Tuesday, January 14, 2014

What's in my Travel Makeup Bag " محتويات شنطة مكياجي للسفر

السلام عليكم ^_^
كيفكم جميلاتي ؟؟

اليوم التدوينة حاولت قد مااقدر اختصرها وأخليها بسيطة وسهلة

حتكلم فيها عن المكياج اللي آخده معايا بالسفر ^_^
طبعا كلكم تعرفوا ادماني مع المكياج ^______^ وما يهون عليا أخد شي أو شيئين بس

ممكن كثير منكم يعتبرها مبالغة أو أني شايلة أكثر من اللزوم

وبالرغم من اني مستحيل احط فل ميك اب
او مكياج ثقيل 

بس بجد دايما بحاول قد ماأقدر أني آخد الاشياء اللي محتاجتها

سفرتي الجاية ان شاء الله رح تكون لــ كوريا
العاصمة سيئول - جزيرة جيجو

^_^ رح اقضي هناك 16 يوم
 يعني نص شهر ودي تعتبر فترة طويلة بالنسبة ليا
فأغلب اللي معايا بالشنطة رح اكون محتاجته مية بالمية

نبدأ بالشنطة ^_^




الشنطة الجميييييييلة دي من فورايفر ٢١
سعرها ٣٩ ريال 


هذا شكلها من جوا ^_^ كيوت مو ؟؟ 




صورة جوية لكل الاشياء اللي بالشنطة
ترى تشيلها الشنطة بالراحة مو زي العادة اقفلها بالغصب ^_^ 


اول شي أخذت الفاونديشنز دي ^_^ 
ريميل ستاي مات 
جميييييل ومطفي ^_^ حينفعني لاني رح اقعد بالميك اب فترات طويلة شوية 
وتغطيته ثقيلة 

والثاني بورجوا - هابي لايت 
طبعا من اسمه واضح ان تغطيته خفيفة
احتمال استخدمه للصباح او اخلطه مع فاونديشن ريميل 



الكونسيلرز
عجلة كاريولاين رقم ٤
اخترتها لانو فيها كوركتر او مصحح 
وفيها درجات كونسيلر متنوعة رح تفيدني كثير 

واخدت كونسيلر الف كمان الاحتياط لو حبيت شي خفيف


بالنسبة للباودر اخدت باودر أفون 
حاليا هيا المفضلة عندي بعد ريميل ستاي مات 
:( حتقولوا ليش ما أخدتي ريميل 
حقولكم مكسورة




باليت الحواجب من بي اتش 
محبوبي الشهر دا ^_^ 




بالنسبة للعيون
زي ماقلت لكم في البداية 
انا بالسفر مااحط مكياج ثقيل

لكن لازم اخد معايا باليت ملون ^_^ ممكن احط منو زي رسمه الايلاينر خفييييييفة جدا 

 اخدت باليت بي اتش اسمه موسكو 

واللي عاليمين باليتي المفضل للسفر والشنطة
باليت أفون 
ألوانه راقيه وخفيفة 


اخدت مايبلين كلر تاتو اللون البرونزي ^_^ 

وجل لاينر بني من براند ساشا
ثاااااااااابت ووتر بروف ^_* يفيد بالسفر 
واخترت اللون البني لانه ناعم ومايبين أوفر 




أقلام العين 
قلم بيج وبني من بيوتي كيس
قلم نيكس حاملو بنسل الأبيض
كحل ماكس فاكتور الاسود




البلاشرز 
^_^ في السفر احب استخدم البينك اكثر شي 
عشان كدا اخترت 
بلشر الف اسمه
Pink passion 

بلشر بورجوا
Rose amber

والعلبة الوردية ماركة يابانية 
بلشر كريمي 

وطبعا محبوبي باليت نيكد فلشد
حتقولوا ليش أخدتي نيكد مع البلاشرز دي كلها 
رح اقولكم عشان البرونزر والهايلايتر ^_^ خفيفة ومو زحمة ^_*




ماسكرتين مايبلين 


مثبت نيكس المطفي
برايمر الف ^_^




بالنسبة للفرش حاولت اخد اقل عدد ممكن 
واختصرتها بالفاونديشن برش 
والبلش برش
الفرشة الفلافي للكونسيلر من الف 
وفرشتين بليندنق 
وفرشة الحواجب
بالاضافة للكابوكي برش


بالنسبة للارواج فللمعلوميه انا اكره احط روج أوفر في السفر 
عشان مدا اخترت الالوان الناعمة دي 
ولما احطها بس اطبطب على شفايفي 
عشان تبين طبيعية 

الالوان من اليمين

ريميل - رقم ١٠٢
Ysl - No. 23
ريفلون - رقم ٠٠٣
ريفلون - رقم ٠١١

كمان اخدت ليب كريم 
امممممم زي الغلوس يتحول لمطفي

Nyx - Sydney 
Nyx - anwerp
حتشوفوا ألوانها بالصورة الجوية اللي فوق ^_* 




كمان ماانسى مرايتي المفضلة من فورايفر ٢١
غالبا حتكون بشنطة اليد مو في دي الشنطة 



وووووووبس ^_^



ان شاء الله يكون البوست امتعكم وعجبكم
لا تنسوا تتابعوني على تويتر وانستغرام
@zekraalsolami
عشان تشوفوا تفاصيل رحلتي لسيئول ^_* 



Love
XOXO

5 comments:

  1. ماشالله حاتروحي لكوريا خذيني معاك :$
    ماشالله الله يسعدك ويهنيك ياختي

    بالنسبه للميك اب انا اخذ لو انها سفره ابو يومين كذا احتياط واحيانا مااستخدمه زياده عدد
    بالنسبه للباليت تبع الشدو اللي يسار اضنو كوستال والا يشبه له؟

    تروحين وترجعين بالسلامه ياقمر

    ReplyDelete
  2. ترجعي بالسلامة ان شاء الله .. كمان ما في اي مبالغة رحلتك 16 يوم يعني ضروري رح تحتاجي هالاغراض

    ReplyDelete
  3. حسستيني انه مره مهمله نفسي
    مدري ليش لما اسافر سياحه ومع زوجي بس ما اتهم بالميك اب كثير بس روج وكحل وانتهينا ماقد حطيت شادو=( الله يسعدكم ي رب وسفره ممتعه بانتظار تدوينات الرحله مره متحمسة لها=)

    ReplyDelete
  4. ترجعي بالسلامه ياعسل
    بس حبيت اسئلك بخصوص علبه البلاشر اليبانية موجودة بالرياض ولا هي طلبية ؟
    ويعطيك الف عافية ع التدوينة الحلوة

    ReplyDelete
  5. Hi,
    I’m Rita Moudar , Project manager at Buzzeff Middle East,
    we are a social advertising platform and we are looking for bloggers who can participate to our clients campaign by seeding videos or publishing sponsored articles ,
    we pay 300 $ for 10,000 views and 100$ per article
    please contact me if you are interested and want more details,
    thank you,
    Website: http://www.buzzeff.com my email rita.moudar@buzzeff.com

    Rita Moudar
    Project Manager
    Mobile: +212 665340758
    Fixe: +212 522 232 840
    www.buzzeff.com

    ReplyDelete