السلام عليكم "
كيفكم بنات ؟؟
بوست اليوم يعتبر جزء ثاني لآخر بوست عملته اللي يتكلم عن روتين الفاونديشن تبعي
هالمره حتكلم عن روتين الفاونديشن تبعي للسهرات اللي بطبيعة الحال حيكون أثقل وفلولس أكثر
أو شي بالنسبة للسهرات أفضل أستخدم برايمر ثقيل وستيكي أكثر
عشان يضمن لي ثبات الفاونديشن بشكل أقوى
حاليا ومن فترة متعلقة ببرايمر بنفت ستاي فلولس
مشكلته الوحيده أنك تحتاجي تشتغلي معاه بسرعه عشان ماينشف ويكتل الفاونديشن
بعد كدا خطوة الكوريكتر اللي سبق وشرحتها في البوست اللي قبل
انا استخدم كوريكتر ماك ستوديو فينش واوزعه بفرشة الكونسيلر من إلف على المناطق الغامقة يعني مكان الهالات
واحيانا جوانب الشفايف
وهالشي يمنع أنها تقلب رمادي لما يتحط فوقها الفاونديشن أو الكونسيلر
بعد كدا أستخدم الفاونديشن وحاليا للسهرات أحب استخدم فاونديشن ايستي لودر دبل وير
اتكلمت عنه في مفضلاتي هنــا
وأوزعه بالبيوتي بلندر بتكنيك الطبطبة
تغطيته فل كفرج والفينس حقته سيمي مات يعني مو مطفي تماما
والاهم من كذا أنه ثااااااااابت مايتحرك من مكانه
طبعا ماننسى الكونسيلر
في المناسبات او في الخرجات المهمة أحب استخدم كونسيلر ماك برو لونغ وير
اول شي فل كفرج ومايخطط معايا تحت العين ويضوي المنطقة لاني مختارة درجة افتح من درجة الفاونديشن مرتين
وطبعا أوزعه بالطرف المدبب للبيوتي بلندر
بعد كذا أثبت الكونسلير بتكنيك البيكنق اللي حكيتكم عنها في البوست اللي فات
وأخلط هالنوعين من اللوس باودر
سي سي لوس باودر من ماك لونها اصفر + البنانا باودر من بن ناي
اخليهم عالمناطق اللي حابة اضويهم بوجهي لمدة ماتقل عن 15 دقيقة <<<< الوقت اللي أخلص فيه مكياج عيوني
وبعدين انفضها بخفة بالفرشه الناعمة دي من كوستال سنتس
واثبت بقية وجهي ببودرة ستوديو فكس من ماك
تعطيني تغطية زيادة وتثبت الفاونديشن
بالنسبة للبروزر أعمل نفس الشي زي مكياج النهار بس أثقل يدي شويا هالمره وأركز الكونتور عشان يبين مع الاضاءات القوية
بالنسبة للإضاءات
أستخدم اضاءاتي المفضلة للسهر اللي هي
ماري لو من ذا بالم - غلوبال غلو من ماك - اضاءة فلورمار
كلهم حلوين بس درجاتهم تختلف وأختار اللي يناسب لبسي وبقية مكياجي هذاك اليوم
وأوزعهم بالفان برش من كوستال سنتس على المناطق البارزة بوجهي
آخر شي أبخ كم بخة من فكس بلس عشان يدمج كل شي مع بعض ويعطي البشرة إضاءة صحية
وبعد بوشة أبخ كم بخة من مثبت المكياج من أربن ديكاي عشان يضمن ثبات مكياجي بشكل أكبر
ووووووووووووووووووووووووبس ^_^
Love
XOXO
No comments :
Post a Comment