السلام عليكم "
كيفكم بنات ؟؟
تديونة اليوم أكثر تدوينة إنطلبت مني ، وأكثر سؤال إنسألته من يوم مافتحت المدونة ..
أيش الفاونديشن تبعك ؟؟ وكيف تحطيه ؟؟
قبل كل شي بوضحلكم نقطة
دايما أقولكم مافي شي اسمه أفضل فاونديشن ومو ضروري إذا شفتي فاونديشن حلو على أحد معناته حيطلع حلو عليكي انتي كمان .. يمكن ما يناسب بشرتك ونوعها ويمكن تتحسس بشرتك منو ..وغيرها كثير ..
أفضل فاونديشن هو اللي يناسب بشترتك واحتياجك .. يعني اللي بشرتهم دهنية غير اللي بشرتهم جافة .. واللي يبغوا فينش مطفية غير اللي يبغوا فينش ديوي أو غلوي ..
أبحثي بنفسك وجربي جربي جربي .. أبدا لا تاخذين فاونديشن بدون ماتجربينه مرة واثنين ووتتأكدين انو الدرجة والتركيبة مناسبتك ..
اليوم بوريكم روتين الفاونديشن تبعي للنهار ..
مو ضروري يكون يناسبك أو تحتاجيه بكل المنتجات والخطوات
كل وحده براحتها أنا شخصيا أفضل أعمله بهالطريقة لأنها الانسب لي .. يمكن بنات رح يشوفونه توو متش بس أنا إنسانة استمتع بالميك آب وأستمتع بكل خطوة من خطوات الميك آب .. وأحب لما أحط شي يكون كامل وبيرفكت ..
اذا انتي تحبين الخفيف تقدري تختصري الخطوات ^_^
أول شي أبدا بوجه نظيف وأكون حاطة المرطب وكريم العيون وواقي الشمس
أبدأ بالبرايمر وهالخطوة ضرووورية
لأنو البرايمر أو شي يحمي البشرة من الفاونديشن لأنه يكون طبقة عازلة بين البشرة والفاونديشن
غير أنو يثبت المكياج أطول فترة ممكنة ,, ويعبي المسامات والخطوط عشان يعطي سطح أملس وناعم
هالخطوة مو ضرورية للكل بس أنا أعتبرها اساسية لأنو عندي الهالات السوداء غامقة شويا ومااحب الكونسيلر يقلب رمادي
عشان كدا اوزع طبقة خفيفة من كوريكتر ماك ستوديو فينش بفرشة الكونسلير من إلف
بعدها أوزع الفاونديشن بالبيوتي بلندر بتكنيك الطبطبة
حاليا فاونديشني المفضل هو لوريال ترو ماتش اللي في العلبة القزاز <<< للأسف مو متوفر بالسعودية الا بكم محل بالرياض بسوق طيبة
أنا اطلبه أون لاين
أتكلمت عنه في مفضلاتي من قبل هنـــــا
بعدها أبدأ اوزع الكونسيلر
وهالفترة أنا أروح وأجي بين هذولا الاثنين
مايبلين فيت مي - إل آي غيرل برو كونسيل
كلهم أحبهم وكلهم خفيفين لكن تغطيتهم مرررره حلوة
أوزع الكونسيلر تحت عيوني على شكل مثلث وعلى نص جبهتي بين الحواجب وعلى جسر الانف وقوس الشفة والذقن
القصد من هالحركة أني اعمل هايلايت خفيف للمناطق البارزة أو اللي ابغى ابرزها بوجهي
وبعدها أوزعه بجهة البيوتي بلندر المدببة بطريقة الطبطبة
وعلى طول أثبت الكونسيلر بلوس بادور
أنا من فترة أحب استخدم تكنيك البيكنق أو الكوكينق <<<< رح أعملكم بوست كامل ومفصل عن هالتكنيك
رح اشرحلكم الطريقة ببساطة
البيكنق هو انك تحطي طبقة كثيفة من اللوس بادور عالمناطق اللي حابة تضويها بوجهك بالاسفنحة وتخليها لمدة 10 دقايق تقريبا وبعدها تنفضيها بخفة بالفرشة
زي كدا
وهالشي يخلي الباودر تذوب من حرارة الجسم وتمسك في البشرة وتعطي نعومة وغيرها من الاشياء الحلوة ..
بعد كدا أوزع برونزر خفيف وحاليا استخدم برو برونز فيوجين من ميك اب فور ايفر
والحلو في هالبرونزر انه مضاد للماء والتعرق ولونه ناعم مو قوي ويعطي إضاءة للبشرة
أول شي اوزعه بفرشة كبيرة ( اللي عاليسار ) على جوانب وجهي عشان يعطي دفا بدل مايكون فلات ولون واحد
وبعدها اوزعه بطريقة مركزة بفرشة اصغر ( اللي عاليمين ) تحت عظمة الخدين
وطبعا ما أنسى الاضاءة
أنا دايما أحب وجهي يكون غلوي وهايلايتد
بالنهار احب استخدم هايلايترز خفيفة وهادية
وهذي هي منتجاتي اللي استخدمتهم بكثرة الفترة اللي فاتت
هايلايتر اتش اند ام - هايلايتر سائل من نيكس - هايلايتر كريمي من بودي شوب
الباودرز احب اوزعهم بالفان برش من كوستال سنتس
اما الكريمية والسائلة احب اوزعهم بأصابعي بطريقة الطبطبة
وآآآخر شي محبوبي فكس بلس من ماك
احبه لانه يعطي لوك ديوي خفيف وصحي للبشرة بدون مايدهنها
وبنفس الوقت يثبت المكياج
ووووووووووووووووووووووبس
هذا كان روتين الفاونديشن تبعي للنهار
والبوست الجاي حيكون عن روتين الفونديشن تبعي للسهرات ^_^
خليكم في الانتظار
لا تنسوا تتابعوني على تويتر وانستغرام
@zekraalsolami
وسناب شات
zekraalsolami1
Love
XOXO
No comments :
Post a Comment