Monday, August 5, 2013

beauty haul " مشترياتي التجميلية أو الجمالية

السلام عليكم "
كيفكم حبوبات ؟؟
بسم الله مدري ايش فيني انزنقت على آخر رمضان كدا في التدوين
كل ماجيت أعمل بوست جديد يصير شي وأتعطل
:"( بس ماتشيلوا هم أوعدكم أعدل الوضع
اليوم البوست عن مشترياتي التجميلية سواء مكياج أو كريمات أو أي شي يخص الجمال
الأغراض في البوست أشتريتها خلال شهر رمضان
وحتلاقوا كل التفاصيل تحتها
والسواتشات حتلاقوها في الانستغرام ^_^
@zekraalsolami
يالله نبدأ
طقم فيتامين سي من بودي شوي
فيه محلول معالج للبشرة يستخدم لمدة 10 أيام ويعطي اشراقة للوجه
وفيه مقشر فيتامين سي
وفيه سيروم منعم للبشرة
الطقم بـ 99 ريال
واقي شمس من بيزلين بـ 50 ريال
يناسب البشرة الحساسة ^_^
مرطب اورنج دايلي
يناسب جميع انواع البشرة وترطيبه عااااالي
مو فاكره بكم :"(
فاونديشن هيلثي مكس من بورجوا
حلو وحبيييييييييه ^_^ بس للأسف لونه غامق حبتين عليا
الدرجة
hale bronze
عشان كدا أدمج معاه فاونديشن افتح شوية ويطلع تمام ^___^
اعتقد سعره بحدود 50 أو 60 ريال
جل ايلانير ريميل
black 001
لحد دحين ماجربته ^_^ ولا فاكره سعره بس اعتقد بحدود 30 ريال
محددات شفايف من براندز منوعة
الاسماء من اليمين
BOURJOIS - 14
RIMMEL - cherry kiss
LOOK - 235
RIMMEL - tiramisu
حتلاقوا سواتشات لها وأسماءها على الانستغرام ^_^
سعرها كمان مو فاكرته :"(
كحل ماكس فاكتور ^_^ حبيب القلب
بـحدود 25 ريال
وقلم لوك لون سماوي روووووووعه بـ 15 ريال
آيلانيرز واحد أزرق من براند أسمها جيسيكا ... أول مره اسمع فيها سعروه 45 ريال
والثاني ذهبي ميتاليك من بورجوا بـ 60 ريال

ماسكرتين من مايبلين اللي هيا الصفراء والموف
والاورنجية من ريميل
كلهم حباااااايبي ^___^
ومو فاكره السعر للأسف بس أعتقد الكل يشتريهم والسعر في حدود 30 و 40 ريال
كونسيلر مايبلين فيت مي ^_^ من زمان نفسي فيه لكن كمان للأسف كنت أبغى افتح من كدا لمنطقة تحت العين بس مو مشكلة المره الجاية أعوضها ^_^
كمان مو فاكره السعر بس مايزيد عن 40 ريال
عجلة كونسيلر كريولاين
الدرجة 4
بـ 145 ريال
بلاشر ناعم من ريميل بـ 35 ريال
اسمه
PINK ROSE
بلشر كريمي كيوووووووت من ماكس فاكتور أعتقد بحدود 30 ريال
اسمه
MIRACLE TOUCH
بلشر اتعب وأنا اقول لونه روووووووووعه
من براند اسمها بيوتي كيس ^_^
رقمه 2
حتلاقوا السواتش ع الانستغرام
سعره 30 ريال
آي شادو صديق العمر من سنين عندي ^_^
من ماكس فاكتور
برونزي وذهبي
اسمه
425 DAWNING GOLD
رووووووووعة
بحدود 30 ريال
ماادري ليش جذبتني الايشادوهات دي
من براند اسمها ريفيل كلر ستاي
اللون ب 20 ريال

أرواج ريميل من كوليكشن كايت
الارقام من اليمين
06
08
102
الألوان والسواتشات حتلاقوها ع الانستغرام
السعر أعتقد بحدود 40 ريال
أقل أو أكثر شوية
روجين من ريميل من خطهم العادي
اسمائهم من اليمين
SHOCKING PINK 220
HEART BREAKER 016
كمان نفس سعر اللي فوق
أوووووووووووول روج ليا من
YSL
يجنن موووو ؟؟؟
اسمه
ROUGE PUR COUTURE
الدرجة 23
بـ 145 ريال
اللون والاسم عالانستغرام ^_^
روج خفيف وناعم من مايبلين
اسمه
ELECTRIC ORANGE
اعتقد سعره 39 أو شي قريب من كدا

روج بيبي بنك من مايبلين ^_^ كيوووووت
اسمه
ON AND ON PINK
مو فاكره السعر ابداً
روج من براند مدري ايش هيا ب 20 ريال
حبيت لونه ولسا ماجربته

بلشر من قولدن روز الدرجة
hot pink
وباودر من كارول الدرجة
1. candlelight
هذي وصلتني للتجربة من الماركتينج للشركات دي
وحبييييييت البلشر ^_^

 هذي طلبية من الحبوبة
@metallicshine
عالانستغرام
عسسسسل المخلوقة دي وماقصرت معايا وارسلتلي الطلبية سريع سريع ربي يسعدها
أول شي طلبت باليت الكونتور والبلشر من كوستال سنتس
بـ 120 ريال
كمان طلبت باليت سليك
the original 594
حتلاقوا السواتشات ع الانستغرام
بـ 75 ريال
وطلبت الفليتر آيلانير
من زماااان نفسي فيها وكنت حاطة عيني على حقت نيكس لكن مالقيتها
والحمدلله لقيت دي من براند
MUA makeup academy
حتلاقوا السواتشات ع الانستغرام
الواحد بـ 20 ريال
وطلبت كونسيلر ستيك من نفس البراند
MUA
^^ مدري ايش فيني صار عندي ادمان كونسيلرز
أخدت افتح درجة عشان افتح منطقة تحت العين
بـ 30 ريال
كمان حبوبة ماقصرت وارسلتلي دا الروج هدية
من نفس البراند كمان ^^
رقمه 16
لونه روعه ^^ حتلاقوا السواتش ع الانستغرام
ووووووووبس ^_^
ان شاء الله اليوم كمان رح انزل لكم مشتريات الاكسسوارات ^^
اما الملابس حايسة في تصويرها مرررررره مافي وقت :"( عشان كدا اعذروني مارح اقدر انزلها
بس بكل الحالات اغلبها حتشوفوها بتنسيقات العيد ^^
لو عجبتكم التدوينة لا تنسوا تعملولها شير أو مشاركة ع تويتر والفيس بوك
وتابعوني كمان ع تويتر وانستغرام
@zekraalsolami
LOVE
XOXO

4 comments:

  1. الله جمميلة مرة حتى انا نفسي في قليتر اي لاينر بس مني عارفة اش احسن ماركة لان القليتر احيانا يسويلي حساسية ويحك بس شكلي اجرب الماركة دي لقيت عليها مدح شكرا يا حلوة ع البوست مررة حلو وظريف واصلن انا بس اشوف الهول حقك دايما انشعف وانزل السووق الم زيك وفعلا كلها جبارة الاشياء الي تنقيها ربي يحفظك :***

    ReplyDelete
  2. ههههههههه حيااتي ^__^
    الغليتر جربتو مره وحدة وحبيته
    واتاريكي زيي هههههه انزل السوق زي المفاجيع وألم كل اللي قدامي
    ربي يسعدك عالكومنتات الحلوة اللي تفتح النفس

    ReplyDelete
  3. ههههه بوستك جميل ومشترياتك جميله عاد انا كل مايعجبني شي اكتبو في ورقة عشان بعدين اروح السوق واقضي ههههه

    ReplyDelete
  4. مشترياتك جدا جميله بس ياليت تشرحي المنتجات بشكل مفصل اكثر يعني مجموعة ذي بودي شوب ماني عارفه الحين اشتريها ولا لا

    ReplyDelete