مثبتات المكياج " makeup sitting sprays

السلام عليكم "

كيفكم جميلاتي ؟؟

اليوم البوست سريع وخفيف 

حتكلم لكم بشكل سريع عن افضل مثبتات الميك اب بالنسبة لي << ركزوا بقول بالنسبة لي .. يعني ممكن اللي يناسبني مايناسب وحده فيكم .. -

اول شي الميك اب ميست من توني مولي : هذا مهمته الاساسية مو تثبيت المكياج ✋🏼 مهمته انو يعطي لوك ديوي مررره ويدمج الباودرز اللي عالوجه فمايبان مغبر .. انا شخصيا مررره احبه لانو بشرتي جافة واحب اللوك الديوي او الرطب .. -

ثاني شي فيكس بلس من ماك : هذا شي استخدمه بشكل يومي تقريبا .. ثباته متوسط يعني مو شي اقدر اقول انه واااووو بيخلي مكياجك زي ماهو طول اليوم .. كمان يساع في تخفيف اللوك الباودري .. -

ثالث منتج هو مثبت المكياج من اربن ديكاي : هالشي هو اللي اقدر اقول انه يثبت من قلب .. ثباته قوي وينفع للسهرات .. يمنع الفاونديشن من انو يدهن ويخفف اللوك الباودري زي اللي قبلهم .. -

رابع شي مثبت المكياج الديوي من نكس : اوكي ماانكر اني حبيته فتره بس بعد ماجربت تبع توني مولي صفيت هذا على جنب .. بس ترى مايمنع انو منتج جيد .. مايعطي لوك ديوي واضح ورطب لكن بنفس الوقت ماهو مطفي .. -

خامس منتج هو اخو اللي قبله 😁 المثبت المطفي من نكس : كمان حلو لكن قليل استخدمه .. نسبة ثباته متوسطة واقل من المتوسطة شوي .. وميزته هو واللي قبله انو اسعارهم معقولة .. -

اخر منتج هو الميكاب ميست من إلف : نسبة ثباته مرررره قليلة .. وبصراحه كأنك تبخين مويا ع وجهك .. يمكن الحسنة الوحيدة فيه انو يخفف اللوك الباودري .. -

طبعا السوق كله مثبتات مكياج .. بس ضروري تبحثي قبل ماتشتري عشان تعرفي احتياجك وتشتري بناء عليه منتج يناسبك 👍🏼😁 -

وبس 💕💕