DIY Sparkly Flat

السلام عليكم "

اليوم البوست

DIY : DO IT YOURSELF

بالعربي ( سويها بنفسك ) أهم شي الترجمة الحرفية

وهذا الشي مو من بنوتات أفكاري ولا شي

الطريقة دي عملوها بنات كثير

بلوقرز اجانب وعرب

يعني الفكرة منتشرة ومو من أختراعي

عندي أكثر من فلات قديييمة بقوووووووووة

يعني أشياء لها سنتين وثلاث مخزنة عندي ^_^

المهم طلعت واحد منها وقلت أغير فيه

وهذي الأشياء اللي أستخدمتها

ألوان قماش + غليتر + غراء أبيض + فرش اسفنجية

دحين نبدأ بالخطوات

أول شي نجهز المكان ونحط تحتنا جريدة أو سفرة أو اي شي عشان مانعدم الأرض

 بعد كدا ننظف الفلات من القطع الزايدة اللي فيه والغبرة وكدا

 دحين رح نبدأ نلون الفلات ^_^ أنا أخترت اللون الأزرق

وعشان الفلات أسود رح أضطر أحط طبقة باللون الأبيض عشان يبان اللون الأزرق فوقها

 وهذا شكله بعد أو طبقة باللون الأبيض نخليها تجف لمدة ساعة أو اقل شوية

وممكن تستخدمي مجفف الشعر عشان الوقت ^_^

 دحين حطيت طبقة باللون الأزرق

وزي ما أنتو شايفين محتاج أكثر من طبقة عشان يبان اللون صح ومرتب

 هنا بعد 3 طبقات

طبعاً أنا ما أهتميت بالمساحة اللي قدام لأني رح أغطيها بشي تاني

 دحين رح أحط شريق لاصق على المساحة اللي أبغى أغطيها بالغليتر

عشان يكون شكلها مرتب ومتساوي

ورح أبدأ أحط الغراء الأبيض

 بعد كدا رح أستخدم الغليتر وأنثره على الغراء الأبيض وأربت عليه بخفة بطرف أصباعي عشان يثبت

 هنا بعد ما غطيتها كلها بالغليتر

أخترت الذهبي لأنو أغلب أكسسواراتي ذهبية

بالرغم من أنو الفضي أحلى مع الأزرق ^_^ بس معليش

 دحين نجي للإكسسوار اللي نزلته من الفلات من البداية

حبيت أستخدمه عشان يعطي لمحة أنثوية ^_^

 وغطيها بمناكير غليتر ذهبي ^_^

 هنا بعد مانشفت وشلت عنها الشريط اللاصق

 بعد كدا أضفت ملعقتين موية + ملعقتين غراء أبيض وخلطتها عدل

بعد كدا غطيت الفلات كله بالسائل هذا عشان يعطيها نهاية زجاجية خفيفة ^_^ وما يتناثر الغليتر

 هنا بعد مانشفت ^_^

 بعد كدا أضفت لها الفيونكات ^_^ ووووووووووووبس

هذا شكلها النهائي

شي نعوم وكيوت وحمسني أسوي شي تاني كمان

 ^_^

أهم شي رجل جوري

هههههههههه لازم العروض

LOVE

XOXO