Sunday, November 24, 2013

Mnet asian music awards 2013 " تغطية حفل الماما 2013


السلام عليكم "

كييييفكم جمييييلاتي ؟؟ 
وحشتووني ^_^ 

اليوم البوست امممممم له صلة بالفاشن اكيد 
وبنفس الوقت له صلة بعشقي الثاني ^_^ 
Kpop idols 

رح تشوفوا تغطية لحفل الماما ٢٠١٣ في هونغ كونغ 
Mnet Asian music awards 2013 


طبعا الحفل دا من اهم مهرجانات تسليم الجوائز بكوريا 
بس للان مني عارفة ليش عاملينه في هونغ كونغ !!!!! 

المهم 
رح ابدا بستايل الايدولز في مطار هونغ كونغ قبل الحفل 


اوووووووول ناس رح احط صورتهم هما اكسو 
Exo 
فرقة مكونة من ١٢ فنان 

طبعا مايحتاج اعلق على اناقتهم :"( شي جميييييل 
الطويل اللي شعره بني اسمو كريس >>> للامانة ماحبيت البنطلون الجلد بس الجاكيت يشفع بصررراحة ^^ 


الاثنين هذولا 
هيونا وهيوسونغ
بالرغم من اني مااهضمهم لكن الكوتز اللي لابسينها جمييييييييييييلة 


هيويين من سنسد 
^_^ لبسها مريح ولون الكوت رااااايق 


الجميلة دي سوهيون من سنسد كمان
انيييقة من يومها 


هذي اعتقد ممثلة 
هان شي يونغ 
مريح ومرتب للمطار 
لكن مو واااووو


هان جي هيو
اممممم كمان مرتب بس عادي 


لي بو يونغ 
مناسب لعمرها 


الفنان لي سونغ غي 
امممم مرتب بس لو اختار سكارف تاني حيكون احلى 


هذولا فرقة 
A pink
نعوووومات لكن ذوقهم في اللبس مررره عادي وأقل من عادي :"( 


عضوتين من فرقة 
Sistar 
هيورين و سويو
هيورين اللي عاليمين من يومها أنيقة وذويقة
سويو لبسها عادي بس مرتب 



العضوة الثالثة من فرقة 
Sistar
دوسوم
أنيقة ومرتبة 
وانا نفسي في الكوت دا :""( 
هابين في الوان الباستيل للشتاء 


جي هيو اللطيفة
عادي بس مرتب ^_^ 

نجي دحين للرد كاربت ^_^ 


اول فرقة وصلت
Big Bang 
الأسماء من اليمين 
توب ، دي سونغ ، تييانغ ، جي دراغون ، سينغري 
:) اعملوا نفسكم ماشفتو شعر جي دي 
وتييانغ مااعرف ايش مشكلته مع تغطية الوجة دي :/ غباء 
الباقين مرتبين ^_^ بس دي سونغ لابس كرفته حفلللللله ههههههههه


عياااااالي ^_^ 
Exo 
انييييييقيييييين بالسوتز ^^ 


فرقة 
Sistar
عادية ملابسهم :/ هيورين اللي بالنص احلى وحدة 


عضوتين سنسد 
عااااااااادية مرررررررره 
اتوقعتهم يختارون شي أفخم بس ماااش 


A pink 
ماقلتلكم جميلات ونعومات بس مالهم في اللبس الحلو 
كلها ما عجبتني ماعدا اللي في النص يعتبر مقبول نوعا ما 


فرقة 
2ne1 
طعمونات بس العادة لبسهم احلى 
بالذات ثاني وحدة من اليسار اسمها 
CL 
ايقوووووونة في الأزياء والأناقة :/ بس اختيارها اليوم عادي مو ذاك الزود


ام الريش ذي حقها من ينتفها :/ 



نعوووم بس عاااادي 


الولد أنيق طبعاً
البنت نعومة وجميلة بس فستانها مكبرها مررررررره 
وموديله مستهلك بقوووة


ياااعيني عالاناقة ^_*


حبييييت الكوت :( 


ليييييش ليييييش ياجميلة
الفستان ذا من عام جدتي وخلااااص مغبر 
بس مو مشكلة وجهك يشفع لك 


قماش رشات السكر ولا مااعرف ايش اسمها :"( ليش ليش يعني 
جاية حفل الماما بدا الشي


حبااااايبي ^_^ 
طبعا كل من يتابع برنامج رانينغ مان يعرفهم ^_* 
انيقين الاثنين 


حلو ونعوم بس مدري احس فيه شي غلط 


العصلا ذي :/ عالقروش اللي عندها ماعرفت تختار شي تريندي شوية 
يعني البيبلوم بدأت تروح موضته :/ والشنطة باااااااايخة


ترابل ميكر
هيونا وهيوسونغ 
هيونا جميل لبسها
بس هيو سونغ متحمس بالشورت البايخ اللي لابسه


هذولا أجانب 
حبيت البدل الرسمي


طبعا انتهى الحفل بفوز الحلوين اكسو بأقوى جائزة 
Album of the year 
Exo - XOXO 




اللي تابعوا الحفل يعرفون ليش سيهون غمض عيوووونه ههههههههههههههههه

وووووووووبس 
^_^ ادري اني حوستكم بالكي بوب بس عشقي عشقي مااقدر أفوته 

لا تنسوا تتابعوني على تويتر وانستغرام 
@zekraalsolami 

Love
XOXO 

Wednesday, November 13, 2013

mixing prints " دمج النقوش والطبعات

السلام عليكم "

كيفكم حبوبات ^^ 
قبل اي شي ياريت تعذروني ع تقصيري الفترة دي في التدوينات :"( بس مضغوطة شوية بالعمل والجامعة 

وعشان اعوضكم عن التقصير دا جايبتلكم الاسبوع دا كم تدوينة من العيار الثقيل ^_* 

طبعا مع دخلتنا عالخريف والشتاء نزلت تريندز جديدة ^^ واكيد رح تعجب كثييير 

اليوم رح اتكلم عن دمج النقوش والطبعات 

ادري الموضوع يبغاله جرأة حبتين ^_* عشان كدا رح تشوفوا معايا ابسط الطرق عشان توصلي للوك وستايل ناعم ويناسبك بدون زحمة ولخبطة 

انا شخصياً لازلت اعتبر دمج النقوش صعب 
واتردد كثييير قبل اختيار القطع
لأنو ممكن بأختيار واحد توقعي في خطأ فاشوني فادح <<< اتحمست شوية 

المهم ^^
كلنا اتعودنا اننا نستخدم قطعة وحدة مشجرة وتكون هيا الستيتمنت او القطعة البارزة و الملفتة في اللوك 
ونحاول قد مانقدر نخفف اكسسوارات ونستخدم الوان محايدة وطبيعية في بقية اللبس 

رح اقولكم خلونا نختار بدل القطعة اثنين ^_* 

" نقوش متماثلة "


مثلا عندك جاكيت مشجر 
نسقي معاه بنطلون مشجر كمان بس بنقشات اصغر 
ولا تنسي تراعي تناسق الالوان بينها 
واكيد رح اقولك اختاري قميص او تي شيرت سادة وبلون ناعم ومحايد عشان ما نسوي زحمة 
او
ممكن تعتمدي القطع المنقطة بس تكون بأحجام مختلفة او الوان مختلفة 

" الوان متماثلة "


لو كنتي ماعندك جرأة لسا انك تخلطي النقوش
جربي تختاري نقشتين مختلفة لكن بنفس اللون
او عالاقل تكون وحدة منهم فيها من الوان الثانية 
وابعدي عن النقوش اللي فيها اكثر من لونين 

" الوان محايدة " 


بالنسبة للمبتدئة ^^ 
اختاري نقوش بالأبيض والأسود 
او الوان ترابية وهادية 
واختاري الكلتش او الاكسسوار بلون صارخ عشان تكسري النقوش 
رح تكوني في السيف سايد ^_* 

تحت رح تشوفوا مجموعة لوكات وتنسيقات 
اجتمع فيها اكثر من برنت 


حبيت دمجها للفلورال وبرنت الفراشات ^_^ كيوت 


غريبة وجريئة 
لفتتني بس مااتوقع عندي الجرأة اني البسها 


كمية روووقان ^_^ 


لاحظوا انو الشورت فيه من الوان القميص والبلايزر


التايقر برنت والستريبس شي جمييييييل مع بعض 
ماقد اتخيلتها تجي بالشكل دا 
ودخلت عليهم اللون الاحمر ^_^ شي روعة 


جرررررريء جداااااا
لكن لا تقولوا مو راكب على بعض :) 


شي اليقنت على جريء على كل شي 
بالنسبة ليا مااتوقع اسويها 
لكن ماانكر انها تعجبني 


كيوت وألوانه متقاربة 


هنا نلاحظ انو الدمج جاهز ^_* 
ستريبس وفلورال وكمان منقط 


التايقر برنت مع الستربس تاني 
هنا اعتمدت الالوان الترابية للدمج بين البرنتز 
وطلع راااايق


بعض النظر عن زحمة الاكسسوارات 
شوفوا اللبس بس 
جميييييييل 
مااعرف كيف اختارت التايقر مع الفلورال بس نجحت 


كلاااااااسي
ولون الكلتش كسر الوان البرنتز وأبرزها 




ان شاء الله اكون أفدتكم ولو بشي بسيييييييط ^_^ 
ولا تنسوا تقولولي رايكم 
ولو حبيتي الترند دي ولا لا ^^ 
والاحلى لو انكم ترسلولي تنسيقاتكم
وطريقتكم في دمج البرنتز ^__^ 

تابعوني على تويتر وانستغرام
@zekraalsolami

Love
XOXO