السلام عليكم "
كيفكم بنات ؟؟
وأخيرا أخيرا نزلت هالبوست اللي المفروض ينزل قبل اسبوعين بالتعاون مع المدونتين الجميلتين
Cloud9 + NMS Fashion
رح انزلكم لينكات بوستاتهم بآخر البوست ^_*
زي منتو شايفين البوست مقسم لثلاث اجزاء
وصفات
DIY <<< أعمليها بنفسك
وأخر شي مستلزمات الصيف
يالله نبدأ بالوصفات :
flavored iced tea
شاي مثلج منكة
المقادير :
شاي + سكر
عصير من اختياركم
أنا اخترت برتقال
مجموعة فواكة من اختياركم
انا اخترت : رازبيريز - بلو بيريز - بلاك بيريز
نعناع
الخطوات تحت بالصور
واعتقد انها ماتحتاج شرح
اخلطوا كل شي مع بعض وبس ^_^
وهذذذذي هي النتيجة
آيس تي لذيذ وباااارد ^_^
************************************
الوصفة الثانية
fruits icecream
أيس كريم الفواكة
ابسط من البساطة نفسها
المقادير :
عصير من اختيارك << انا اخترت برتقال
فواكة من اختيارك <<< أنا اخترت : رازبيريز - بلو بيريز - بلاك بيريز
قوالب ايس كريم
والطريقة سهلة والصور تشرح نفسها
حطي الفواكة في القالب وصبي فوقها العصير وفرزنيها 4 الى 5 ساعات
وبس
وهذذذي النتيجة
لذيذ وصحي
فكرة حلوة للأمهات عشان يبسطوا اطفالهم وبنفس الوقت يخلوهم ياكلوا فواكه
**************************
دحين جاء دور الاعمال اليدوية ^_^
أول حاجة جدا بسيطة زي كل ثاني في هالبوست ^_^ أعجبكم أنا ..
زيني كوبك
كل اللي تحتاجينه هو كوبك المفضل
ومجموعة مناكير بألوانك المفضلة
أنا اخترت مجموعة ألوان باستيل
وردي - تيفاني - لافندر
وأبدأي طرطشي بكل لون دار مايدور الكوب
وبببببس
وهذي هي النتيجة
تقدري تكثري أو تقللي الالوان
وتوزعيها بالطريقة اللي تحبيها
انا فضلت الخطوط الصغيرو وبشكل خفيف
************************
ثاني عمل
أعملي لوحك الصيفية بنفسك
اختاري البرواز اللي يعجبك
وصور منوعة من حبيبنا جوجل
أ, لوكنتي شطورة بالرسم
ارسمي لوحتك بنفسك
بالنسبة لي حبييييت رسمة الاناناس
خصوصا انو الاناناس ترمز للصيف بشكل ممتع ومشهي
وثاني رسمة اخترتها هي برنت الزيك زاك بألوان نيون وصيفية
***************************
آخر قسم بهالبوست هو مستلزمات الصيف
كل وحده لها مستلزمات مختلفة عن الثانية بس حتكلم عن الاساسيات عندي
أول حاجة طبعا طبعا تختص بالمكياج ^_^
موسم الصيف احس انو هو الوقت البيرفكت لاستخدام الالوان القوية والفاتحة في الايشادوز
بالنسبة لي اعشق هالباليت من بي اتش
اسمه
تيك مي تو برازيل
كمان بالصيف كلنا نحب نستخدم الوان نيون وقوية للشفايف
هاللونين من المفضلات عندي الفترة اللي فاتت خصوصا لفترة النهار
طبعا ماننسى المناكير ^_^
احب المناكير بالالوان الصارخة خصوصا مع التان ^_^ مووت مووووت
بالنسبة للسكن كير
بليز بليز اهتموا بالسن سكرين
حرارة صيفنا ماتمزح فلا تستظرفوا معاها
وطبعا مايحتاج اقولكم عن الديودرنت ^^
بس اهتموا فيه زيادة هالفترة بعد كل شاور << وكثروا الشاورز بليز ^_^
كلنا نحب التان بالصيف
بس ساعات مايمدينا نتشمس او نستعمل فيك تان وسالفة طويلة عريضة
هالبرودكت من فيكتوريا سيكرت روعة للمناسبات
يعطي لمعة برونزية ولمعة سكسية ^_^
بس مشكلته مو ووتر بروف :( ولو جات عليكي موية رح يختفي
بس للاحتياط بخي عليه سبراي ..
آآآآآآآخر شي لا تنسوا تختاروا اكسسوارات فرايحية والوان صارخة وقوية ومنعشة في الصيف
**************************
وبس بكذا اكون خلصت البوست
وهذي لينكات البوستات اللي عملوها الجميلات نورا وسارا
طبعا هما سبقوني ونزلوا بوستاتهم :
NMS Fashion
what's in my beach bag
+
Cloud9
***********************
ولا تنسوا تتابعوني على تويتر وانستغرام
@ZEKRAALSOLAMI
No comments :
Post a Comment