Tuesday, March 19, 2013

floral trend in the spring " موضة المشجر في الربيع

السلام عليكم "


كلنا عارفين أنو من أبرز التريندز السنة دي هي الفلورال ( المشجر أو المورد أو طبعات الورود ) زي ماتحبوا تسموها
^_^

في البداية حتشوفوا لوكآآت بلوقرز
وكيف منسقين قطع مشجرة في لبسهم بطريقة مرررره ناعمة وحلوة
ودا الشي ممكن يعطيكم أفكار عشان تنسقوا قطعكم الموردة ^_*

هذا بسيط ونآآعم ^_^ ويناسب للعمل أو خرجة صباحية

هنا حتلاحظوا أنها ركبت قطعتين مشجرة بلونين مختلفة بذكآآء
وحبيت الهيلز $_$

رسمي وأنيق وربيعي

هنا دخلته عن طريق جاكيت نآآعم

حبيت طبعات البنطلون وكيف دخلت معاه الدانتيل

ألوااانه رهيبة وحيوية

نآآعم وهادي


أتعب وأنا أقول أنييق
التوب دا ممكن تلبسيه مع تنورة طويلة أو قصير
مع شورت أو بنطلون
حيطلع روعة بكل الحالات

رسمي وشيييييك

سبرينق سبرينق سبرينق

هنا دخلت الجاكيت من نفس ألوان الورود اللي في القميص

**********

طبعاً مايخلص البوست من غير ما أعطيكم مجموعة قطع مشجرة وأسعارها وأماكنها



وأكيد زي ماعودتكم رح أختارلكم كم تنسيق على دي القطع اللي حطيتها
عشان تعطيكم افكار ولو بسيطة عن تنسيقها
لأني متأكدة انو كثير بيعانوا نفس مشكلتي
اشتري القطعة ولما اجي البيت احوس مع ايش البسها
^____^





طبعاً كل القطع اللي أخترتها للتنسيقات كانت من

ووووووووبس
أن شاء الله يكون البوست خفيف ويعجبكم
لو حابين يوصلكم كل جديد في المدونة أشتركوا

love
XOXO

Friday, March 8, 2013

how to wear maxi skirt " كيف تنسقي التنورة الطويلة

السلام عليكم "

كيف الحلوات ^_^

قبل كم يوم حطيت على تويتر كم تنسيق للتنانير الطويلة ( ماكسي سكرت ) وشفت أنو كتير بنات عجبتهم
فسألت لو حابين أعمل بوست كامل علن تنسيق التنورة الطويلة وكثير منكم اتحمسوا وقالولي أبدأ أعمله
عشان كدا عملته بأسرع وقت ،^_*، وان شاء الله يعجبكم وتستفيدوا منه

أول شي حابة أقول أنو التنسيقات فيها الجريء وفيها الهادي
وكل بنت وذوقها
أنا عن نفسي ممكن ألبس كل دي التنسيقات لأنها كلها عاجبتني ^_^

كثير بنات سواء في الجامعة أو في عمل يحدد اللبس مضطرين يلبسوا تنانير طويلة
هذا البوست رح يوريكم كيف تلبسوها بطريقة مريحة وملفته وأنيقة بنفس الوقت

أول خطوة عشان تلبسي التنورة الماكسي
أنك تكوني جريئة شوية بإختياراتك
دخلي ألوان على لبسك <<< بس مو تخبصي الدنيا
أختاري ألوان مناسبة وأبرزي اللوك بلون فاقع مثلاً
أو شي سباركلي

وبالنسبة للشوز فأكيد رح يكون على حسب المكان أو المناسبة اللي حتكوني فيها
يعني في الجامعة حتلبسي فلات أو صندل
في زيارة أو عزيمة حتلبسي هيلز أو ودجز
وصدقوني كلو يناسب وحيطلع حلو



في التنسيق هذا السكارف عامل شوو للوك

هذا بيرفكت للجامعة ^_^

هنا لون الكلتش بارز ومعطي اللوك حياة

أنا غرامي اللون دا ,, ومع القميص المنقط مررره تمام

هنا دخلنا لونين بارزة لأنو التنسيق كان مجرد أسود وأبيض

العقد ملفت والشنطة أعطت التنسيق رسمية شوية

تنسيق ناعم والكلتش أبرزت نعومته أكثر


حبيته لأنو رسمي ينفع للجامعة أو للعمل

رايق وأكثر شي حابته الكات آيز $_$

ناعم وينفع للجامعة أو خرجة عصرية ^_^

هذا فيه كمية أناقة ودلع وكل شي

رسمي بنفس الوقت مريح

البلوزة عاملة شوو

كثير بنات مايقتنعوا بالسويتر مع التنورة الماكسي
جربوها وشوفوا كيف حتطلع ^_*


هذا روعة لسهرة ^_^

الليبورد روعة مع الجينز ( الدينم )



لوك ايدجي للبنات الجريئات $_$

التايقر والدينم مع الأصفر عذااااااااب

نعوم وبنوتي وكيووووووووت


عملي والباق عاملة شوو فظيع


هذي التنورة حبيبة بنات الجامعة
لونها مع البلايزر الفوشيا مرره حماسي

رسمي $_$ والدمج بين الكحلي والبنفسجي رآآآئع
جربوها ^_^

رسمي وينفع لسهرة


الهيلز هنا عامل شوو


أكيد لاحظتوا في التنسيقات أنو قطع كثير مكررة
وأنا أتعمدت أعمل الشي دا عشان تعرفوا أنو القطعة الوحدة ممكن تلبسيها مليون مره وكل مره ممكن تخليها تطلع بشكل جديد
وصدقوني محد رح يدري ولا ينتبه أنك لبستيها قبل

طبعاً أنا بإنتظار رايكم في التنسيقات
وقولولي أيش اللي عجبكم وأيش اللي ماعجبكم على تويتر أو انستغرام
لا تخافوا ترى أتقبل النقد بصدر رحب ^_^ بس عاد مو تتحمسوا

ولو عجبكم البوست أشتركوا بالمدونة عن طريق الضغط على هذي الايقونة يمين الصفحة
وحيوصلكم كل جديد في المدونة ^_^