السلام عليكم "
كييييييفكم ؟؟
بصراحة خجلااااااانه منكم لأني أخرررت البوست الأخير من سلسلة رحلتي إلى كوريا :"(
بس معليش عدوها ليا
ترى التدوينة طووووووووووووووووووووووووووووويلة عشان كدا خلونا نبدأ على طول ^_^
حتكلم أول شي عن رحلة التزلج في منتجع جيسان
برى سيئول
هنا حتلاقوا معلومات عن المنتجع والاسعار والاوقات ووووكل شي
http://english.visitkorea.or.kr/enu/SI/SI_EN_3_1_1_1.jsp?cid=266904
أنا حجزت عن طريق موقع yeha tour
وأخترت دا الباكيج لمنتجع جيسان
http://seoul.yehatour.com/service/package/package.php?lang=eng&lcode=02&mcode=04&scode=05
يجيكي الباص للفندق في الوقت المتفق عليه <<< غالبا 6 ونص او 7 الصبح
ويروح معاكم مشرف او مشرفة هيا تتصرف في كل شي بس عليكم تتبعوها
ويقدموا درس تزلج للمبتدئين وبعدين يفلتونكم في المنتجع وترجعوا تتقابلوا في مكان معين وساعة معينة تكونوا متفقين عليها ^_^
المهم نرجع لجولتنا احنا ^_^
الساعة 7 ونص ركبنا الباص
هذا المنظر من محل تأجير الملابس
اخترنا ملابس التزلج <<< ايجار
عاد لا يفوتكم الاشكال والالوان ههههههههههه أناقة أناقة لا توصف
لا وبعد ماخلصنا لبس اكتشفت اني لابسة سروال رجال خخخخخخخخ
بس مشيت ولا كأني سويت شي
بابا المسكين :(
ماقدر يتحمل البرد قام رجع للمحل حق الملابس وأتقهوى هناك ونام عند الدفاية خخخخخخخخ
وأحنا انفلتنا في المنتجع وفريناه رايح جاي
لو سمحتوا لحد يكلمني ام السروال الفوشي خخخخخخخخخخخخخخ
هذا التدريب
الناس طالعين عالكيبل كار
محسوبتكم خافت تطلع
لأنو تحت في مكان التدريب صارت لي حوادث ولا أحسد عليها
باقي عاد اطلع فوق :/ والله لأرجع السعودية بدون رجول
بس عاد رجعنا الفندق الساعة 8 تقريبا تعشينا ونمنا لأننا مكسرييييييييييييييييييييييييين من قلب
***************
برج نامسان سيئول
هذا الحبيب هو اللي وصلنا لبرج نامسان
والصدفة الحلوة أنه كان يشتغل في السعودية ( الدمام ) سنتين
وبغى يتشقق من الوناسة لما شافنا على طول عرف اننا سعوديين
ياحليله قعد يحكينا كيف اشتغل هنا
وحافظ كلمة ( يلا شغل ) خخخخخخخ
ولما جينا ننزل حالف يتصور معانا
وصورناه مع بابا <<<< شوفوا كيف ماسك يد بابا خخخخخخخخخ
الجو كان جمييييييييل :")
الناس بعد تكتب وتركب في ذا الاقفال
والدنيا كلها حبايب
شف شف الحبايب في كل مكان :( ولا يحسون بالبرد عمن يعميهم
انا وخواتي كل وحدة تطالع في الثانية وتقول مالت على ذا الحظ خخخخخخخخخخ
أهم شي آثار السعوديين
هذا القفل قصته قصة خخخخخخخخخخخ
خليني احكيكم ^_^
حطيت صور بالانستغرام اننا في برج نامسان
قام على طول اخوي دق عليا يقول بسرعة جيبي قفل وأكتبي عليه ( فارس + فلوس ) خخخخخخ
الأقفال دي المقصود منها انو ينكتب اسم الحبيبين ويقفولها في البرج ورح يبقون طول عمرهم مرتبطين مع بعض <<<< خورافات
عاد اخوي يقول وش دراك يمكن الحظ يمشي هالمره ههههههههههههههههههههههههههههههه
عاد انا تعيجزت اروح لين محل الاقفال واشتري قفل جديد
الا بالصدفة اشوف ذا القفل مهتري مره والكلام اللي عليه تقريبا ممسوح
بس لمسته كان ينمسح الباقي خخخخخخخخخخخ ماصدقت عاد واروح اكتب عليه
وخوااتي فضحوني ياحرامية حرام عليك
ذحين يفترقون ههههههههههههههههه
والله شايلة هم المساكين يجون يدورون على حقهم يلقون اسم فارس اخوي
:( بس يالله يستاهل اخوي خخخخخخخخخخ
هذي الزاوية جوا عند مكان بيع الاقفل
لحد يشره علي << مدري وش خلاني اجيب طاري السعودية
كنت تعبانة وعقلي مو براسي :/
وخلصنا جولتنا في نامسان ورجعنا الفندق ^_^
********************
الأيام الأخيرة كلها قضيناها تسوق وفرفرة في ذا الاسواق
أهمها كان شارع هونغداي - سوق ميونغ دونغ - سوق دونغ دايمون - كويكس مول - واكيد أسواق شارع أيتوان
بالنسبة لسوق ميونغ دونغ فهو شي جميييييييييييييييييييل
أغلب الصور اللي فوق لميونغ دونغ
في كل مايتمناه قلبتس ^_^ ملابس - شوزات - مكياجات - شنط - خرابيط واكسسوارات
كل شي كل شي
ايه وهذي معلومة حلوة ^_^
بمجرد ماتدخلين محلات المكياج والبشرة بيعطونك كومة عينات
حتى لو ماشريتي شي <<<< أبد ماشطبنا كل المحلات ودخلناها عشان نقش من ذا العينات خخخخخخ
***************************
ثاني أجمل سوق هو دونغ دايمون >>>> سوق ليلي
جو السوق دا يبدأ من بعد المغرب إلى الفجر
جمييييييييييييييييييييل :"( ودي أرجع له تاني
فيه مبنى من 5 أدوار اذا مو غلطانة <<< الزبدة ان الدور الاخير فوق كله لملابس العيال ^_^
أبد مارحنا قشينا من سراويل العيال لنفسنا والرجال ينفجعوا لما نقول لهم نبغى مقاسنا خخخخخخخخخخخ
كمان كل شي فيه رخييييييص وجمييييييل بس عاد الله الله بالمكاسر
( طريقة المكاسر )
يااما تشيلين معك آلة حاسبة أو أستخدمي الجوال
اذا قالولك سعر على طول قوليلهم آخذة بالنص
يعني مثلا لقيتي فستان ب 40,000 وون <<<< بالسعودي 140 أو حولها
قوليله على طول لا بآخدها بـ 20,000 خخخخخخ رح يقول لا في البداية ويماطل وانتي عاد مثلي أنك خلاص بتروحين <<< ماأضمن ترى يمكن يحقرك ولاعاد يناديك خخخخخخخخ
المهم أنك بالنهاية ممكن تآخذينها ب 25,000 أو 30,000
نررررررررجع للأسواق
أسواق أيتوان <<<< حلوة وفيها اشياء جميلة ممكن تشتريها هدايا لأهلك وتذكارات للبلد وزي كدا
بس ترى سروقين شوية <<<< يعني كاسرين من قلب
افتكر رحت أشتري هدايا لصديقاتي من حرمة عجوزة في أيتوان
وقعدت أكاسرها لين نص المبلغ وتحمست قلت نقصي زيادة كان تعصب علي
بغت تكفخني بس أشوى رقعنا الموضوع وقلنا لها انتي حلوة ومدري أيش وأشوى عدت بسلام خخخخخخخخخخخ
***************
بالنسبة للإلكترونيات فيه سوق أسمه يونغ سان إلكترونيك ماركت
حتلاقوا فيه كل شي يخص الالكترونيات من ألعاب وجوالات وأجهزة منزلية وكل كل كل شي
وأسعارهم ماتفرق كثير عن أسعارنا
طيب نجي دحين للنقاط المهمة أثناء السفر :
** أول شي وأهم شي لازم يكون النت شغال في جوالك ولا بتضيعين
بالنسبة ليا كل عناوين المناطق والمطاعم اللي رحنا لها طلعتها من جوجل
أوريها التاكسي وهوا يدخل العنوان في الـ GPS وخلاص
** ثاني شي أول ماتنزلوا المطار أنصحكم أما تتفقوا مع الفندق يرسل لكم سواق أو استخدموا المترو لأنه أسهل وأرخص
دايما أطبعوا عناوين الفنادق اللي نازلين فيها وأعطوها كل شخص من العيلة عشان لو ضاع أحد سهل يرجع
بالنسبة لحجوزات الفنادق كانت كلها عن طريق موقع بوكينغ.كوم
** بالنسبة لإستخدام الميترو قلتلكم من قبل حتلاقوا مقاطع كثييييييييير عاليوتيوب توضح طريقة الاستخدام
بس أكتبوا how to use subway seoul
ااااااااايش كمان يااااااربي !!!!!!!!!!!!!!
** ايه نظام الفنادق عندهم الدخول من 3 العصر يعني تروحين قبل بيلطعونك برا
عشان كذا تأكدي من موعد وصولك وبلغيهم وتأكدي أنو يوصلك ردهم وأطبعيه وخذيه معك
وبالنسبة للخروج يكون 11 الصبح
** رتبي جدول قبل السفر ونظمي فيه كل الاماكن اللي تبغون تروحون لها
ابحثي بجوجل عن الاماكن السياحية هناك وشوفي ايش يناسبك منها وحطيه في الجدول
أكتبي بجوجل places to visit in seoul
هذي مجموعة تقارير عن اماكن سياحية
http://content.time.com/time/travel/cityguide/article/0,31489,1848378_1848364_1847892,00.html
http://seoulistic.com/what-to-do-in-korea/21-hotspots-where-to-go-in-seoul-and-how-to-get-there/
http://www.tommyooi.com/seoul-attractions/
http://www.timeout.com/travel/features/1143/20-great-things-to-do-in-seoul
** كمان بخصوص اللغة ترى الانجليزي كفاية
أغلب الناس هناك يفهموا شوية انجليزي يعني تقدري تمشي حالك
أحنا أبدا ما أحتجنا مترجم ولا شي
وكانت رحلتنا ززززززززي الفل ^_^ واذا عرفوا اننا سعوديين ينبسطون خخخخ ياحليلهم
** لو حابين تحجزون جولات ليوم أو يومين لأماكن معينة مع مترجم
أنصحكم تطلوا على هالموقع
http://seoul.yehatour.com/main/main.php?lang=eng
تقدروا تحجزوا من بدري وترتاحوا ^_^
أي سؤال أو استفسار انا متواجدة على تويتر والانستغرام 24 / 24
@zekraalsolami
love
xoxo
