Sunday, April 21, 2013

get ready with me " اتجهزي معايا

السلام عليكم "

كييفكم ياحلوات ؟؟
اليوم البوست حيكون
get ready with me
يعني أتجهزي معايا ^_*

يوم الخميس كنت رايحة على ملكة والموضوع جاء عالسريع
يادوبك نزلت عالسوق أخدت كم حاجة ورجعت اتجهز

رح أبدا باللبس ^_*

توب بيبلوم من الدانتيل لونه كريمي
ومشغول على خفيف
وتنورة سوداء سادة لحد الركبة



هيلز فوشيا ^_^ كيوووت مع اللبس


بالنسبة للأكسسوارات ماحبيت أكثر
خلخال وأسورة ناعمة
وخاتمين

نجي للميك آب ^_^


حضرت وجهي ببرايمر ماك
والأساس خلطت شوية من
REVLON colorstay
و
make up for ever HD
ووزعتها على وجهي بالستبلينق برش من ريل تكنيك

بعد كدا وزعت كونسيلر ميك آب فور أيفر
وثبته بلوس باودر من ماك

زبطت حواجبي ببودرة بودي شوب اللون البني
وعرضتها شوية
أحبها عريضة في السهرات عشان تبرو مكياج عيوني


بالنبة للعيون مسكت معايا أعمل سموكي آيز
وزعت برايمر اربن ديكاي
وبعد كدا حطيت لون
virgin
على عظمة الحاجب  ، ووزعت لون
buck
  على الكريس اللي هيا كسرة العين بالبليندنق برش " فرشة الدمج
وبعد كدا أستخدمت لون
creep
على الجفن المتحرك وبدأت ادمجه بخفة مع اللون اللي حطيته على كسرة العين


بعد كدا رسمت عيني بآلاينر ريفلون ورسمت عيني من جوا بالقلم الأسود
وركبت رموش كأنها طبيعية واستخدمت ماسكرا مكياجي وبرجوا للرموش العلوية والسفلية

بما أنه رسمة عيوني ثقيلة ماحبيت أحط بلاشر
وأعتمدت عالكونتور والهايلايت
وأستخدمت بورجوا ^_^ ووزعتهم بفرشة الكونتور من ريل تكنيك


بالنسبة للروج أستخدمت ميبلين
اللون فوشي وتركيبته مآآت " مطفي
روعة وثآآآبت رغم انه اول تجربة ليا بس حبيييييييته

بالنسبة للشعر كنت محتارة ودخلت عاليوتيوب ادور شي حلو وسهل
وطحت على دي التسريحة وسويتها

وحتلاقوا طريقة التسريحة هنــــــا

وأستخدمت الأكسسوار دا بدل الهيدباند


وووووووووبس ^_^

يمكن البوست طلع طويل حبيتن
لكن حبيت أعطيكم التفاصيل كلها

love
XOXO

10 comments:

  1. مره جمميل ونايس وحلو انك قدرتي تستعدي بالوقت القصير والضيق

    بس حبيت اسأل دايما ختام الأشساء يكتبو xoxo وش معناها ؟

    ReplyDelete
    Replies
    1. يسعدك يارب
      Xoxo يعني قبلات
      اممممم يعني بوسات هههههه

      Delete
  2. This comment has been removed by the author.

    ReplyDelete
  3. ماشاء الله لبسك جميل
    فين الاقي الكونتور دا تبع بوجوا عند سنتر بوينت
    وكم سعره ؟

    ReplyDelete
    Replies
    1. والله مو فاكرة السعر
      موجود في سنتر بوينت

      Delete
  4. الكونتور و الهلايلايتر ي،عسل من فين فجده و كمان ميك اب فورايفر التقيه في الدرقستور و باليت نيكد من فين و يعطيك الف الف الف عافيه ي،قلبي ♥

    ReplyDelete
    Replies
    1. الكونتور والهايلايتر من سنتربوينت
      وفاونديشن ميك اب فور ايفر ما يعتبر من الدرقستور تلاقيه في سيفورا وفافافوم
      وباليت نيكد من دبي بس ممكن يوفروه لك تاجرات

      Delete
  5. ما شاء الله
    جميل جداً ذكرى دخلت معك جوو
    حبيت الترتيب والأناقة ربي يحفظك ❤

    ReplyDelete
  6. ماشا الله مرة جميل اللوك و ناعم مرة

    عجبني التوب فاكرة من فين أخدتيه ؟

    يديكِ العافية ياعزيزتي

    bayanola.blogspot.com

    ReplyDelete