Thursday, August 1, 2013

سلسلة مكياج العيد : الأساس والكونسيلر والكونتور والهايلايت ..........

السلام عليكم "
كيفكم بنوتات ...
وعدتكم أني أحط لكم لوكات ميك آب للعيد
وطبعاً رح أوفي بوعدي ^_^ عشان كدا اليوم حبدأ بسلسلة مكياج العيد
أول بوست عن الأساس وطريقتي فيه
كمان حتشوفوا طريقتي بإخفاء العيوب والهالات السوداء
بعدها رح تشوفوا طريقتي بالكونتور اللي هوا تحديد الوجه والهايلايت اللي هوا تفتيح المناطق اللي حابه أبرزها بوجهي
يالله نبدأ ^_^
أول شي أبدأ بتحضير بشرتي

أول شي أستخدم فيتامين سي من بودي شوب
ينعم البشرة بشكل مو طبيعي ^_^ جربوه


 بعد كدا أستخدم البرايمر تبع ماك
حلو مررره وأستخدمه من 3 سنين
ينعم البشرة ويعبي الفراغات ومايخلي الفاونديشن يتكسر أو بمعنى أصح يتجمع في ثنايا تعابير وجهك

 بعد كدا أستخدم اللون اللي في النص في عجلة الكونسيلر من كريولاين
لونه بيتشي غامق وأوزعه عالهالات السوداء عشان تكسر اللون وتخفيه


بعد كدا أوزع الكونسيلر
أعتقد حفظتو الكونسيلر المفضل عندي ^_^ ماك ستوديو فينش
تغطيته ثقيله وثابت ومايتكتل
وينفع للمناسبات أو الخرجات الطويلة
أوزعه بفرشة الكريس من ريل تكنيك فوق اللون البيتشي
ورح تلاحظوا أنو الهالات أختفت تماما وماصار الكونسيلر رمادي ^_^

كمان أوزع من الكونسيلر على أي آثار حبوب وأوزعه حول أنفي من الجوانب وعلى جوانب شفايفي كمان
وأدمجه بخفة ^_^ مو لازم تدمجيه مررره مرررهلأنك حتحطي الفاونديشن فوقه


دحين جاء دور الفاونديشن
الفترة دي حبيت الكومبنيشن دا للسهرات والمناسبات
بورجوا هيلثي مكس + ريفلون كلر ستاي
أخلطهم مع بعض وأوزعهم على وجهي بفرشة الفاونديشن من كوستال سنتس
الفرشة دي شبيهه لفرشة الفلات كبوكي برش من سيغما
توزيعها للفاونديشن رهييييييييب
ولو حابة تغطية أكبر أستخدمها عن طريق التربيت
فاهمين عليا ؟؟؟
يعني لا تحركيها بشكل دائري ,, لا بس ظربات خفيفة على كل وجهك
وأتأكدي تدمجيه عدل
ولا تنسي تحطي عالرقبة كمان وعلى الأذاني



نجي للكونتور ^_^
طبعافي المناسبات أحب أثقل الكونتور شوية
عشان كذا أبدأ بمنتج كريمي وبعد كدا أثبته بمنتج باودر
أول شي أستخدم أغمق لون بعجلة كونسيلر كريولاين
وأستخدم فرشة الكونسيلر الكبيرة من ريل تكنيك
وأحطه على أماكن الكونتور بالنسبة ليا
طبعا من وجه لوجه يختلف الكونتور
ودي مجموعة أمثلة شوفي شكل وجهك وطبقي الطريقة

طبعا زي منتو شايفين بالصور
اللون البني : كونتور
اللون الأصفر : هايلايت
اللون الوردي : بلشر



تأكدي من شكل وجهك وطبقي الطريقة ^_^

طبعا بعد ماوزعت اللون الغامق على اماكن الكونتور
أبدأ ادمج اللون بالفرشة الفايبر الوسط من كوستال
حجمها حلو ويساعد عالدمج وبنفس الوقت تقدري تتحكمي فيها وما تلخبطي اللون برى المكان اللي بشتغلي فيه ^_^
ادمجه بطريقة خفيفة لحد مايصير شكلو طبيعي ومافيه حدود واضحة


بعد كدا دور الهايلايت ^_^
استخدم كونسيلر سااااااائل << ركزوا انه سائل ,,, وفاتح مرره بالنسبة للون بشرتي من ماكس فاكتور
وأحطه على شكل مثلث تحت عيوني
وأحطه على عظمة أنفي وعلى قوس شفتي اللي فوق
وعلى جبهتي بين حواجبي
لأني ابغى أنور وسط وجهي
وبعدين ادمجة بفرشة الفاونديشن من ريل تكنيك
حلوة للمنتجات السائلة وتوزع بسهولة
وبعدها أثبت شغلي بباودر من كارول ^_^ ارسلوها ليا قبل كم اسبوع ومرره فاتحة على لون بشرتي
عشان كدا صرت استخدمها بس تحت عيوني وفي المناطق اللي استخدم فيها الكونسيلر الثابت 
 وبنفس الفرشة طبعا بطريقة التربيت يعني ما أستخدم تقنية السحب لأنها حتعدم شغلي كلو

أثبت الفاونديشن على بقية وجهي ببادور ريميل ستاي مات
بفرشة الباودر من ريل تكنيك
^^ نسيت اصورها
وأرجع على أماكن الكونتور بباللون البرونزي من باليت نيكد فليشد
واستخدم فرشة الكونتور من كوستال سنتس وادمج اللون تاني وأثبته ^^
وكمان أستخدم اللون اللي بالنص اللي هوا الهايلايت وأحطه على عظمة الخدين وعظمة الانف وقوس الشفة ^^
ووووووووبس
^_^ بكدا اكون خلصت من الأساس وحيبدأ شغلي عالعيون
طبعا اللوكات الجاية رح اركز فيها عالعيون والشفايف والبلاشر
وماحتكلم نهائياً عن الفاونديشن لأنو نفس التكنيك أنا بستخدمها كل مره
ان شاء الله يكون البوست فادكم وعجبكم ^_^ لو عجبكم لا تقصروا وأعملوله شير أو مشاركة ع تويتر والفيس وأي مكان تاني
عشان تفيدوا غيركم كمان ^_^
ولا تنسوا تتابعوني ع تويتر والانستغرام
@zekraalsolami
حتلاقوا أشياء ومعلومات تفيدكم بخصوص الفاشن والتريندز والميك آب
أحبكم
Love
XOXO

16 comments:

  1. بووست جميل اخيرا حازبط كيف الكونتور شكرا يا قلبي على البووست الملهم دا

    ReplyDelete
    Replies
    1. Hahahahahaa Thank you sweetie ,, I hope you can make it ^_^

      Delete
  2. جميل يا ذكرى ..يعطيج العافيه فديتج

    ReplyDelete
  3. ثانكس ياقمر استفدت كتيرر

    كونسيلر ماك ستوديو فنش فيه منو درجات ؟ طيب والافضل الكونسيلر يكون نفس درجه بشره الوش ولا اغمق ؟

    ReplyDelete
  4. شركة تنظيف خزانات بالمدينة المنورة
    شركة عزل خزانات بالمدينة المنورة
    مياه الخزانات التي نستخدمها في الشرب وحياتنا اليومية لابد وان تكون نظيفة دائما
    لذلك نحن شركة فرسان الخليج نقدم لكم خدمات تنظيف الخزانات بالمدينة المنورة
    حيث يقومون متخصصون في عملية تنظيف الخزانات بسحب كافة المياه التي بداخل الخزان
    ثم يتم تنظيفة باستخدام منظفات قوية وفعالة ولا تتفاعل ابدا مع المياه حتي تزيل الاوساخ والرواسب المتراكمة في ارضية وجدار الخزان
    واخيرا يتم تعقيم الخزان جيدا من الداخل حتي يصبح جاهزا للاستخدام.
    ولدينا عمليات عزل الخزانات وصيانتها
    خدمة تنظيف وعزل خزانات المياه تقدم بأفضل الاسعار
    للتواصل معنا/ 0535106165
    شركة عزل خزانات بالمدينة المنورة
    شركة تنظيف خزانات بالمدينة المنورة
    http://www.forsan-elkhaleg.com/19/Cleaning-tanks-company-in-Madinah

    ReplyDelete