korean dewy makeup look " المكياج الكوري الندي

السلام عليكم "

اليوم البوست عن شي سألوني عنه كثييييييييييييييير منكم 

اللي هوا كيف نحط الفاونديشن بطريقة تبين بشرتنا نديه وصحية زي الكوريات 

زي ماقلت قبل هالفترة المنتجات الكورية ضاربة في السوق 

والكل طايح في حب مكياج جون جي هيون و دارا غيرهم كثييير 

الطبيعي لو تبغين المكياج الكوري الصح حقولك استخدمي منتجات كورية 

بس اليوم رح أوريكم كيف تعملوا هاللوك بمنتجات مختلفة وطرق مختلفة 

لأنو مو دايما المنتجات الكورية متوفرة عندنا ومو كل وحدة تقدر تطلبها أونلاين 

يالله نبدأ 

أول شي ضروري تكون بشرتك صحية ومرطبتها عدل ومقشرتها وكل شي 

لأنو من سيئات اللوك الديوي أنو يحتاج بشرة صافية وخالية من العيوب تقريبا 

ولا رح يبين عيوبها ومساماتها بشكل أكبر 

عشان كذا ضروري نهيء البشرة بالتقشير والترطيب والمفروض أنتي أساسا تكوني محافظة على نظارة وصفاوة بشترك مو بس عشان هاللوك 

من المنتجات المهمة عشان تحصلي على لوك ديوي أو ندي هو الفيس ميست أو بخاخ الوجه اللي مخصص أنو يعطي البشرة نظارة ولمعة طبيعية ..

ضروري تبخيه على وجهك قبل ماتحطين الاساس أو البي بي كريم ..

هالمنتج من توني مولي 

اسمه اورا لومينس قادس ميست

وهذا من ايتود هاوس 

اسمه اورا فلومر ميست

واذا مره عجزتي تلاقين الاثنين اللي فوق استخدمي فيكس بلس من ماك 

*******************************

بعد كذا أختيار البرايمر 

جدا مهمة هالخطوة لأنها الاساس لكل اللي حتسويه بعده 

يعني ما ينفع تستخدمي برايمر مخصص أنو يعطي البشرة لوك مطفي وبعدين تقولي ليش ما طلع الفاونديشن رطب وندي 

هذا أفضل برايمر عشان يعطي لوك ديوي 

أو الستروب كريم من ماك يعطي نفس الايفكت

أو ممكن تستخدمي أي برايمر بس ضروري ما يكون يعطي فينش مطفية للأساس

************************************

نجي للفاونديشن دحين 

زي ماقلت لكم قبل اذا تبغين مكياج كوري بحذافيره استخدمي منتجات كورية 

الكوريين كلهم هابين بفاونديشنات او بي بي كريم الكوشنز 

معروفة أنو قوامها مائي وخفيفة وتعطي غلو واضاءة وترطيب للبشرة 

وانا حابتها وبقوة وودي اجربها بس مشكلتها ما عندهم درجات كثير 

كلها درجتين أو ثلاث وأضمن لكم أنها ما تناسب 95% من الشعب السعودي 

مو بس لأنها فاتحة .. لكن حتى الاندرتون عندهم دايما تميل للوردي مو زيننا نميل للأصفر 

للللللللكن 

أكتشفت مؤخرا أنو لانكوم عملت كوشن فاونديشن وبدرجات تناسبنا 

**************************

في حال أنك مااستخدمتي فاونديشن كوشن تقدري تستخدمي أي فاونديشن من اللي موجودين عندنا بالسوق 

لكن 

ماينفع تستخدمينه لحاله إذا تبغين لوك ديوي 

رح أوريكم مع أيش ممكن تخلطوه عشان تحصلوا على طلة الكوريات 

هذي الحركة أخذتها من الكوريات نفسهم ^_* 

اخلطي شوية من زبدة الشيا البيور مع الفاونديشن وأستخدي أصابعك عشان تدفي الزبدة وتذوب مع الفاونديشن 

ووزعيه بالطريقة اللي تحبيها وأفضل البيوتي بلندر 

أو ممكن تخلطي قطرتين من زيت الهوهوبا أو الارقان مع الاساس ورح يعطيكي نفس النتيجة 

********************************

أو اذا ماحبيتي تسوي كل هالاشياء 

ممكن تشتري لومينايزر سائل وتخلطي شويا منو مع الاساس 

رح يعطيكي غلو بس ما حتكون طبيعية وصحية زي لما تخلطي الزيت أو الشيا

هذي المفضلين عندي 

وفي غيرهم كثير بالسوق 

طبي واتنقي ..

*****************************

وأخر شي لا تنسي تحطي شوية هايلايتر على المناطق اللي حابة تبرزيها 

وممكن تستخدمي هايلايترز سائلة  أو تستخدمي باودر 

****************************

وأنهي كل شي ببخة ثانية من بخاخات اللومينازر اللي بدأت فيها البوست .. 

ووووووووووووووووووووووووووووووووبس 

استفدتوا ؟؟؟؟ 

اذا ايه فلا تبخلوا على حبايبكم ووارسلولهم لينك البوست 

وطبعا لا تنسوا تتابعوني على تويتر وانستغرام 

@zekraalsolami 

Love

XOXO