طرق استخدام الاضاءة السائلة " how to use liquid highlighter

السلام عليكم " 

كيفكم بنات ؟؟

اليوم البوست إجابة لأسئلة كثييير بنات ^^ دايما بتلاحظوا لما بحطلكم منتجات اللوكات اللي أعملها يكون من ضمنها الاضاءة السائلة ( نيكس - ريفلون - نارس ) 

فكثير بيسألوني كيف بستخدمها .. وبالرغم من قلت الطرق أكثر من مره بس الا ما تطلع بنوتة تكون إما جديدة أو فاتها الشرح في سناب .. عشان كذا قلت أحطها لكم هنا أضمن وإختصارا للوقت .. 

راح أعرضلكم اليوم 3 طرق مختلفة لاستخدام الهايلايترز السائلة 

وكل وحده فيكم تحتار اللي يناسبها ويناسب بشرتها ..

أول طريقة : دمج الاضاءة السائلة مع الفاونديشن 

غالبا هذي أكثر طريقة استخدمها لأني أحب اللوكات الديوي اللي تكون البشرة فيها شوية لمعة >> مو غليتر لا لمعة ناااعمة منها وفيها .. ومااحب استخدم فاونديشن يكون سوبر ديوي لأنو غالبا يخطط معايا ..

فأيش أعمل ؟؟ أحط من 3 إلى 4 نقطة من الاضاءة السائلة مع الفاونديشن وادمجها عدل وبعدها اوزعها على بشرتي بالبيوتي بلندر >> طبعا تقدري توزعيها بأي طريقة أنتي تفضليها سواء سبونج أو برش ..

وووبس ^_^ حتلاحظوا أنو فيه لمعة بسيطة من نفس الفاونديشن مهي طبقة منفصلة .. 

******************************

ثاني طريقة : توزيعها تحت الفاونديشن 

هالطريقة كمان حلوة للي يبغوا إضاءة بس تكون خفيفة جدا ..

هالتكنيك رح يعطي إيحاء بأنو بشرتك هي اللي هايلايتد وتضوي تحت الفاونديشن 

كل اللي عليكي تعمليه أنك توزعي طبقة خفيفة من الهايلاتير على بشرتك بالتساوي بعد ماتوزعي البرايمر 

وفوقها حطي الفاونديشن تبعك بالطريقة المعتادة ..

**************************

ثالث طريقة  : توزيعها على المناطق العالية بالوجه بعد توزيع الفاونديشن 

هالطريقة هي الافضل لصاحبات البشرة الدهنية لأننا ماحنوزع الاضاءة السايلة على كل الوجه 

يصير بعد ماتوزعي الفاونديشن والكونسيلر وكل شي كريمي تقومي تجيبي شويا من الهايلايتر وتبدأي تطبطبيه بخفه وبأطراف اصابعك على المناطق العالية بوجهك ( عظمة الخدين - فوق كسرة الحواجب - جسر الانف - قوس الشفة ) << هذي هي المناطق الاساسية غالبا بس كل وحده تقدر توزع المنتج بالطريقة اللي تناسب تفاصيل وجهها ..

أهم نقطة في هالطريقة أنك توزعي الهايلايتر السائل فوق الطبقات الكريمية بس اللي هي ( الفاونديشن والكونسيلر والكونتور الكريمي ) أبدا أبدا أبدا لا توزعي منتج سائل فوق باودر لأنو حيتكتل ويصير منظره بشع .. 

ووووووووووووووووبس هذي هي الطرق بالتفصيل 

**************************

طبعا متأكدة انكم حتسألوا عن أسماء الهايلايترز اللي بالصورة فوق وسواتشات لها 

بس ما تشيلوا هم مانسيتكم 

أول واحد تبع نيكس أسمه 

NYX Liquid Illuminator in Gleam

****************************

ثاني واحد من ريفلون 

Revlon Photoready Skinlights Illuminator

طبعا هذي سواتشات لكل الدرجات اللي عندي بس اللي بالصورة فوق هو برونز << أول واحد من اليمين

*****************************************

ثالث واحد من نارس 

Nars Illuminator

هذي كمان كل الدرجات اللي من نارس 

اللي عندي هو لاغونا << أول واحد من اليسار 

ووووووووووووووووووووووووووبس 

يارب تكونوا استفدتوا 

Love

XOXO