكياج العيد : مكياج صباح العيد ^_^

السلام عليكم "

كيفكم حبوبات ^_^

عالسريع كدا رح أحطلكم خطوات لمكياج صباح العيد
خفيف وناعم وفيه شوية سباركلز ^_^
أول شي نبدأ بالحواجب ^_^
طبعا كل وحدة لها طريقتها في رسم حواجبها
بالنسبة ليا زي منتو شايفين في الصور تحت
أرسم خط من تحت وخط من فوق أحد فيها شكل حاجبي
بعدين أعبيها من النص واركز في المنطقة اللي في نص الحاجب
واحاول قد ماأقدر اخفف المنطقة اللي في البداية عشان مايطلع شكل حواجبي قاسي وعفش

طبعا الرسم عالورق يختلف 180 درجة عن الرسم عالحاجب الطبيعي
حيكون أحلى وأرتب
ودي كم مقطع عاليوتيوب توصح أسهل الطرق لرسم الحاجب ^_^

نجي للعين
أول شي نوزع البرايمر
بالنسبة ليا أستخدم برايمر اربن ديكاي
اللوك الأول
بعدين ناخذ اصغر فرشة عندنا وناخد اللون
virgin
من باليت نيكد 1
ونحطه تحت الحاجب وعلى مدمع العين
حيعطي لوك فريش ويوسع عيونك حبتين

بعد كدا أوزع لون
naked
كمان من باليت نيكد 1
على الجفن المتحرك كامل

بعد كدا آخد لون رايق وربيعي كدا وأوزعه على كسره العين بفرشه الدمج
أمشي عالكسرة كاملة وأدمج اللون
انا استخدمت اللون الرايق دا من باليت سليك اورجينال
لونه بين البينك ولكورال والاورنج
كدا لون رايق ولا يغركم الشيمر واللمعة اللي فيه
حيطلع خفيف ورايق عالجفن
بعد كدا نعمل خط آيلانير خفيف على خط الرموش العلوي
خط رفيع وناعم
ونعمل وينق أو جناح بسيط من طرف العين الخارجي
يعني تقريبا رسمة قريبة من دي
بعدها نوزع الماسكرا على الرموش العلوية والسفليه
وأتوصي فيها ^____^ ملفته الرموش الكثيفة
ولا تنسي تعبي خط عينك من جوا بلون نيود
عشان يعطي عينك لوك فريش ومصحصح ^___^
اللوك الثاني
دحين حوريكم عالسريع لوك تاني للعين
حنعمل نفس الخطوات اللي فوق بس بتغيرات بسيطة
يعني مثلا على كسرة العين مارح نحط اللون الكورال
حنستخدم لون
buck
من نيكد 1

نوزعه على كسرة العين
ونعمل الايلاينر زي اللوك الاول وأفضل لو تنحفيه أكثر
ونحط تحت خط الرموش السفلي
كحل أزرق أو أخضر أو سماوي ونحط فوقه شوووووووية آيلانير قليتر
بكذا يكون لوكك ناعم وبنفس الوقت سباركلي بدون مبالغة من صباح ربي ^____^

وبما أننا صباح وروقان
أكدي نبغى بشترتنا تكون غلوي ومنورة
حنستخدم بلشر كريمي ^__^
اللون دا بيبي بينك
خوووورااافي
ومبين أنو فيلو شوية شيمر أو يعكس الضوء فلا تكثري منو



وبالنسبة للشفايف
اللوكين اللي فوق كلهم يناسب معاهم دا اللون ^_^
قريب من روج انجل من ماك
قريب بس مو نفسو
من ريميل رقمه 102


طبعا بالنسبة للفاونديشن والكونسيلر والكونتور والهايلايت
حتلاقوه في التدوينة الأولى من سلسلة مكياج العيد

ووووووبس
أنتظروا شوية كمان ورح أنزل لوكين كمان للمساء أو للسهرة
وأعذروني عالشرح المكركب >>>>> ان شاء الله تكونوا فهمتوا عليا
وكمان اعذروني عالتصوير الرديء بس في النهار أكون مشغولة وبالمساء الأضاءة مو تمام عندي

أي كومنت أو استفسار تقدروا تكتبولي كومنت تحت التدوينة
أو على تويتر وانستغرام
@zekraalsolami

LOVE
XOXO

Monday, August 5, 2013

Jewelry Haul " مشتريات الاكسسوارات ^^


السلام عليكم "
طبعا اليوم التدوينات سريعة ورى بعض ^^
اعذروني عشان الحوسة اللي انا فيها :"(
يالله نبدأ
أول شي العقد الجميل دا من زارا ^_^
من زمان نفسي فيه بس كل مارحت ماألقاه وأخيرا حطيت يدي عليه ولقطته
بـ 149 ريال
العقد الجميل دا من سنتر بوينت
اعتقد بحدود 40 أو 50 ريال
مو قلتلكم من قبل الاومبيريه جميييييييل عالاكسسوارات
الشي الحلو دا من سنتر بوينت كمان في حدود 30 ريال
الشي دا من سوق المرجان ابدا مايزيد عن 20 ريال
نعوم وينفع مع أشياء كثير
هذا نفس الشي من المرجان مايزيد عن 20 ريال
نعووم ^_^
العقد دا عارفة اني مارح البسه بس عجبني شكلو كدا
فكرني بالعصر الفاكتوري هههههههه ... لحد يدقق اشك انو الكلمة غلط
بس مو مشكلة اعتقد انو بـ 15 ريال
الاسورة دي عريضة وزي منتو شايفين على شكل نجمة البحر ^_^ كيوووووت
هذا شكلها من الجهه الثانية
روووووووووعة صح !!
من سنتر بوينت أعتقد بـ 40 ريال اذا مو غلطانة
هذي الاسورة العريضة كمان من سنتر بوينت
اعتقد بحدود 25 ريال

نجي للحلقان ^^
الموسم دا نازلة الحلقان الكبيرة وحلقان الستينات
دا الشي الحلو من نيولوك اعتقد 49 او 39 ريال

الطقم دا اعتقد من سنتر بوينت
بحدود 29 ريال
نيولوك
بـ 29 ريال
من نيولوك كمان بس والله مو فاكره السعر
يمكن 30 ريال
أكثر أو اقل
سنتر بوينت
نيولوك
نيولوك
سنتر بوينت
نيولوك
بـ 60 ريال
من المرجان بـ 15 ريال ^_^
كمان فكرتني بالشي الفاكتوري داك
هههههههههههههههههههههههههههه
من كشكات الاندلس مول
الوحدة بـ 10 ريال
كشكات الاندلس
بـ 10 ريال
الاثنين بـ 15 ريال
كشكات الاندلس

ودي هيد باند اللي هيا ربطات الشعر
رح احطلكم صورة أوضح ع الانستغرام ^_^
وووووووووووبس ^_^
لا تنسوا تتابعوني ع تويتر وانستغرام
@zekraalsolami
وسامحوني لأني ماحطيت الاسعار لكن أنا اشتري مجموعة من كل محل واحاسب دفعة وحدة وأضيع الفواتير في الزحمة
وصعبة أفتكر سعر كل وحدة بالزبط :"( سووووري
LOVE
XOXO