Sunday, June 30, 2013

تابعوني على Bloglovin + طريقة التسجيل والمتابعة بالتفصيل

السلام عليكم "

كيفكم حبايبي ؟؟؟

طبعا كلكم عارفين أنو الجوجل ريدر حيقفل بكره إن شاء الله
ورح نستبدله بموقع

:( للأمانة أنا ماعجبني الموقع في البداية
 لكن حاسة أنو مع الاستخدام حيتغير الشعور *_^

عشان كدا حابة أقولكم تتابعوا مدونتي هناك عن طريق الضغط على برج ايفل اللي تحت أو اللي يمين الصفحة



ولازم تسجلوا في الموقع أول
وتقدروا تختاروا البلوقز أو المدونات اللي تعجبكم وتتابعوها
وحتطلع لكم كل تدويناتهم على صفحتكم الرئيسية
بكذا حتكونوا متابعين كل جديد في المدونات اللي انتوا تحبوها
( فاشن - جمال - طبخ - وغيرها كثير ) يمديكم بس ^_^

دحين رح أحط لكم طريقة التسجيل والمتابعة بالتفصيل





بعد كدا روحي عالايميل وحتلاقي رسالة اما في الوارد أو في الجنك ميل





وبس ^_^ مررره سهل صح !!!
يالله شدوا حيلكم وتابعوني ^_^
كمان فيه نقطة ثانية
الموقع عاملين تطبيق للأجهزة الذكية الايفون والجالكسي وغيرها
حملوه وأستمتعوا بكل التدوينات على مدار الساعة وبين يدينكم ^_^

بإنتظار متابعتكم ليا ^_^
شكراً مقدماً

احبكم ^_^


Saturday, June 29, 2013

Mini Haul " مشتريات خفيفة

السلام عليكم "

^_^ كيفكم ياحلوين ؟؟؟
وحشتوووووني



قبل يومين نزلت عالسوق عشان آخد جولة تفقديه وتفحصيه
واشوف لو نازل أشياء حلوة بالسوق
لكن للأسف أغلب الأشياء عادية
و طبعا مستحيل اروح من غير ماأشتري شي ^_^

نبدأ بمحل مكياجي ^_^




طقم أقلام عيون ملونة
حبيتها لأنو ممكن تستخدم برا العين وجوا العين
وألوانها متنوعة ^_^
جربتها على يدي بالمحل وحبيت انها كريمية شوية
يعني ألوانها تطلع واضحة
أفكر أستخدمها كآلاينر عالجفن
بما أنو صيف وألوان وزي كدا ^_^
سعرها كان بـ 99 وصار بعد التخفيض بـ 84 ريال


أخدت كمان ماسكرا شفافة للحواجب ^_^ تغيير عن مايبلين
سعرها كان 55 ريال واخدتها بـ 41 ريال

وأخدت بودرة الحواجب من الكوليكشن الجديد ( مينكس ) حبيت الباكيج حقها
أتعمدت آخد فاتح رغم أنو شعري أسود لأني ناوية أفتح لونو قريب وبكل الحالات أنا بستخدم بني لحواجبي
سعرها كان 55 ريال وأخذتها بـ 46 ريال

صور أوضح لبودرة الحواجب


بعد كدا رحت على
F&F
وأخدتلي قطعتين بس لأنو الأشياء الحلوة كلها بح

  
الشنطة دي ذبت لما شفتها $_$ لونهاااااا شكلها وحجمها
خووورااافية
حتلاقولها صورة أوضح عالانستغرام تبعي
سعرها تقريبا 149 ريال


هذا طال عمركم البنطلون اللي يجي كلو واسع
ان شاء الله فهمتو عليا ^_^
سعره 139 ريال

بعد كدا رحنا على بنده مع ماما ^___^
وأخدت كم حاجة خربوطية


فلات نيود مررره كيوت ومريح ^_^
سعره 49 ريال


رول اون من غارنييه
كان عندي الأصفر اللي المفروض يخفف من الهالات السوداء ويريح العين
اممممم ماحسيت تغيير في الهالات لكن احب استخدمه يبرد على عيني ويريح
عشان كدا أتحمست آخد الكونسيلر منو
الدرجة لايت ( فاتح ) وسهره 22 ريال


شمعة حجمها متوسط بريحة التفاح والقرفة
مرررررررررررره ريحتها حلوة
ب 6 أو 8 ريال


علب لتقديم البوب كورن
حبيتها لما يكون فيه سهرة أو جمعة بنات ^_^
حجمها وسط
الحبة بـ 3 ريال


دولا الحلوين لحقت على آخر حبتين #_# الحمدلله
قزازتين ماأعرف أيش اسمها
لكن عندنا جمعة بنات الاسبوع دا
ودي رح نحط فيها عصيرات ( كود رد و باريو ) شكلها حلو في التقديم
ولونها طقم المطبخ ^_^ عجبت ماما
الحبة بـ 19 ريال

ووووووووووبس
بكذا أكون خلصت مشترياتي الخفيفة ^_^
ان شاء الله يكون البوست عجبكم

وأنتظروا مفاجأة في البوست الجاي

أشتركوا في المدونة عن طريق ايقونة الانضمام للموقع
حتلاقوها آخر الصفحة

وتابعوني على تويتر وانستغرام
@zekraalsolami

Love
XOXO

Saturday, June 22, 2013

تجربتي مع موقع " نمشي " + my new heels

السلام عليكم "

كييييييييييييفكم ؟؟؟
ادري ادري البوست دا كان المفروض قبل شهر
لكن انا مختوم على جبهتي أني عجوزة منتهية صلاحيتها
كل يوم اقول بكره وانسى

بس أخيراً أخيراً اليوم سويته


قبل أكثر من شهر طلبت الحلوين دولا من موقع
واتوقع كل اللي متابعيني على تويتر والانستغرام شافوها
^____^

للأمانة في البداية ماكنت مقتنعة بالموقع مدري ليش
بس شفت الهيلز السماوي المينت واتجننت عندو
وقلت حطلب يعني حطلب
وأتفاجأت قد أيش خدمتهم ممتازة وسريعة
تعاملهم رااقي ^^ يتصلوا عليكي بنفسم عشان يتأكدوا من الطلبية ويبلغوكي بموعد وصولها
والأحلى من كدا أسعارهم مرررررررره معقولة

عشان كدا أتحمست وطلبت الهيلز النحاسي

كل الطلبيتين وصلتي خلال 4 أو 5 أيام من موعد الطلب
ولحد باب البيت ^_^ فيه أحلى من كدا !!!!

خلينا نشوف الهيلز وأسعارها تحت
^^

الهيلز الأول
لونه آسرررررررني
والطرف الفضي الميتاليك خلاه يصير أحلى وأحلى
من زمان كان نفسي بديزاين زي كدا والحمدلله لقيته

وهذي صور متنوعة للهيلز ^_^





الهيلز الثاني
على طول بعد ماطلبت الهيلز الأول
وحتى قبل مايوصلني
دخلت عالموقع ووقعت بغرام دا الشي النحاسي
ناااعم وكلاسيك
وفيه ستدز نآآآآآآآعمة
طبعاً أنا مستعدة أجيب مليون سبب عشان أشتري شي
قلت ماعندي هيلز بهذي الدرجة ^^ وطلبته

وهذي كمان صور متنوعة للهيلز 




شوفوا شوفوا التوقيع تبع البراند
كيوووووووووووووووووووووووت


طبعاً ناوية أن شاء الله ارجع وأطلب مجموعة تانية خلال الفترة الجاية
ودي كم هيلز عجبوني وحاطتهم في بالي




بالله ماتجنن ؟؟؟
ادري رح تقولون استخفت بس عندي ادماااااااااااااان هيلز

وووووووووبس
وبكذا أكون خلصت ^^

لو حبيتو البوست اشتركوا بالمدونة عن طريق ايقونة الانضمام للموقع
حتلاقوها في آآآخر الصفحة

وتابعوني على وتويتر وانتسغرام
@zekraalsolami

Love
XOXO

Tuesday, June 18, 2013

TAG : Summer Most Haves " تاق : ضروريات الصيف

السلام عليكم "

اليوم البوووووست صيفي بحت ^_^


ضروريات الصيف
summer most haves

نبدأ بالفاشن ^_^


حبيب الصيف
الفستان الماكسي
نازل دحين بألوان نيون وفرايحية


من أهم أهم التريندز في الصيف 
الأرم كاندي
اللي هيا مجموعة أساور ملونة ترتبيها بالطريقة اللي تعجبك 
طبعاً حلو تدخلي فيها ألوان نيون وصارخة وتلعبي بالخامات حقتها 


الصنادل الفلات أو الودجز ^^
والنظارات الشمسية أكيد ماننساها
أحب النظارة تكون مطعمة بلون صارخ ^^


نجي للبيوتي


بالنسبة للمكياج حلاوته بالصيف يكون خفيف عالبشرة وثابت بنفس الوقت
البي بي كريم حلو وخفيف
وأكيد الأرواج لو نعتمد الألوان الفاتحة والمنعنشة ^^
والبروونزر بالنسبة ليا من أهم خطوات المكياج وبالذات في الصيف
كمان الفترة دي نازلين بالاي لاينرز الملونة
وردي - ازرق اخضر _ أو حتى أصفر
مرررررره تعطي لوك فريش
واذا كنتي من محبين الشادوهات تقدري تختاري الكريم شادوز
بالنسبة ليا أفضل تبع مايبلين الكولور تاتوز أو تبع سيغما
ثابته وألوانها حلوة ومنوعة


المناكيرااااات ^_^
مين ماتحب المناكير !!! مافي صح
نوعي بالالوان
خليكي جريئة  مع مراعاة اللي يناسب يدك وبشرتك


دحين دور العناية بالبشرة


أول شي وأهم شي بالصيف السن سكرين
وآآآآقي الشمس ضروري جداً بالصيف وحتى غير الصيف
لكن صيفنا حارق ومحتاجين حماية أكثر
أختاري واقي يكون +50 أقل شي لوجهك ولجسمك ولا تنسي يدينك أهم شي

كمان ماننسى الترطيب
بالنسبة ليا أحب فازلين الكاكاو ^^ حلو وخفيف عالبشرة وريحته حلوة
للشفايف لابيلو حبيب الكل

والديودرنت أكيييد مو بس للصيف
لكن دحين حيكون ضروري أكثر
أنا بختار دايما ريكسونا
ماأدري ليش بس أرتاح وأضمنه ^^

وأخيييييييراً وليس آخرااا
ايش هوا الصيف من غير السومينق سوتز أو البكيني


أحبها تكووون ملونة ونيون وكل شي
صدقوني مع التان لها شكل غير ^^

وووووووبس
بكذا أكون خلصت البوست الخفيييييف والحلو دا
مررررررررررررره استمتعت فيه سواء بالكتابة ولا التصوير ^^

وأكيييييييييد رح أختار بلوجرز تانين يعملوه كمان
لأني متحمسة أشوف أختيارات البنات

وأنتوا كمان وروني اختياراتكم وضرورياتكم للصيف
صوروها وحطوها على تويتر أو الانستغرام
@zekraalsolami
وأعملولي منشن ^_* ورح أحطها على حسابي في الانستغرام

love
XOXO

Saturday, June 15, 2013

TAG : colors of rainbow " تاق : ألوان الطيف

السلام عليكم "


اليوم البوست عبارة عن تاق 
ألوان الطيف  
فكرة التاق أنك تختاري منتجات تحبيها سواءً تجميل أو فاشن وتكون بألوان الطيف
^_^ يمديكم عالشرح
 هوا منتشر عند اليوتيوبرز الأجانب وعملته جوجو من قناة جايز تشيري
حتلاقوا الفيديو تبعها
 هنـــــا
وأختارتني مع مجموعة بلوقرز تانين عشان نعملوا ^_^

يالله نبدأ ^_^


الأصفر
أتوقع حفظتو الباق دي ^_^
أصفر نيون
روووعة للصيف ووحدة من حبايبي



 الأورنج
عطر الياسمين من بودي شوب
أكيد ملاحظين أني احب كثير عطور بودي شوب
غالباً أحبها للصباح والدوام
خفيفة وباردة ورايقة


الأخضر
أدري أنو أخضر أي كلام بس عاد دا أقرب شي
مناديل جونسون منظفة للوجه
أستخدمها للمكياج قبل ماأستخدم مزيل المكياج
تشيل الأساس وأغلب مكياج العين


الأزرق النيلي
دا فستان أو قميص أو مدري أيش أسمو
بس هوا ستريتش قطني يجي ماسك عالجسم لحد نص الساق  وله أكمام قصييييرة
من نيولوك


الأحمر
شمعتي العزيزة من أيكيا
بالتوت الأحمر
ريحتهااا خرااافة
مو قوية بس حلوووة


السماوي
مزيل المكياج من نيفيا
مرررره خفيف عالبشرة وينظف عدل
استخدمه بعد مناديل جونسون عشان أشيل مكياج العيون ^_^


البنفسجي
جل شاور من سيفورا
بالتوت الأسود
رووووووووووعة وريحته زي ريحة الحلويات اللي كنا نشتريها واحنا صغار

جوجو أضافت شيئين زيادة اللي هما الوردي والملون


الوردي
روج مات من مايبلين
فوشيا صارخ
ثااابت وحلو


الملون
السنيكرز دا عشقي فترة الربيع
عليه برينت ملونه ومرره كيوت مع جينز وقميص أبيض وسكارف فوشي

وووووووووبس
بكذا أكون خلصت التاق اللي أتأخرت وماعملته بدري ^_^
ان شاء الله يكون البوست خفيف وعجبكم

لو حبيتوه أشتركوا بالمدونة عن طريق ايقونة الانضمام للموقع ،، حتلاقوها في آخر الصفحة


وتابعوني على تويتر وانستغرام
@zekraalsolami

Love
XOXO