mini beauty haul " مشتريات تجميلية بسيطة

السلام عليكم "

كيفكم حبيباتي ؟؟

قبل كم يوم قلتلكم عالانستغرام اني نزلت على سيفورا ^_^ وقشيت كم حاجة

اليوم رح اوريكم الكم حاجة دي ^^

يالله نبدأ ^_^ 

أول شي أخدت برايمر ستاي فلولس من بينفت 

benefit - stay flawless 15-hour primer 

من زمااااان نفسي فيه 

لأنو أنا عندي التي زون دهنية بقووووووووة 

حاليا بستخدم البورفيشال من بينفت كمان 

بس أتوقع دا أفضل ^_^ نجرب وش ورانا 

سعره تقريبا 170 ريال 

أثناء لفتي في سيفورا لمحت الشي الجميل دا :( 

بلاشر سويت هارت من توفيسد ^_^ اللون اللي اخدته سمثينق أباوت بيري 

              Too Faced Sweethearts Perfect Flush Blush

                                Something About Berry 

أتععععععب وأنا أقول جميل :( كان الود ودي آخد الثلاث ألوان كلها <<< بس أشوى مسكت نفسي 

هذي الدرجات الثلاث المتوفرة <<<< عشان تعرفون كيف قلبي قوي وتحملت وما قشيتها كل ابوها :"( 

كريم شاور << نفس الجل شاور بس دا أخف - من سيفورا نفسهم 

بالفراولة والتوت الازرق 

طبعا كلكم عارفين أنها المرة المليون اللي أشتري فيها هدولا الحلوين 

ريحتهم زي حلاوات ايام زمان ^_^ بس مو مرة ثابته :( 

سعر الواحد 19 ريال >>>> عشان كذا اقشهم كل ما مريت جنب سيفورا خخخخخخخ

مرطب الوجه من بينفت 

:( مو ليأ لأختي لأنو بشرتها جافة 

أنا بشرتي مختلطة إلى دهنية ومرررره مايناسبني 

لكن مع أختي تمام التمام >>> عشقها في الدنيا 

سعره 225 ريال 

آيلانير سيفورا القلم 

احبه احبه احبه >> تاني مره اشتريه ^^ 

سواده فاحم وسهل الاستخدام مرررررررررره 

سعره اعتقد شي و 70 ريال 

فاونديشن سيفورا للبشرة المختلطة 

مجربته من قبل وحبيته عشان كدا رجعت اشتريته ^_^ 

تغطيته متوسطة وممكن تحطي طبقتين ومارح يبين كيكي ومتكتل << بس عاد لا تتحمسين 

فيه منه كمان للبشرة الجافة 

سعره 100 ريال 

فاونديشن ميك اب فور ايفر أتش دي 

معشووووقي للسهرات 

ماأخدته في آخر خرجه لسيفورا ،، اشتريته قبل أسبوعين لأنو اللي عندي خلص :( 

سعره اعتقد 180 ريال 

فاونديشن بورجوا هابي لايت 

كمان كان عندي وخلص :( 

احبه للدوام أو الخرجات الخفيفة والبسيطة 

خفيف عالبشرة وتغطيته من خفيفة الى متوسطة 

أحسه مايكتم البشرة زي بقية الفاونديشنات

سعره في حدود 80 ريال 

مزيل مكياج سيفورا 

لفتني انو مزيل للميك اب الووتر بروف >>>> كذابة لفتها سعر الحجم الصغير خخخخخخخ 

أنا مبسوطة بمزيل المكياج تبع بيوديرما ، بس مو مشكلة أجرب شي تاني ^_^ 

سعره 19 ريال 

خرجت من سيفورا ومريت على كاونتر أسنس ^_^ ولازم ألقط كذا شي خصوصا أنو أسعارهم مررررررررررررره جيدة 

أخت الروج الجميل دا ^^ لونه كورال فاقع 

أسمه ورقمه coral calling 01 

سعره حدود 30 ريال أو أقل حتى 

ماسكرا من اسنس كمان 

اممممممممم لسا مااستخدمتها فمارح اقدر احكم عليها 

سعرها 28 ريال 

ووووووووووووووووبس ^_^ 

أي استفسار حياكم على تويتر وانستغرام ^_^ 24 / 7 

@zekraalsolami 

Love 

XOXO