Friday, December 11, 2015

Makeup Forever Ultra HD Review " ريفيو فاونديشن ميك اب فورايفر الترا اتش دي

السلام عليكم "

كيفكم جميلاتي 

اليوم البوست حيكون ريفيو عن فاونديشن ميك اب فورايفر الترا اتش دي
Makeup Forever Ultra HD


طبعا حطيتلكم هالتقرير بعد تجربة اكثر من شهرين


اول شي خلونا نشوف ايش هي مميزات الفاونديشن اللي مذكورة في موقعهم

فاونديشن بقوام سائل ، يَخدم مَظهر البشرة بتصوير الاَفلام و يعتبر اول فُونديشن يتماشى مع ثَورة او تقنية
الـ 4K
هالتقنية بالتَصوير عبارة عن دِقة قوية مضاعفة تجعل تفاصيل البشرة من مسام وعُيوب ظاهرة ! فـَ ميك اب فور ايفر يقولون ان فونديشنهم يَضمن لكم البشرة الاِنسيابية الخالية من تفاصيل المسام بنوع هالتقنية! …
تغطيته خفيفة الى متوسطة وقابلة للبناء

~~~~~~~~~~~~~~~~~~~~~

ايجابياته
* درجاته كثيرة ومتنوعة ( ٢٦ درجة ) ..


* خفيف عالبشرة ولا يبين انه كيكي او مكتل عالبشرة ..
* نهايته ديمي مات ( بين الديوي والمطفي ) يعني يعطي لوك ناتشورال وطبيعي ..
* ثباته فوق ٦ إلى ٧ ساعات ..
* بالرغم من انه خالي من الزيوت لكن يرطب البشرة ..

~~~~~~~~~~~~~~~~~~~~~

سلبياته

* يعكس الفلاش ..


* اذا بشرتك فيها عيوب واضحة فتغطيته ماتكفي وتحتاجي كونسيلر لمناطق معينة ..
* غطاء الباكيج ابدا مو ثابت وممكن يطيح ويضيع ..

~~~~~~~~~~~~~~~~~~~~~

نجي لطريقة اختيارك للدرجة المناسبة لكي ولأندرتونك


زي منتو شايفين الاندرتونز مقسمة لدرجتين ( احمر واصفر )
اللي فوق اصفر واللي تحت احمر او وردي

انا بالنسبة لي درجتي في ماك NC37
ودرجتي في الاتش دي القديم 127
ودرجتي في الالترا اتش دي Y335


~~~~~~~~~~~~~~~~~~~~~

سعره ٢١٠ ريال
تلاقونه في سيفورا وفيسز وبوتيكات ميكاب فورايفر
طبعا زي كل مرررره حقولكم لا تروحوا تشتروه دايركت
خذولكم عينه وجربوها عشان تتأكدوا اذا الدرجة مناسبتكم
واذا حبيتوا الفاونديشن روحوا خدوه

ووووووووبس


Love
XOXO

3 comments: