Sunday, July 14, 2013

صينية المعكرونة بالدجاج والخضار في الفرن ^_^ وصفة سريعة وسهلة

السلام عليكم "
كيييفكم حبوبات ؟؟؟
كيف رمضان معااكم ؟؟
أمس حطيت صورة صينية المعكرونة بالدجاج والخضار عالانستغرام
وقلتلكم انو ان شاء الله حتلاقوا الوصفة على مدونتي في الليل
لكن أنشغلت شوية لأننا طلعنا مكة نآخد عمرة بعد التراويح ولا رجعنا البيت الا الساعة 5 الفجر
ومررره ماكان فيهوقت
عشان كدا قلت أحطها اليوم قبل الفطور للي حابة تطبقها وتحضرها على سفرة اليوم ^_^
نبدأ بالمقادير
معكرونة : أي نوع تحبيه أنا أحب المبرومة دي
خضار مشكلة ( مجمدة أو طازجة ) زي ماتحبي
كريمة طبخ
مشروم أو فطر زي مايسموه البعض
بروكلي أو اسمو قرنبيط
بصلة و فصين ثوم
دجاج أو لحمة مفرومة
جبنة سائلة
مايونيز
علبة قشطة حجمها وسط
جبنى موزوريلا
وبهارات من أختيارك 
الخطوات تحت بالصور حبة حبة وبالتفصييييييييل

نسلق المعكرونة لمدة 10 دقايق تقريبا
ولاتنسوا تحطوا شوية زيت زيتون وملح

ونسلق الخضار بين 6 و7 دقايق
بعد كدا نحط شوية زيت زيتون
ونحط فوقه بصلة كبيرة مقطعة شرائح رفيعة
ونقلبها شوية لحد ماتذبل وبعد كدا نفرم فصين الثوم ونحطها فوقه
نضيف الدجاج فوقه الكشنة ونقلبه دقيقتين ع نار هادية
بعدين نرش شوية ملج وفلفل أسود
وأي نوع بهارات تحبيه
بالنسبة ليا أخترت البهارات الايطالية
وأضفت كمان كم حبة صنوبر
^_^ 
دايما أشوف ماما تحطه بلحمة السمبوسة ويعجبني
بدا الوقت تكون خضارنا انسلقت
ونحطها عالدجاج ونقلبها شوية
وكمان نحط فوقهم المشروم والفلفل الرومي والبروكلي
وبعد مانقلبهم على نار هادية مدة خمس دقايق
نضيف شوية كريمة طبخ وشوية من موية المعكرونة المسلوقة
تقريبا مقدار كوب صغير
ونغطيها ونخليها تطبخ لمدة 5 أو 6 دقايق على نار متوسطة الى هادية
نصفي المعكرونة ونحطها بصينية ونحط فوقها خليط الدجاج والخضار
ونخلطهم مع بعض
بعد كدا نحط علبة قشطة وملعقتين كبيرة جبنة سائلة وملعقتين مايونيز
ونوزعها فوق المعكرونة ونتأكد أنو نغطيها كاااااملة
ونرش فوقها جبنة موزوريلا
خلييييييييييكم كريمين فيها
وحطوها بالفرن لحد ماتشقر من فوق
وبالهنا والعااااااااااااااافية ^_^
طعمة وخفيفة وسهلة
وشكلها حلو عالسفرة كمان ^_^
يالله ياقمورات طبقوها ووروني هيا على تويتر أو عالانستغرام
وأعملولي منشن بالصورة عشان اشوفها
@zekraalsolami
يالله تقبل الله صيامكم وقيامكم
ولاتنسوا تدعوا وتتصدقوا وتعملوا كل شي طيب في هذا الشهر الكريم
^_^
أحبكم
Love
XOXO

2 comments:

  1. يمييي شكلها مرا يشهي ,
    والحلو انو مرا بسيطة ,


    تسلم يدينك ياحلوتي :*

    ReplyDelete
  2. نايسسسسس اليوم كنت محتاره وعملت فتوشيني لو شفتها فبل كان سويتها ان شاء الله مره ثانيه

    ReplyDelete